Спорт
Италијанска полноќна драма! Лацио на пенали го „урна“ Интер (видео)



За мечот од четврт-финалето на Копа Италија помеѓу Интер и Лацио на „Сан Сиро“ сигурно ќе се зборува многу по драматичниот финиш со гол, пенал и црвен картон во второто продолжение, по кое Лацио победи на пенали и го однесе тимот до полуфинална пресметка со Милан.
Во регуларните 90 минути, голманот на Интер, Самир Хандановиќ одбрани неколку фантастични удари, додека Антонио Кандрева и Лаутаро Мартинез пропуштија стоотстотни шанси за мечот да заврши без голови.
Клубот од Рим се виде во полуфиналето, кога Чиро Имобиле во 109. минута од мечот по одлично проигрување успеа, конечно, да го совлада Хандановиќ за водство. Но, крајот не беше тука. Во 124. минута од мечот, Сергеј Милинковиќ-Савиќ со „боди-чек“ го урна Данило Д’Амброзио на работ на шестнаесетникот, по што со консултации со ВАР, судијата досуди пенал. Стефан Раду доби црвен картон за навреди кон судијата, а капитенот Мауро Икарди ги заддржа нервите и погоди од белата точка.
Во пенал-серијата, прво по една утка имаше на двете страни, Дурмиши (Лацио) и Лаутаро (Интер), по што во петтата серија, Раџа Наинголан не успеа за Интер, а Лукас Леива го однесе Лацио во полуфиналето.
Во второто полуфинале од Копа Италија играат Аталанта, која го елиминираше актуелниот шампион Јувентус (3:0), и Фиорентина, која ја демолираше Рома со 7:1.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Комо и Нико Паз одбиле 70 милиони евра од Тотенхем

Нико Паз, Аргентинец роден во Шпанија, постигна гол и запиша асистенција во победата на Комо од 2:0 над Лацио. Неколку часа по завршувањето на вчерашниот натпревар, се појави веста дека тој и Комо одбиле профитабилен трансфер во Тотенхем.
Тотенхем очајно бара офанзивен играч од средниот ред по заминувањето на Сон и повредата на Медисон.
Долго траат преговорите со Манчестер сити за Савињо, Арсенал го „киднапираше“ Езе, па Спарс мора да бараат други решенија.
Се обидоа со Комо со Паз, но не успеаја. Понудија 70 милиони евра, но Комо категорично одби. И фудбалерот не е расположен да ја напушти Италија.
Првенствено затоа што неговите амбиции се поврзани со Реал Мадрид, за што и постои клаузула во неговиот договор.
Имено, Реал може да ја изедначи секоја понуда што Комо ќе ја прифати, а исто така во летото 2026 година, тие имаат право да купат од Комо за само 10 милиони евра.
Сепак, уште порано, „кралскиот клуб“ на џентлмени го информираше Комо дека може да смета на поголема отштета. Фудбалерот никогаш не криел дека желба му е да се врати на „Бернабеу“, па Тотенхем објективно немаше шанси и покрај богатата пнуда да го реализира овој трансфер.
Спорт
Ристовски на Инстаграм: Добредојдовте во аматерската Премиер лига. (Да живее Тито)

Во петтото коло од Премиер лигата на БиХ, Сараево претрпе тежок пораз на гостувањето кај Борац во Бања Лука. Екипата чии дрес го носи поранешниот капитен на фудбалската репрезентација на Македонија, Стефан Ристовски, загуби со 5:1.
Медиумите пишуваат дека натпреварот го обележа судењето на Сабри Топаловиќ. Најмногу контроверзии предизвика поништениот гол на Сараево за 2:2. ВАР процени дека на почетокот на акцијата Михаел Млинариќ играл со рака.
Можете да ја погледнете ситуацијата на видеото од 5:42.
Ситуацијата стана уште покомплицирана во 64-та минута, кога Момоду Џата беше исклучен при резултат 2:1.
Стефан Ристовски ги одигра сите 90 минути за Сараево. По натпреварот објави на Инстаграм: „Добредојдовте во аматерската Премиер лига. (Да живее Тито)“, напиша тој, а набрзо ја избриша објавата. Ристовски јасно го изрази своето незадоволство од судењето.
Фото/ Принтскрин
Спорт
(Видео) Навивачите на Јунајтед бесни на капитенот: Пратете го тој никаквец во Арабија

Навивачите на Манчестер јунајтед ги искажаа своите фрустрации на социјалните мрежи откако Бруно Фернандеш промаши пенал против Фулам.
Капитенот на „црвените ѓаволи“, шутираше високо над голот, што предизвика лавина од коментари и критики на социјалните медиуми. Во дел од коментарите се бара одговорност од лидерот на тимот, некои му порачаа да си змаине.
„Ова е најлошото промашување од пенал што сум го видел. Дали замина на месечината затоа што таму гаѓаше!! Срамно и понижувачки, ова не е доволно добро.“
„Испратете го тој клошар во Арабија“
„Пукаше кон ѕвездите, падна на месечината. Бруно Фернандеш“
„Бруно Фернандеш, ова не е рагби“.
„Манчестер јунајтед мора да продолжи понатаму без Бруно Фернандеш. Тој го носи клубот наназад“
Контроверзноста беше засилена со видео од моментот пред да биде изведен пеналот. Фернандес тврдеше дека судијата случајно го допрел и ја му нарушил рутината, и рече дека отсуството на извинување дополнително го вознемирило. Тој истакна дека промашувањето не се должи на неговата техника на шутирање, но го нагласи психолошкиот ефект бидејќи судијата му ја нарушил рутината.
Натпреварот заврши нерешено 1:1. Јунајтед поведе преку автоголот на Родриго Муниз, а Емил Смит Роу израмни неколку минути по влегувањето во играта.
Фото/ Принтскрин