Спорт
Желбата на Арсенал е да го продадат Езил
Месут Езил, во саботата, воопшто не беше во протоколот за натпреварот кој Арсенал го одиграа против Вест Хем, поради што англиските медиуми шпекулираат дека Германецот во овој преоден рок ќе го напушти клубот.
Играчот кого Арсенал најмногу го плаќа, од…
Месут Езил, во саботата, воопшто не беше во протоколот за натпреварот кој Арсенал го одиграа против Вест Хем, поради што англиските медиуми шпекулираат дека Германецот во овој преоден рок ќе го напушти клубот.
Играчот кого Арсенал најмногу го плаќа, од почетокот на сезоната никако не може да се избори за место во тимот, ниту пак одиграл натпревар на нивото на кое беше пред две сезони.
Езил за Арсенал, сезонава има одиграно 13 натпревари, на кои забележал три гола и една асистенција. Премалку за играч кој е проектиран и платен да ја води играта на Арсенал.
Поранешниот германски репрезентативец ја има поддршката на менаџерот Унаи Емери, меѓутоа по поразот од Вест Хем (1:0), тој рекол дека Езил не заслужил да биде ниту на клупата за резерви, поради што го изоставил од протоколот.
Оваа негова изјави ги натера англиските медиуми да пишуваат дека Арсенал ќе се обиде да го продаде Еџил веќе во овој преоден рок. Од парите што би ги добиле за Германецот би можеле да купат неколку играчи, меѓу кој е и најголемата желба на тренерот Емери, Денис Суарес од Барселона.
Езил има големи примања, неделна плата од 350.000 фунти, што ја отежнува продажбата, бидејќи не постои клуб во Европа што би прифатил да издвојува толку пари за играч кој според однесувањето и не е премногу заинтересиран за фудбалската игра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Халанд влезе во историјата на Норвешка, па објави дека ќе стане татко
Ерлинг Халанд ја потврди својата блескава форма оваа сезона со историскиот подвиг во норвешката репрезентација. Тој постигна два гола во победата над Словенија 3:0, во Лигата на нации.
Во 36. настап за репрезентацијата Халанд го постигна 34.гол и стана најдобар стрелец во историјата на Норвешка. Халнад го собори рекордот на Јорген Јове од 1937 година.
Но, вистинската прослава следуваше по натпреварот. Халанд се врати на тревникот на стадионот во Осло, ја стави топката под дресот во пределот на стомакот и палецот во устата и позираше пред фотографите. Тој веднаш ја објави сликата на социјалните мрежи со емоџи од мало дете и порака „наскоро“.
Тоа беше позитивен шок за неговите соиграчи и норвешката јавност. Секако, вака објави дека тој и неговата девојка Изабел Хаугсенг Јохансен, која беше на стадионот чекаат дете.
Спорт
(Видео) Инцидент во Евролигата – Брајант го гризна Биберовиќ
Дербито на Истанбул во Евролигата, во салата на Ефес им припадна на кошаркарите на Фенербахче (93:69).
Натпреварот го обележа инцидентот во третата четвртина меѓу Елајџа Брајант (Ефес) и Тарик Биберовиќ (Фенербахче).
Фенер беше во напад, Елајџа Брајант се обиде да го запре Тарик Биберовиќ, а потоа и двајцата завршија на паркетот. Кошаркарите тргнаа физички да се пресметаат, соиграчите успеаја да ги раздвојат, а судиите ги исклучија двајцата.
Сепак, ТВ камерите не успеаја да го овековечат најдоброто од она што се случуваше.
Дури по крајот на натпреварот, благодарение на фотографија, беше целосно јасно што се случи, Брајант најверојатно го гризнал Биберовиќ.
Değerli Fenerbahçe Camiasına..
Bugün oynanan Anadolu Efes – Fenerbahçe Beko Euroleague 2. Hafta mücadelesinde, rakip oyuncu Elijah Bryant’ın, oyuncumuz Tarık Biberovic’e yerde bulunurken gerçekleştirmiş olduğu saldırı, basketbolun rakebet ve fair-play ruhuna tamamen aykırıdır,… pic.twitter.com/IlBK6rjGb1
— 1907 Basketbol (@1907Basketbol1) October 10, 2024
ulan tarık ellerine sağlık 😂😂 https://t.co/B5oilGopi5 pic.twitter.com/KtR4t11uXF
— seher (@bekobahcem) October 10, 2024
Спорт
(Видео) Шок на Вембли: Два гола на Павлидис, Грција ја победи Англија
Грција го направи најголемото изненадување во досегашниот тек од Лигата на нации. Грците ја победија Англија на „Вембли“ со 2.1 во третото коло, во Групата 2. Ова е прв пораз на Англија на „Велмбли“ по четири години.
Грците до најголемата победа во последните 20 години, од финалето на ЕУРО 2004 во Португалија, ги предводеше Василис Павлидис.
Напаѓачот на Бенфика го постигна првиот гол во во 49. минута, тој постигна уште еден во 83.минута, но голот беше поништен поради офсајд.
Белингем во 88.минута изедначи на 1:1, но Англија сепак не успеа да го избегне поразот. Во 94.минута Павлидис го постави конечниот резултат.
Грција со максимални девет бода ја предводи Групата 2, Англија има шест.