Спорт
Кербер преку Серена до титулата на Вимблдон
Анџелик Кербер ја освои титулата на Вимблдон во женска конкуренција. Германката во финалето ја победи Серена Вилијамс со 6:3, 6:3.
Кербер и се реваншира на Серена за поразот во „Олд Ингланд клубот“, во 2016 година и ја освои првата титула на Вимблдон. …


Анџелик Кербер ја освои титулата на Вимблдон во женска конкуренција. Германката во финалето ја победи Серена Вилијамс со 6:3, 6:3.
Кербер и се реваншира на Серена за поразот во „Олд Ингланд клубот“, во 2016 година и ја освои првата титула на Вимблдон. Од друга страна Серена не успеа да стигне до осмиот трофеј на Вимблдон.
Кербер одлично сервираше и во секој момент максимално ги користеше грешките на противничката. Со одличниот ритерн, уште на почетокот успеа да го неутрализира сервисот на ривалката.
„Неверојатно искуство за мене. Не очекував дека ќе стигнам толку далеку. Можеби е разочарување што загубив, но лично не можам да сум разочарана. Јас не сум супер мајка, меѓу нас има многу мајки. Среќна сум што се вратив и што го правам она што го сакам. Среќна сум и за Кербер, таа е прекрасна личност, добра пријателка. Сихгурна сум дека ужива во ова“, рече Серена по завршувањето на мечот.
Новата шампионка е првата Германка по Штефи Граф од 1996 година која успеа да го освои Вимблдон.
„Серена е огромна инспирација за сите нас што имаме можност да ја гледаме. Сигурна сум дека многу бргу ќе освои нова гренд слем титула. Знаев дека против големата шампионка ќе морам да го играм мојот најдобар тенис. Ова е прва титула за Германија уште од Штефи. Знам колку е значајна“, изјави Кербер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
На повидок пресвртница во фудбалот, Дијара го лансира новиот Босман

Организацијата „Правда за играчите“ ја тужи ФИФА, тврдејќи дека правилата за трансфери ги кршат работничките права на играчите и нивната слобода на движење.
Во Холандија е поднесена тужба која би можела да ги промени правилата на играта. Организацијата „Правда за играчите“ ја тужи ФИФА, тврдејќи дека правилата за трансфер ги кршат работничките права на играчите и слободата на движење. Ова е борба што ги надминува границите на спортот, за правото на фудбалерите сами да управуваат со своите кариери.
Преседан веќе беше поставен во 2024 година, кога Европскиот суд на правдата застана на страната на Ласана Диара. Тој еднострано го раскина договорот во 2014 година, а ФИФА го казни и побара обештетување според член 17 од своите правилници.
Овој член предвидува дека играчот кој го раскинува договорот без согласност на својот клуб мора да плати обештетување и ризикува суспензија. Сепак, судот утврди дека правилата ги кршат законите на ЕУ за слобода на движење на работниците и правилата за фер конкуренција.
Токму ставот на овој суд ја отвори вратата за „новиот Босман“. Исто како што познатата пресуда од 1990-тите им даде право на играчите слободно да се движат во други клубови по истекот на нивните договори, овој нов процес го доведува во прашање целиот систем на обештетување и санкции што клубовите и ФИФА им ги наметнуваат на играчите.
Доколку судот потврди дека правилата на ФИФА се спротивни на европското право, играчите би добиле многу поголема слобода на преговори и движење, додека клубовите би изгубиле важен извор на контролата и приходите.
Европа веќе зборува за „нов Босман“, а исходот од овој случај би можел засекогаш да го промени балансот на моќта во фудбалот.
Фото/ Принтскрин
Спорт
Најбрзиот играч во Серија А се пресели во Премиер лигата

Поранешниот играч на Верона, Џексон Чачуа, е нов играч на Вулверхемптон Вондерерс, објави денес англискиот клуб.
Чачуа (23) потпиша петгодишен договор со Вулверхемптон, со можност за продолжување за уште една година, а англискиот клуб не ја прецизираше вредноста на трансферот.
Сепак, добро познатиот инсајдер Фабрицио Романо објави дека станува збор за сума од 12,5 милиони евра.
Камерунскиот десен бек пристигна во Верона во август 2023 година од Шарлроа, а оттогаш одигра вкупно 64 натпревари за италијанскиот клуб.
Во соопштението од Вулверхемптон се наведува дека Чачуа бил најбрзиот играч во Серија А минатата сезона, откако забележал брзина од 36,3 километри на час.
Новиот играч на Вулверхемптон дебитираше за репрезентацијата на Камерун во јуни минатата година, а оттогаш има вкупно 10 настапи за својата земја.
Foto/ EPA
Спорт
Преговорите меѓу Реал и Винисиус се во ќор-сокак

Запреа преговорите во Мадрид околу новиот договор на Винисиус Жунир. Според „ЕСПН Бразил“, преговорите меѓу Реал Мадрид и Винисиус Жуниор се во ќорсокак.
Менаџерите на фудбалерот, како што тврди овој извор, веруваат дека финансиските услови што ги нуди клубот не ги исполнуваат очекувањата.
Тековниот договор на Винисиус важи до јуни 2027 година, а неговата годишна плата со бонуси е околу 17 милиони евра.
Менаџерите на бразилскиот крилен напаѓач очекуваа зголемување на 20 милиони, со можност неговата плата, со бунусите да се зголеми на 30 милиони, но понудата на Реал Мадрид не го вклучува тоа.
Запстапниците на Бразилецот веруваат дека предложеното зголемување не е доволно за продолжување на договорот за уште три сезони. Нивната моментална стратегија е да почекаат до крајот на сезоната 2025/26 и да ја проценат улогата што Винисиус ќе ја игра во плановите на тренерот Чаби Алонсо.
Foto/ EPA/Lavandeira