Спорт
Италијанските медиуми: Готово е, Брекало денеска оди во Динамо

Јосип Брекало денеска треба да стане играч на Динамо, пренесува добро информираниот весник од Фиренца Ла Национе. Синоќа во Купот на Италија против Болоња, Брекало остана цел натпревар на клупата, иако Фиорентина има големи проблеми со повредите и заминувањето на крилните играчи на Африканскиот куп на нации.
“На Фиорентина и треба играч на крилната позиција, но Брекало ќе си замине во следните неколку часа. Брекало оди во Динамо Загреб. Со денови е сигурно. Тој оди на позајмица со опција за откуп на договорот”, тврдат Италијанците.
Брекало во Фиорентина заработува 1,7 милиони евра по сезона. Да оди на позајмица до лето, Динамо би му платил нешто помалку од тоа што му го плаќа Фиорентина. Брекало би заработувал 100 илјади евра месечно во Динамо, а бара и бонус за евентуална титула во лигата. Брекало би го чинел Динамо околу 600.000 евра до крајот на сезоната и до 700.000 доколку ја освои титулата.
Брекало, 25-годишниот крилен напаѓач, сезонава за Фиорентина забележа 16 настапи и постигна еден гол. На почетокот на сезоната имаше солидна минутажа, но во последно време најмногу седи на клупата. Брекало сака да го промени клубот за да му се наметне на селекторот Златко Далиќ пред Европското првенство.
Брекало забележа 11 настапи и еден гол за првиот тим на загрепскиот клуб пред да замине во Волфсбург во 2016 година како 18-годишник за десет милиони евра. Тој беше член на германскиот клуб до јануари оваа година, со тоа што во меѓувреме беше на позајмица во Штутгарт и Торино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

РЕ-Ново
Фер-плејот почнува дома: „Семеен фудбал за фер-плеј“ ја заврши пилот фазата

Проектот Семеен фудбал за фер-плеј (FFF-P) ја заврши својата пилот-фаза, обединувајќи деца и родители во Србија, Турција и Северна Македонија преку игра, фер-плеј и заеднички вредности.
Во текот на 15 месеци, децата на возраст од 7 до 11 години и нивните родители тренираа, играа пријателски натпревари и учествуваа во активности во заедницата, водејќи се од шесте столбови на фер-плејот: интегритет, толеранција, решавање конфликти, фер третман, почитување и емпатија. Резултатите се охрабрувачки – помалку конфликти на терен, подобра комуникација во семејствата и посилен дух на заедништво во клубовите.
Следната етапа е меѓународен настан и конференција во Србија, каде најуспешните учесници ќе ги споделат своите постигнувања и ќе покажат како спортот може да гради заедници засновани на почит и солидарност.
Проектот, координиран од Српската минифудбал асоцијација во партнерство со Каргенч клуб (Турција) и ФКВС (Северна Македонија), е дел од програмата Erasmus+ Sport и преку тренинзи, семејно учество и едукативни алатки нуди поинклузивна и поздравa спортска култура.
Покрај тренинзите и натпреварите, проектот создаде и креативни едукативни алатки, меѓу кои анимирани кратки филмови и документарен филм, за да се споделат методите и резултатите со училиштата, спортските клубови и заедниците низ цела Европа.
Спорт
Шок за Грците во Лимасол, загубија од Босна и Херцеговина

Босна и Херцеговина ја победи Грција со 80:77 во третото коло, во Д групата на Европското првенство во кошарка.
Натпреварот во Лимасол, покажа дека Грција без Јанис Адетокумбо е просечна репрезентација. Еден од најдобрите играчи во светот, натпреварот го пропушти поради лесна победа на коленото.
И без Јанис, Грците почнаа добро, го контролираа натпреварот, а во втората четвртона дојдоа до највисоката предност 34:21. Од тој момент Босанците се разбудија, направија серија 18:0, не им дозволија на Грците пет минути да постигнат кош и на полувреме заминаа со предност 38:44.
На шесте поени предност Босанците надогради уште три на крајот од третиот период, со големи девет поени предност влегоа во решавачката четвртина.
Босна и Херцеговна о диктираше ритамо дојдоа до предност од 14 поени, која поради слободните фралања може да ја загубат до крајот.
Кошаркарите на Босна и Херцеговина во текот на мечот погодина само 13 од 27-те слободни фрлања, а во последните две ипол минути беа 11 пати на линијата за слободни, погодија само три.
Јусуф Нуркиќ повторно постигна дабл-дабл со 18 поени и десет скока. Исто толку поени постигна и Џон Роберсон, кој го одигра својот најдобар натпревар во првенството. Двоцифрен беше и Един Атиќ со 15, од кои 10 постигна во серојата 18:0 во втората четвртина.
Кај Грците, Слукас пуфрли 15 поени, додека Дорси имаше еден помалку.
Foto/ EPA
Спорт
Тен Хаг отказот го наплати со пет милиони евра

Челниците на Баер Леверкузен, немаа трпение со Ерик тен Хаг. Му врачија отказ на Холанѓанецот по само 62 дена. Тен Хаг го водеше Баер на три официјални натпревари, вкупно 27 минути.
Ниту еден тренер во историјата на Бундес лигата не добил отказ толку бргу. По тоа Тен Хаг ќе биде запишан во историјата.
Но, Баер ќе мора да го испплати Холанѓанецот, бидејќи договорот еднострано е раскинат.
„Билд“, објави дека Тен Хаг ќе добие обесштетување од 5.000.000 евра. Кога ќе се земе предвид дека седеше на клупата 62 дена, излегува дневно тој заработувал речиси 100.000 евра.
Foto/ EPA