Спорт
„Емилијано ќе се каеш ако не дојдеш во Премиерлигата“ му рекол менаџерот на Сала (фото)



Фудбалскиот менаџер, Англичанецот Вили МекКи дал големо интервју за француски „L’Equipe“ во кое објаснува како дошло до трансферот на Аргентинецот Емилијано Сала од Нант во Кардиф.
МекКи на француските медиуми им рекол дека последните 8 денови преживува ноќни мори затоа што се чувствува виновен што пилотот Давид Хендерсон кобниот лет му го понудил на колегата Дејвид Иботсон.
МекКи ги раскажал деталите за трансферот на Сала во Кардиф и на новинарите им го покажал мејлот што му го пратил на фудбалерот за да го наговори да се пресели во Велс.
Англичанецот не му бил менаџер на Сала, но му се понудил како посредик за трансферот вреден 17 милиони евра.
Еве дел од мејлот од менаџерот за фудбалерот:
„Емилијано,
Јас сум Вили МекКи. Нас не не интересираат твоите лични работи, ние работиме само трансфери. До денеска имаме реализирано повеќе од 600, од Дрогба, до Анелка. Разговаравме со сите клубови, Манчестер, Челси, Ливерпул и мислиме дека ти би можел да завршиш во еден од нив…
Парите се тоа што ги интересира ( клубовите), а да бидеме реални, парите не интересираат и нас. Затоа сакаме да работиме со клубовите. Нема емоција, само бизнис. На некои клубови не „им лежи“ поради години, стил на игра, искуство. Добивме понуда само од Кардиф, чиј тренер се заљуби во тебе. Тој те гледа како типичен напаѓач за Премиерлигата, како Дрогба или Алан Ширер. По моето искуство, ако сега не се обидеш во Премиеригата, ќе се каеш…“ – се вели меѓудругото во мејлот што менаџерот му го испратил на несреќниот фудбалер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.