Спорт
Кими и Ферстапен ја одложија промоцијата на Хамилтон
Возачот на Ферари Кими Раиконен победи на трката за Големата награда на САД. Финецот и второ пласиранот Макс Ферстапен од Ред Бул ја одложија промоцијата на Луис Хамилтон во старо-нов светски првак. Победата на Раиконен е прва за Ферари уште од трката …


Возачот на Ферари Кими Раиконен победи на трката за Големата награда на САД. Финецот и второ пласиранот Макс Ферстапен од Ред Бул ја одложија промоцијата на Луис Хамилтон во старо-нов светски првак. Победата на Раиконен е прва за Ферари уште од трката за Големата награда на Белгија.
Раиконен стартуваше од втората позиција, но уште во првиот свиок го мина Хамилтон, го презеде првото место на кое се задржа до крајот. Победата на петката во Остин е прва по 113 трки за Раиконен. Претходно тој победи на трката во Австралија во 2013 година. Исто така со оваа победа Раиконен стана најуспешниот Финец во историјата на Формула 1. Тој сега има 21 победа, една повеќе од поранешниот светски првак Мика Хакинен.
Второто место му припадна на возачот на денот, Макс Ферстапен. Младиот Холанѓанец, поради проблемите во квалификациите, стартуваше од 18.место, а на крајот заврши како втор. На два круга до крајот Ферстапен успеа да се одбрани од нападите на Хамилтон.
Актуелниот светски шампион, Луис Хамилтон, поради стратегијата, остана без подобар пласман. Единствен од водечките два пати ги менуваше гумите.
Зад најдобрите тројца трката ја заврши Себастијан Фетел. Германецот имаше пех во првиот круг кога по контактот со Даниел Рикардо од петтата падна на 12.позиција, а во последниот круг успеа да го мине возачот на Мерцедес Валтери Ботас.
Бодови во Остин освоија уште Хулкенберг, Саинц, Окон, Магнусен, Перез.
FINAL CLASSIFICATION: Kimi on top for the 21st time in his career! #USGP ?? #F1 pic.twitter.com/XNaWGanwyW
— Formula 1 (@F1) October 21, 2018
Хамилтон по трката во Тексас има 346 бода и во последните три трки влегува со 70 бода повеќе од Фетел. Кај конструкторите Мерцедес води со 563 бода, додека Ферари има 497.
Наредната трка се вози за една недела во Мексико сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Мареј ги растури Клиперси, Јокиќ со нов трипл-дабл

Кошаркарите на Денвер ги победија Лос Анџелес Клиперс со 131:115 во петтиот натпревар од првото коло од плејофот и се доближија до победа до пласман во полуфиналето на Западот.
Никола Јокиќ забележа трипл-дабл со 13 поени, 12 асистенции и 10 скока, но ѕвезда на вечерта беше Џамал Мареј, кој експлодираше со 43 поени и осум тројки од 14 обиди.
Заедно со него, Денвер ги имаше најсилните напаѓачки адути во Арон Гордон (23п) и Расел Вестбрук (21п), кои се вратијна теренот со стил откако го пропуштија претходниот натпревар.
Нагетси го одиграа најдобриот натпревар во серијата, имаа целосна контрола врз натпреварот цело време, па оттука и предноста константно растеше.
Во првата четвртина, Денвер имаше 12 поени разлика, во третиот дел имаше 17, а во последната четвртина, Јокиќ и неговата дружина ја запечатија победата кога дојдоа до 112:90.во средишницата на последниот период.
Тоа беше и најголемото водство во натпреварот.
Потоа следуваше мало опуштање на домаќините, неприфатливо лоша игра, летаргична, што го искористија Клиперсите и со серија од 17:4 дојдоа на 116:107, будејќи надеж за голем пресврт.
Сепак, следеше контра-напад од 11:0 на Нагетсите, феноменалниот Мареј постигна шест поени во тој налет, Гордон пет и со тоа стави крај на натпреварот.
На спротивнта страна Ивица Зубац уфрли 27 поени, Каваи Ленард 18, а Богдан Богдановиќ 18.
Спорт
Биберовиќ го однесе Фенер на завршниот турнир, Реал ја запиша првата победа над Олимпијакос

Кошаркарите на Фенербахче први изборија пласман на завршниот турни во Евролигата. Во Париз, го добија третиот меч против истоимениот тим, по едно продолжение со 98:88. Во регуларниот тек дуелот заврши 80:80. Реал остана во игра, откако ја намали предноста на Олимпиајкос на 1:2. Третиот меч Реал го доби со 80:72.
Во неизвесен натпревар, ниту еден тим не создаде предност поголема од седум поени, а кога Биберовиќ погоди тројка за 80:73 на 2:15 до крајот, се чинеше дека нема да има поголема драма во „Адидас Арена“. Сепак, серија лоши одлуки и грешки од страна на Фенер, особено на Болдвин, како и неверојатниот Шортс на другата страна, доведоа до продолженија.
Шортс постигна кош од дистанца на 15 секунди до крајот, а на другата страна, Болдвин ја солираше во последниот напад, не му ја даде на никого дури ни кога беше дуплиран, туку фрли цигла од осум метри.
Брилијантниот Биберовиќ го започна продолжението со седум последователни поени и практично го реши победникот.
Најдобар играч беше гореспоменатиот Биберовиќ со 21 поен (8-14 од поле), Хејс-Дејвис постигна 18 поени, а Марко Гудуриќ 14 (5-10 од поле, 4-та позиција, 3-та позиција).
За Париз, Ти Џеј Шортс имаше 29 поени, а Наир Хифи 24.
Реал во неизвесен натпревар успеа да слави над Олимпијакос. Беше тесно до самиот крај на натпреварот, но Реал успеа со добра игра во одбраната во вториот дел да ја надополни негативата од шест поени што ја имаше на полувреме.
Тивкиот херој на Реал вечерва е секако Алберто Абалде, кој најде поени во клучните моменти.
Најефикасен играч во тимот на Реал беше Еди Таварес со 15 поени, Марио Хезоња и Џанан Муса имаа по 14, но ниту еден од нив не постигна ниту еден поен во последниот периос. Од друга страна, Саша Везенков имаше 21 поен, а Најџел Вилијамс-Гос 17 (15 постигна во првото полувреме).
Спорт
(Видео) ПСЖ среде Лондон го победи Арсенал

Фудбалерите на Пари Сен Жермен стекнаа предност по првиот полуфинален натпревар од Лигата на шампионите. „Светците“, успеаја да го победат Арсенал во Лондон со голот на Усман Дембеле во четвртата минута. Реваншот е наредната среда во Париз.
Со малку среќа, гостите можеа да имаат поголема предност пред реваншот на „Паркот на принцовите“. Фудбалерите на ПСЖ покажаа дека знаат како да играат против англиски тимови, бидејќи во претходните рунди ги елиминираа Ливерпул и Астон Вила, а во првата фаза го победија и Манчестер Сити.
Гостите се наметнаа на теренот од првата секунда, подобро влегоа во натпреварот. Секако, голот на Усман Дембеле во четвртата минута го одреди понатамошниот тек. Фудбалерите на францускиот шампион, по голот на Дембеле, имаа уште две добри шанси, но Раја ги одбрани ударите на Дуе и Каварацхелија.
Арсенал, во првиот дел, прв пат се закани во 45.минута, кога во ситуација еден на еден, Донарума му го одбрани ударот на Мартинели.
Во вториот дел поради офсајд беше поништен голот на Мерино во 47.минута, а девет минути подоцна, Тросар имаше шанса, Донарума повторно излезе како победник.
Во финишот ПСЖ пропушти уште две шанси, во 84.минута Баркола биеше крај голот, а две минути подцна Рамош ја погоди гредата.