Спорт
„Епл“ подготвен да го откупи Мекларен
Технолошкиот гигант „Епл“, чии акции во четвртокот ја надминаа вредноста од еден трилион долари (1.000.000.000.000 $) е повторно поврзуван со преземање на вториот најуспешен Формула 1 тим во историјата, Мекларен, тврди „Финеншл тајмс“.
Според угледниот…
Технолошкиот гигант „Епл“, чии акции во четвртокот ја надминаа вредноста од еден трилион долари (1.000.000.000.000 $) е повторно поврзуван со преземање на вториот најуспешен Формула 1 тим во историјата, Мекларен, тврди „Финеншл тајмс“.
Според угледниот весник, „Епл“ е заинтересиран за целата Мекларен технолоџи груп (МТГ), во чиј состав се наоѓаат покрај Ф1 тимот, и Мекларен аутомотив, компанијата за производство на улични автомобили и Мекларен аплајд технолоџи, компанија за други технолошки услуги. Покрај можноста за стратешка инвестиција, односно „Епл“ да стане партнер на Мекларен, постои и моѓност за целосно преземање на компанијата, со што иднината на Ф1 тимот би станала само „колатерална штета“.
„Епл“ подолго време покажува интерес за влез на автомобилскиот пазар како ривал на „Тесла“ во развојот на автомобили на електричен погон, и подолго време работи на развој на автоматски возила.
Според „Финеншл тајмс“, МТГ вреди од 1 до 1.5 милијарди фунти, откако само Мекларен аутомотив донесе 450 милиони евра промет минатата година. Од Мекларен бргу ја демантираа приказната, велејќи дека компанијата останува со непроменет сопственички состав.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Нема шанса Осимен да си замине во јануари“
Потпретседателот на Галатасарај, Ибрахим Хатипоглу изјави дека Виктор Осимен нема да го напушти клубот во јануари, по шпекулациите дека во зимскиот преоден рок ќе се пресели во Јувентус. Осимен дојде во Галатасарај на позајмица од Наполи.
Галатасарај оваа сезона на Осимен ќе му плати шест милиони евра, а откупната клаузула во неговиот договор е намалена од 130 на 75 милиони евра, објавија италијанските медиуми.
Нигерискиот фудбалер го продолжи договорот со Наполи на уште една година пред да се пресели во Галатасарај.
„Нема шанси Осимен да замине во јануари. Всушност, планираме Осимен да игра за нас и следната сезона“, изјави Хатипоглу за турските медиуми.
Италијанските медиуми објавија дека Јувентус е меѓу италијанските клубови заинтересирани за Осимен.
Веб-страницата „Калчомеркато“ наведе дека директорот на Јувентус, Кристијано Џунтоли има добри односи со менаџерот на нигерискиот фудбалер Роберт Календа, па 25-годишниот напаѓач може да биде опција за Јувентус на крајот од сезоната, особено ако Душан Влаховиќ не се истакне до крајот на сезоната.
Спорт
Црвена звезда против Интер без најдобриот играч
Лоша вест за Црвена звезда два дена по големата победа над вечниот ривал Партизан (4:0). Две до три недели, црвено-белите ќе бидат без најдобриот играч, Мирко Иваниќ.
Иваниќ нема да биде во тимот за натпреварот прптив Интер во Милано, во Лигата на шампионите. Иваниќ се повреди проив Партизан, теренот го напушти во 70.минута.
Клубот соопшти дека тој би требало да се врати по репрезентаивната пауза, односно да биде во тимот на 18.октомомври кога Црвена звезда ќе го пречека раднички од Ниш.
Спорт
(Видео) Фенербахче им забрани на кошаркарите да играат за Турција додека селектор е Атаман
Кошаркарскиот клуб Фенербахче им забрани на играчите да играат за турската репрезентација, се додека селектор е Ергин Атаман.
Причината се гестикулациите на Ергин Атаман на вчерашниот пријателски натпревар меѓу Панатинаикос и Галатасарај.
Тој со раце ги покажа бројките три и еден, алудирајќи на резултатот од фудбалскиот натпревар меѓу Галатасарај и Фенербахче (3:1) одигран во саботата.
„Целта на овој човек е јасна, со неговиот карактер, став и стил, а она што го направи пред милиони гледачи е во целосна спротивност со неговиот идентитет како селектор на репрезентацијата. Репрезентацијата е наша репрезентација. Секој кој е дел од тимот мора да биде свесен за ситуацијата и да биде одговорен. Овој потег е големо непочитување кон нашата заедница, кон угледот на селекторот, па дури и кон нашата земја.
Ја информираме јавноста дека одлучивме да не испраќаме спортисти во машката репрезентација за време на неговиот мандат на оваа позиција, за што се потребни квалитети како што се респектабилност и непристрасност!“, се вели меѓу другото во соопштението на Фенербахче.
Атаман се извини, но очигкедно е дека од Фенербахче извинувањето не го прифатиле.
Milli takımın Koç u isen her takıma eşit mesafede olmalısın eğer olamıyorsan milli takım da görev almamalısın .
Milli takım babanın çiftliği değil derhal o görevden istifa et Ergin Ataman #ErginAtaman pic.twitter.com/JA0edWlJyz— bulut cerrah (@haber4621) September 25, 2024