Спорт
Интер со борбено реми против Барса, Наполи се врати против ПСЖ (видео)
Двете големи италијански пресметки од Лигата на шампионите во Италија во вторникот завршија без победник, откако Интер успеа во финишот на мечот да се врати за 1:1 реми против моќната Барселона, додека малку појужно во Неапол, Наполи се врати за 1:1 р…


Двете големи италијански пресметки од Лигата на шампионите во Италија во вторникот завршија без победник, откако Интер успеа во финишот на мечот да се врати за 1:1 реми против моќната Барселона, додека малку појужно во Неапол, Наполи се врати за 1:1 реми со фаворизираните Пари Сен-Жермен, правејќи компликувана ситуација во групата Ц.
Интер сакаше да се одмазди за поразот на „Ноу Камп“ во претходното коло, но пропушти доста шанси во двете полувремиња, пред во 83. минута од мечот, Малком, засилувањето на Барса кое не покажа многу од доаѓањето во клубот да донесе водство само две минути од влегувањето во игра. Но, Интер не се предаде и во 87. минута преку капитенот Мауро Икарди дојде до израмнување.
Тотенхем остана во игра за пласман понатаму по драматичната 2:1 победа над ПСВ Ајндховен, откако Хери Кејн постигна два гола за десет минути во финишот на натпреварот за да ја поништи предноста која холандскиот клуб ја имаше од првото полувреме.
На Наполи пак, му беше потребен гол од пенал за да се врати за 1:1 реми против Пари Сен-Жермен, кои дојдоа во водство со голот на Хуан Бернат на крајот на полувремето. Спасител на „партенопеи“ беше Лоренцо Инсиње со гол од белата точка во 63. минута.
Со овој поен, Наполи остана лидер во групата Ц со шест поени, колку што има и второпласираниот Ливерпул, но во игра се и ПСЖ со пет поени и Црвена звезда со четири поени, ветувајќи интересни последни две кола.
Во групата А, Атлетико Мадрид врати за понижувачкиот 4:0 пораз од Борусија во минатото коло со лесна 2:0 победа, со која двата клуба остануваат на врвот на групата, и практично се веќе во осминафиналето на ЛШ посебно по катастрофата на Монако против Бриж.
Во „најнеатрактивната“ група во ЛШ, Шалке со 2:0 го совлада тимот на Галатасарај да остане на второто место на табелата пред лидерот Порто, кој со убедливи 4:1 славеше против Локомотив Москва.
Фото: ЕПА
ЛИГА НА ШАМПИОНИ, 4.КОЛО
ГРУПА А
Атлетико Мадрид – Борусија Дортмунд 2:0
Монако – Клуб Бриж 0:4
Табела: 1.Борусија Д. 9, 2.Атлетико М. 9, 3.Бриж 4, 4.Монако 1
ГРУПА Б
Интер – Барселона 1:1
Тотенхем – ПСВ Ајндховен 2:1
Табела: 1.Барселона 10, 2.Интер 7, 3.Тотенхем 4, 4.ПСВ 1
ГРУПА Ц
Наполи – Пари Сен-Жермен 1:1
Црвена звезда – Ливерпул 2:0
Табела: 1.Наполи 6, 2.Ливерпул 6, 3.ПСЖ 5, 4.Црвена звезда 4
ГРУПА Д
Порто – Локомотив Москва 4:1
Шалке – Галатасарај 2:0
Табела: 1.Порто 10, 2.Шалке 8, 3.Галатасарај 4, 4.Локомотив М. 0
ИНТЕР – БАРСЕЛОНА
НАПОЛИ – ПСЖ
ШАЛКЕ – ГАЛАТАСАРАЈ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Познати се сите учесници во Лигата на шампионите – Ждрепката е во четврток

По последните квалификациски натпревари, познати се сите учесници на 71-то издание на Лигата на шампионите. Наградниот фонд за Лигата на шампионите оваа сезона е 3,317 милијарди евра.
Следната сезона 2025/26 ќе биде втора по ред во новиот формат со 36 екипи, при што секој од нив ќе игра најмалку осум натпревари.
Сите екипи ќе бидат поделени во четири шешири од по девет екипи, а ждрепката ќе се одржи во четврток во 18:00 часот во Монте Карло.
Прв шешир: Пари Сен Жермен, Реал Мадрид, Манчестер сити, Баерн Минхен, Ливерпул, Интер, Челзи, Борусија Дортмунд, Барселона
Втор шешир: Арсенал, Баер Леверкузен, Атлетико Мадрид, Бенфика, Аталанта, Виљареал, Јувентус, Ајнтрахт, Клуб Бриж
Трет шешир: Тотенхем, ПСВ, Ајакс, Наполи, Спортинг Лисабон, Олимпијакос, Славија Прага, Боде/Глимт, Олимпик Марсеј
Четврти шешир: Копенхаген, Монако, Галатасарај, Унион Сен Жилоа, Карабаг, Атлетик Билбао, Њукасл, Пафос, Каират
Првото коло ќе се одигра на 16 и 17 септември, додека финалето е закажано за 30 мај во Будимпешта.
Спорт
(Видео) Клуб од Четвртата лига го елиминира Манчестер јунајтед од Лига купот

Членот на Лига 2 (четврти ранг на англискиот фудбал) Гримзби го елиминира Манчестер јунајтед во второто коло, во Лига купот. Гримзби, клуб основан пред 147 години, победи на пенали со 12:11. Натпреварот во регуларното време заврши 2:2 (2:0).
Дека на „Бландел Парк“ може да се случи една од најголемите сензации во историјата на англискиот фудбал, можеше да се насети во првото полувреме, кое Јунајтед од апсолутниот аутсајдер го загуби со 2:0.
Првиот гол го постигна Вернам во 22-та минута, а Ворен го дуплираше водството на Гримзби по половина час игра.
Манчестер јунајтед се врати во живот во последните 15 минути, со головите на Брајан Ембумо во 75-та и Хари Магваер во 89-та минута.
Бидејќи немаше победник во 90 минути се шутираа пенали. Таму се случуваше вистинска драма, се шутираа 13 серии, а трагичари беа играчите за кои Јунајтед летово издвои речиси 150 милиони евра.
Матеус Куња не успе да ја заврши работата во петтата серија кога резултатот беше 4:4, а Ембумо ја погоди гредата во 13 серија.
Фото/ Принтскрин
Спорт
(Видео) Бенфика го испрати Мурињо во Лига Европа, Бриж ги растури Глазгов Ренџерс

Бенфика, Клуб Бриж и Копенхаген ја комплетираа листата на учесници во главнаѕа фаза, во Лигата на шампионите.
Во најпривлечнит натпревар, Бенфика со 1:0 го победи Фенербахче. Жозе Мурињо и втора сезона по ред не успева со Фенер да дојде до Лигата на шампионите. По 0:0 во Истанбул, Бенфика подобро влезе во реваншот, ВАР им поништи два гола, а во 35.минута Актуркоглу го постигна единствениот гол.
Најдобрата шанса за Фенер ја имаше Ен Несири во вториот дел кога ја погоди гредата.
Копенхаген со 2:0 забележа победа над Базел и со вкпни 3:1 се пласира во ЛШ. Двата гола беа постигнати во вториот дел. Корнелиус погоди веднаш на стартото од второто полувреме, а во 84.минута точка на мечот стави Мукоко.
Клуб Бриж со 6:0 го декласира Глазгов Рензерс и со вкупни 9:1 го мина плеј-офот. Гостите од осмата минута играа со играч помалку. Аронс доби црвен картон. Бриж во првиот дел постигна пет гола и уште еден во вториот.
Foto/ EPA/RODRIGO ANTUNES