Спорт
Клоп: Лага е дека барав да се чисти само нашата половина
Јирген Клоп вели дека никогаш не побарал да се чисти снегот само на половината на која неговиот тим напаѓа, и во исто време додаде дека не ја сфаќа реакцијата на фудбалерот на Манчестер сити, Кајл Вокер, кој постави (па избриша) фотографија потсмевајќи се со Ливерпул.
Вокер постави фото на колегата од англиската репрезентација, Хери Мегвајр, кој го постигна голот за 1:1 реми на Лестер со Ливерпул со легенда: „А тие мислеа дека ќе избегаат 7 поени“. Клоп, кој беше под критики дека наредил на полувреме да се чисти од снег само половината на која напаѓа Ливерпул, вели дека не сфаќа како некој може да се радува на губење поени на ривалите.
„Не знам што кажува тоа за нас, туку повеќе за нив. Јас никогаш не сум славел губење на поени на друг клуб, бидејќи тоа не е дозволено. Исто така никогаш не сум барал да се чисти една половина на терен, а другата да биде во кал. Јас така го сфаќам спортот. За навивачите е поинаку, но тоа нема да го критикувам“, вели Клоп.
Тој исто така додаде дека не е вистина дека Ливерпул користи спортски психолози за да се помогне на фудбалерите во обидот за прва титула по 29 години.
„И ние го користиме мозокот од време на време. Во спортот има такви ситуации, такви атмосфери, но треба да траат цела сезона. За нас тоа трае три и пол години и борбата не престанува“, додава луто Германецот.
Фото: ЕПА
Клоп наредил да се чисти снегот само на половината каде што Ливерпул напаѓаше!
Кајл Вокер се потсмева со Ливерпул: И така, тие мислеа дека ќе имаат 7 поени предност
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.