Здружението на играчи од МЛС објави податоци за платите на сите играчи со важечки договори заклучно со мај 2025 година, а очекувано на врвот се наоѓа Лионел Меси.

Напаѓачот на Интер Мајами, кој има 38 години, ја задржа водечката позиција втор пат по ред. Основната плата на капитенот на аргентинската репрезентација е 12 милиони долари, а вкупната загарантирана компензација е дури 20,4 милиони долари.

Оваа бројка го вклучува основниот договор плус бонуси и други додатоци за време на траењето на договорот. Меси е лидер во двете категории, далеку пред другите ѕвезди на лигата.

Вториот најплатен играч во МЛС е Лоренцо Инсиње (Торонто) со 15,4 милиони долари. Италијанецот е единствениот покрај Меси кој заработува повеќе од 10 милиони по сезона.

Меѓу првите 10 се и: Серхио Бускетс (Интер Мајами) – 8,8, Мигел Алмирон (Атланта) – 7,9, Ирвин Лозано (Сан Диего) – 7,6, Федерико Бернардески (Торонто) – 6,3, Емил Форсберг (Њујорк Ред Бул) – 6,03, Жорди Алба (Интер Мајами) – 6, Рики Пуч (Лос Анџелес Галакси) – 5,8 и Џонатан Бамба (Чокаго) – 5,6.

Освен доминацијата на теренот, Меси е и маркетиншка машина. Интер Мајами забележа огромен пораст на вредноста, гледаноста и продажбата на дресови откако тој пристигна во Мајами.

Ноа Ланг е првото засилување за Наполи во актуелниот преоден рок. Холандскиот репрезентативец, кој ги помина последните две сезони во ПСВ, потпиша петгодишен договор.

Клубот од Ајндховен ќе добие 25 милиони евра плус бонуси кои би можеле да достигнат пет милиони евра.

Ланг, е продукт на младинската академија на Ајакс, минатата сезона одигра 44 натпревари, постигнува 14 гола и забележа 12 асистенции.

Олимпик Лион се соочува со најтешките моменти во клупсјата историја. Француската фудбалска федерација, во вторникот, го исфрли клубот од Лига 1, а како што стојат работите УЕФА нема да му дозволи да се натпреварува во Лига Европа.

Лион е исфрлен во втората лига поради огромниот долг, се спеменува сума од 422 милиони евра.

Клубот во јануари доби опомена да го намали долгот, а откако не го направи тоа во дадениот рок, ФФФ реагираше со жестока казна.

Истото ќе го направи и УЕФА. Минатата сезона, Олимпик Лион заврши на петтото место, со што избори директен пласман во лигашката фаза од Лига Европа. Доколку УЕФА го елиминира Лион, два клуба ќе профитираат од таквата одлука.

Стразбур, наместо во плеј-офот за место во Конференциската лига, би играл Лига Европа, додека Ленс, кој беше рангиран на седмото место во Лигата 1, би скокнал во третото по ранг европско клупско натпреварување.

Се уште се очекува потврда од УЕФА, но како што стојат работите сега, малку е веројатно дека нешто ќе се промени. Лион најави жалба до Лигата 1, според информациите од Франција, таа ќе биде само формална.