Марк Одермат, 27-годишениот швајцарски скијач, го обезбеди првиот Мал кристален глобус оваа сезона во Светскиот куп. Математички стана најдобар во супер-џи.

Во Квитфјел, Норвешка, за време на тренинзите во спуст, неговиот единствен ривал, италијанскиот скијач Матија Касе, доживеа сериозен пад со што ја заврши сезоната.

Откако бил пренесен во болница, му била констатирана фрактура на лактот, поради што Италијанецот веднаш бил опериран.

Остануваат уште две трки во супер-џи до крајот на сезоната, а само Касе може да го стигне Одермат, кој има 181 бод повеќе во поредокот.

Одермат беше најдобар во супер-џи во претходните две сезони. Освен тоа, Швајцарецот има еден глобус во спуст, три во велеслалом и три пати го има освоено Големиот кристален глобус за најдобар во Светскиот куп, во 2022, 2023 и 2024 година.

Марк е на чекор до нова победа во Светскиот куп бидејќи моментално води со 1306 бодови, додека на второто место е Норвежанецот Хенрик Кристоферсен со 946 бодови.

Голманот на Баерн, Свен Улрих (36) е главната приказна на првиот осминафинален натпревар од Лигата на шампионите меѓу тимот од Минхен и Баер Леверкузен (3:0).

Не го привлече вниманието со некоја бравура меѓу стативите или некоја интервенција, одбранет пенал…тој не само што не играше, туку не беше ниту на протоколот за мечот.

Улрих десет години е лојална резерва на недопирливиот Мануел Нојер, а моментално е трет голман на тимот, поради што за овој меч беше надвор од протоколот, па тој го следеше натпреварот од трибините, во цивилна облека.

Сепак, во 58. минута првиот голман Мануел Нојер се повреди при спринт за да го прослави вториот гол на Баерн, а набрзо беше заменет од Јонас Урбиг, оставајќи ги Баварците без резервен голман.

Но, тоа кратко траеше. Улрих беше повикан да ја облече голманската опрема, па брзо се симна од трибините на клупата, се пресоблече и за кратко време од гледач стана резерва на Баерн.

Фотографиите од Улрих на трибините во „цивилна“ облека, а потоа и оние од него како седи на клупата во опрема на Баерн станаа вирални.

Sven Ulreich changed and sat on the bench after Neuer's injury https://t.co/qa99UMEQng pic.twitter.com/JyeijSxgX2

— Bayern & Germany (@iMiaSanMia) March 5, 2025

Пирели ќе стане официјален снабдувач на гуми во „карлската класа“ од 2027 година, кога категоријата започнува нова ера во која моќноста на моторот ќе се намали од 1.000 на 800 кубни сантиметри.

Италијанскиот производител на тој начин ќе го замени Мишлен и ќе стане единствен снабдувач во сите три класи во кои се натпреварува со моторите со внатрешно согорување. Оваа соработка ќе се прошири и во класата MoтoE, а веќе ги вклучува и повеќето од пониските категории.

Светскиот шампионат и Пирели моментално работат на последните детали од договорот, кој ќе биде ексклузивен и ќе трае до крајот на 2031 година.

„Стратегијата да се има еден добавувач на гуми за сите класи ќе обезбеди совршен развојен пат за идните шампиони да ги покажат своите вештини на патеката. Наскоро ќе бидат објавени дополнителни детали за самите гуми и спецификациите кои Пирели ќе ги испорача“, се вели во соопштението на владеачкото тело на светскиот мотоциклизам, Дорна.

Во однос на моменталната ситуација, Дорна нагласи дека француската компанија ќе продолжи да дава техничка поддршка и првокласна технологија, гарантирајќи безбедност и одлични трки во најсилната класа во светот.

Минатиот викенд во Тајланд започна овогодинешниот Мото ГП шампионат, победи Марк Маркез на Дукати, а следната трка ќе се вози во Аргентина, од 14 до 16 март.