Спорт
Започнува борбата за европскиот кошаркарски трон
Белград од денес до недела е домаќин на завршниот турнир во кошаркарската Евролига. За трофејот ќе се борат актуелниот првак Фенербаче, најпријатното изненадување оваа сезона Жалгирис, односно двата најтрофејни клуба во елитното натпреварување Реал Мад…


Белград од денес до недела е домаќин на завршниот турнир во кошаркарската Евролига. За трофејот ќе се борат актуелниот првак Фенербаче, најпријатното изненадување оваа сезона Жалгирис, односно двата најтрофејни клуба во елитното натпреварување Реал Мадрид и ЦСКА Москва.
Заврниот турнир ќе го отврат Фенербахче и Жалгирис. Двата тима имаат по една титула во Евролигата. Фенер е актуелен првак, лани во Истанбул ја освои титулата со победата над Олимпијакос 80-64.
Жалгирис единствената своја титула ја има освоено во 1999 година, кога во финалето го победи Киндер Болоња 82-74.
Втората полу-финална двојка ја формираа најтрофејните тимови во Лигата на шампионите, односно Евролигата.
Мадридски Реал има девет европски титули, седум во периодот од 1958 до 1987 година, а три откако се играат завршните турнири. Последен пат Реал бил европски првак во 2015 година. Тогаш во финалето, во Мадрид, Реал го победи Олимпијакос 78-59.
ЦСКА Москва, во ерата пред завршните турнири четири пати биле европски шампиони, а во новата евролигашка ера имаат три трофеи. Послден пат „армејците“ бил шампиони во 2016 година, кога во Берлин, славеа над Фенербахче 101-96.
Евролигата најавува спектакл во „Штарк“ арената во Белград, а уште вчера беа делегирани судиите за полу-финалните дуели.
Фенербахче-Жалгирис (18 ч.), судии: Даниел Јерезуло (Шпанија), Сретен Радовиќ (Хрватска), Олег Латишев (Летонија)
ЦСКА Москва-Реал Мадрид (21 ч.), судии: Луиџи Ламоника (Италија), Роберт Лотермозер (Германија), Матеј Болтаузер (Словенија).
В недела, од 18 часот ќе се игра натпреварот за третото место, а големото финале на програмата е во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челзи во финишот го скрши Фулам, Вулвс славеа на „Олд Трафорд“

Челси на „Крајвен Котиџ“, во финишот успеа да го совлада Фулам со 2.1 и да остане во трката за пласман во Лигата на шампионите.
Фулам поведе во 20 минута кога Алекс Ивоби на асистенција на Рајан Сесењон го совлада голманот на Челзи.
И пред тоа Фулам постигна гол, но истиот беше поништен бидејќи Андреас Переира беше во офсајд.
Фулам предноста ја чуваше до 84. минута, кога Тајрик Џорџ со деби голот за Челси го изедначи резултатот.
Голот на Педро Нето во 94. минута му донесе победа на Челзи. Португалецот одлично се снајде и со перфектен удар ја „скина“ мрежата.
По оваа победа, Челзи скокна на петтото место, кое носи пласман во Лигата на шампионите, додека Фулам е на деветтото место со девет бода помалку од соседите од Лондон.
Фудбалерите на Манчестер Јунајтед немаа концентрација и сила да пружат идентичен отпор на натпреварот против Вулверхемптон по епскиот пресврт против Лион во Лигата на Европа.
„Волците“ ја искористија анемичната домашна екипа и успеаја да си заминат од Олд Трафорд со сите три бода.
Херој на тимот на Витор Переира беше Пабло Сарабија, кој од слободен удар во 77. минута од натпреварот го совлада Андреа Онана.
Вулверхемптон е во невидена резултатска серија, ова беше дури петти триумф во низа и со тоа се изедначија во поредокот со „црвените ѓаволи“ на 14. место со 38 бодови.
Можност за продолжување на оваа серија ќе имаат во следното коло кога ривал ќе им биде веќе оплаканиот Лестер.
Леандро Тросар го предводеше Арсенал до победа. „Топџиите“ славеа кај Ипсвич со 4:0 Белгиецот го отвори резултатот во 14.минута, потоа погоди Мартинели.Во вториот дел од натпреварот видовме уште еден гол на Тросар, а конечниот резултат го постави Нванери.
Спорт
Конте му се налути на Де Лаурентис: Не сум будала

Фудбалерите на Наполи синоќа ја победија Монца на гостински терен со 1:0 во 33. коло од Серија А и со 71 бод се изедначија со Интер на првото место на табелата, иако Интер има натпревар помалку а тоа е вечерашното тешко гостување во Болоња.
Наполитанците во преостанатите пет кола имаат многу полесен распоред од бранителот на титулата, а треба да се напомене и дека Интер ќе биде оптоварен со полуфиналето од Лигата на шампионите против Барселона и полуфиналето од Купот на Италија против Милан. Наполи, пак, до крајот на сезоната има само натпревари во Серија А.
Тренерот на Наполи, Антонио Конте синоќа одржа бурна прес-конференција по тешкиот триумф во Монца, а од неговиот говор се чини дека „не му цветаат рози“ на „Марадона“ и покрај одличните резултати.
„Јас имам одговорност и вие, медиумите, први го потенциравте тоа со зборовите дека ако Конте е на клупата, тимот мора да победи. Бидејќи тоа ми го припишавте мене, не сакам да ги изневерам навивачите. Не можам да се потпрам на чуда наместо на план. Го почитувам и го ценам претседателот на Наполи (Аурелио де Лаурентис) Навивачите на Наполи имаат високи стандарди ако не победат, се лутат“, рече Конте и додаде:
„Морам да одмерам сè, и не сум будала. Направив голем притисок врз себе, но ми треба вистинско оружје за да се борам. Во спротивно, тоа е масакр и не сакам да ме исечат. Ќе седнам на преговарачка маса со претседателот, а потоа ќе видиме. Ќе имаме приходи од квалификациите за Лигата на шампиони, ни помогна и трансферот на Кварацхелија, но сега искрено ќе разговарам со претседателот. Дадов се од себе, со камата. Сега сакаме да победиме заедно со момците кои напорно работат“.
„Имам добар однос со Де Лаурентис, но исто така ми треба почит. Морам да се заштитам себеси, инаку сето ова ќе биде само убаво, но завршено патување. Тука сум за навивачите на Наполи и за себе. Нема да правам будала од себе и да ги оставам да ме тепаат. Мора да продолжиме да веруваме и се надевам дека ќе имаме и малку среќа. Од јануари среќата не беше на наша страна. Веруваме во нашите можности. Играчите се одлични во тешки ситуации и ние градиме силни темели преку тие предизвици“.
Спорт
Барселона обвинета за расизам, кон поранешен играч
Тренерот на Селта, Клаудио Хиралдез изјави дека навивачите на Барселона на расна основа го навредувале фудбалерот на неговиот тим Илајш Мориба за време на натпреварот во шпанското првенство.
Хиралдес рече дека 22-годишниот Мориба, по потекло од Гвинеја, бил расно навредуван кога бил заменет во финишот од натпреварот, кој Барселона го доби со 4:3 на домашен терен.
„Жално е што ова се случува и денес во фудбалот“, изјави Хиралдес на новинарите.
Мориба помина низ фудбалската школа на Барселона пред да стигне до првиот тим.
Тој потпиша за Лајпциг во 2021 година, откако германскиот клуб му понуди подобар договор и оттогаш имаше позајмици во шпанската лига за Валенсија, Хетафе и Селта.
Шпанскиот фудбал има многу проблеми со расизмот, бидејќи често има инциденти каде некои навивачи ги навредуваат фудбалерите со темна кожа.