Спорт
За кој мадридски тим вистински навива Надал?
Интересен детал го обележа синоќешниот полу-финален реванш во Лига Европа, помеѓу Атлетико Мадрид и Арсенал, на „Ванда Метрополитано“.
На трибините на стадионот на Атлетико се најде и најдобриот светски тенисер, Рафаел Надал со шал на „јорганџиите“ око…


Интересен детаљ го обележа синоќешниот полуфинален реванш во Лига Европа помеѓу Атлетико Мадрид и Арсенал на „Ванда Метрополитано“.
На трибините на стадионот на Атлетико се најде и најдобриот светски тенисер, Рафаел Надал, со шал на „јорганџиите“ околу вратот. Надал бурно го прослави и голот на Диего Коста со кој Атлетико го победи Арсенал 1-0 и се пласира во финалето.
Оваа информација немаше да биде чудна доколку Надал не е деклариран навивач на најголемиот ривал на Атлетико, Реал Мадрид.
Hoy, mañana y siempre de Rafa Nadal. Un ejemplo que apartó su madridismo para apoyar a un equipo de su país y con una sonrisa. No le importó ponerse la bandera roja y blanca y mandar un guiño a todos sus seguidores del Atlético. Quedan pocos de su raza ? pic.twitter.com/lPaHciKbzn
— Nacho Palencia (@NachoPalen) May 3, 2018
Надал никогаш не ја криел љубовта кон „карлскиот клуб“, а од поблиското минато датира и неговата изјава дека би сакал да биде претседател на Реал. Тенисерот секогаш бурно ги прославувал титулите на Реал во изминатите години.
Дека тој е секогаш добредојден, сведочи и сликата од првиот натпревар против ПСЖ во осмина-финалето во Лигата на шампионите кога навивачите на Реал приредија сјајна кореографија на која се наоѓаше ликот на Надал.
Прашање е како на ова „предавство“ на Надал ќе реагираат фановите на Реал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

РЕ-Балканкан
Ѓоковиќ добил Златна виза, со семејството ќе живее во Атина

Грците со гордост објавуваат дека најуспешниот тенисер во историјата, Новак Ѓоковиќ, ќе се пресели во оваа земја со своето семејство и ќе започне ново поглавје во својот живот.
Грчката веб-страница „Glow.gr“ подготви голем текст за Новак Ѓоковиќ, објаснувајќи ја позадината на неговата одлука да ја направи Атина своја нова база.
„Неговата одлука не дојде туку така, туку е последица на неговата врска со Грција, која се зајакна со текот на годините.“
Заедно со неговата сопруга Јелена, тој ја посети Грција неколку пати, со семејни одмори на Крит и Миконос и направи поклонение на Света Гора, која има големо духовно значење за него. Од 2024 година започнаа неговите официјални контакти со грчката влада со цел да добие Златна виза. Семејството Ѓоковиќ бара идеален дом за своите деца, а акцентот е ставен на мирно, безбедно соседство кое е поврзано со природата.
Љубовта на Новак кон Грција не е ограничена само на културата и природата. Тој постојано нагласуваше дека бил трогнат од топлината на луѓето, рамнотежата помеѓу традицијата и модерноста, духовноста на православието и неговата поврзаност со монасите на Света Гора.
Постојат и практични причини: Атина е блиску до повеќето градови каде што се одржуваат турнирите, има одлична медицинска и образовна инфраструктура, а се развива и во деловен поглед.“
Во заклучокот на текстот се наведува дека Ѓоковиќ е една од највлијателните личности во светот на спортот.
Спорт
Лукас Нмеча е првото засилување на Лидс

Повратникот во Премиер лигата на Англија, Лидс го обезбеди потписот на германскиот напаѓач Лукас Нмеча, кој со тоа ќе стане првото засилување на клубот за следната сезона.
Нмеча се враќа во англискиот фудбал, бидејќи ја започна својата кариера во Манчестер сити, за кого одигра само два првенствени натпревари, а по бројните позајмици се пресели во Волфбург, каде што ги помина претходните четири сезони.
Нмеча е член на германската репрезентација, а во Лидс доаѓа како слободен играч.
Тој со клубот од Јоркшир потпиша две годишен договор.
Спорт
Полонара се бори со леукемија

Италијанскиот кошаркар Акиле Полонара е болен со леукемија, објави неговиот клуб Виртус од Болоња.
Пред две години, Полонара беше опериран за отстранување на тумор на тестисите од кој се опорави, но сега го очекува уште една животна битка.
Му беше дијагностицирана миелоидна леукемија, што значи малигна болест на коскената срцевина.
„Ајде Аки, со тебе сме, те чекаме“, е пораката на неговиот клуб, чие соопштение го преведуваме во целост.
„Виртус ја информира јавноста дека Акиле Полонара во текот на изминатите недели поминал на специјалистички медицински прегледи, по што му е поставена дијагноза миелоидна леукемија. Полонара моментално е хоспитализиран во болницата „Св. Орсоло Малпиги“ во Болоња, каде што започнал со специфични терапии. Целото семејство Виртус е со Акиле и неговите најблиски и му посакува брзо закрепнување. Ајде Аки, сите сме со тебе и те чекаме“, се наведува во соопштението за медиумите на клубот.