Манчестер сити во 21. коло од Премиер лигата на гостувањето кај Брентфорд испушти предност од два гола во само 10 минути. Сити со головите на Фил Фоден имаше водство 0:2, но тогаш Виса и Норгард погодија за 2.2.

Но, реалноста на Сити и по оваа пропуштена победа е дека се бори за четвртото место сезонава и за пласман во Лигата на шампионите. По ова реми, Манчестер сити е шести во Премиер лигата со 35 бодови, исто толку колку и петтопласираниот Њукасл, но со натпревар помалку.

Фудбалерите на Сити беа исцрпени по последниот судиски свиреж, а штом судијата го означи крајот на натпреварот менаџерот Пеп Гвардиола се упати кон Јошко Гвардиол.

Шпанскиот тренер делуваше луто и многу темпераментно му објаснуваше нешто на хрватскиот дефанзивец. Откако разговараше со него, тој премина кај голманот Стефан Ортега и исто толку страсно му објасни, со изразени гестови, викање, гушкање и лесни тупаници.

Со оглед на тоа што камерите уловија што прави и како изгледа Гвардиола, на прес-конференцијата по натпреварот новинарите се интересираа што им зборувал на Гвардиол и Ортега. Менаџерот рече дека е воодушевен од настапот на двајцата.

„Разговаравме за тоа колку добро играше. Тој одигра неверојатен натпревар”, изјави Гвардиола за Гвардиол. „Разговаравме за една акција, исто е и со Ортега, му кажав колку добро играше, колку добро му додаде на Ерлинг и особено сум задоволен од нив двајца“.

Pep Guardiola GOES OFF at Stefan Ortega after Manchester City blew a two-goal lead 😡

Watch 📲 https://t.co/pw74sTKZ7u pic.twitter.com/r4ju4KX6zq

— Optus Sport (@OptusSport) January 14, 2025

Ова не е единствениот чуден одговор на Гвардиола на новинарските прашања, легендарниот тренер продолжи да дава бизарни изјави. Еве уште неколку:

Дали сте задоволни со бодот против Брентфорд?
Да, така е како е.

Наскоро ќе потпишете со Абдукодир Кусанов, Витор Реис и Омар Мармуш?
Немам што да кажам.

Дали Кајл Вокер повторно ќе игра за Сити?
Го кажав тоа што го кажав. Немам што повеќе да кажам.

Стрелецот Фоден рече дека сте ја испуштиле предноста од два гола затоа што тимот бил уморен?
Да, затоа го заменив.

Кошаркарите на Денвер Нагетс, втор пат во три дена ги победија Далас Маварикс. Никола Јокиќ и Џамал Маре го предводеа тимот до победата 118:99.

Предводник на тимот на Мајкл Мелоун во победата беше расположениот Џамал Мареј со 45 поени (18/26 од поле) и шест асистенции за 37 минути на паркетот. Тоа е само пет помалку од неговиот рекорд во кариерата.

Мајкл Портер имаше 13 поени и шест скока, а покрај нив двајца двоцифрен ефект имаше и Никола Јокиќ.

Јокиќ оствари нов трипл-дабл (146. во кариерата) со 10 поени (4/7), 14 скока и 10 асистенции. За 29 минути игра имаше и две украдени топки и една загубена топка.

Во Далас никој не се истакна. Најефикасен беше Даниел Гафорд со 13 поени. Кајри Ирвинг имаше два помалку, но со слаби проценти на шут (4/18). Маршал имаше идентичен поентерски учинок.

Ова е четврта победа во низа на Денвер и 24 во сезоната, што е доволно за четвртото место во поредокот на Западната конференција. Далас е две позиции подолу.

НБА, резултати:

Индијана – Кливленд 117:127
Филаделфија – Оклахома 102:118
Атланта – Феникс 122:117
Чикаго – Њу Орлеанс 113:119
Милвоки – Сакраменто 130:115
Далас – Денвер 99:118
Портланд – Бруклин 114:132

Новак Ѓоковиќ и Карлос Алкараз изборија пласман во третото коло на Австралија опен. Ѓоковиќ во четири сета го победи Жаиме Фарија, а Алкараз во три сета убедливо го победи Јошихито Нишиока.

Ѓоковиќ прптив младиот Португалец Фарија на теренот мина нешто повеќе од три часа победи со 6:1, 6:7, 6:3, 6:2. Со исклучок на вториот сет кој го загуби во тај-брејк, седмиот носител доминираше против Фарија.

Покрај победата тој успеа да урне рекорд на Роџер Федерер. Го одигра 430.меч на Гренд слем турнирите.

Новак во третото коло ќе игра против Томаш Махач, кој го елиминира Рајли Опелка.

Алкараз беше немилосрден против 65.тенисер на АТП листата. Шпанецот славеше со 6.0, 6:1, 6:4. Алркараз првиот сет го освои за само 18 минути игра, првиот гем на Нишиока му го препушти дури во четвртиот гем од вториот сет.

Алкараз во следното коло ќе игра против победникот од мечот меѓу Нуно Борхес и Џордан Томпсон.