Спорт
Клоп: Повредата на Окслејд-Чембрлен изгледа сериозно
Играчот од средниот ред на Ливерпул, Алекс Окслејд-Чембрлен, се повреди синоќа на дуелот против Рома, поради што на носилки беше изнесен од теренот.
Англискиот репрезентативец во 18.минута од натпреварот, по еден вообичаен фудбалски дуел со Александар …
Играчот од средниот ред на Ливерпул, Алекс Окслејд-Чембрлен, се повреди синоќа на дуелот со Рома, поради што беше изнесен од теренот на носилки.
Англискиот репрезентативец во 18.минута од натпреварот по еден вообичаен фудбалски дуел со Александар Коларов остана да лежи на теренот.
Менаџерот на Ливерпул, Јирген Клоп, во своите први изјави по победата на Ливерпул 5:2, рекол дека повредата е сериозна.
„Изгледа дека повредата е сериозна. Знаете што значи тоа, ако ова го зборувам пред да бидат извршени деталните прегледи. Тоа никогаш не се добри вести. Ова претставува проблем за нас бидејќи во овој момент не можеме да потпишеме со нови играчи. Ќе мора да бидеме креативни во последните мечеви во сезоната, а сите тие натпревари се важни“, рекол Германецот.
Изјавата на менаџерот Клоп може да значи дека сезоната за Окслејд-Чембрлен е завршена и дека под знак прашалник е неговиот настап на Светското рпвенство во Русија.
Окслејд-Чембрлен го пропушти претходниот Мундијал во Бразил исто така поради повреда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Иџе во поход по нова европска титула: „Очекувам добра трка“
Трикратниот европски шампион, Игор Стефановски Иџе овој викенд со трката во Австрија започнува нова сезона во која ќе се обиде да стигне до четвртата титула во Европскиот шампионат на ридски патеки (еHC).
Летечкиот Македонец, Игор Стефановски викендов пред нов предизвик. Во Австрија, на патеката Рекбер тој ќе го започне својот најнов поход на Европскиот шампионат на ридски патеки, кој и годинава има 10 трки. Шампионатот започнува на 28.04.2024, а ќе заврши во септември со трката во Хрватска.
Стефановски и оваа сезона не ги крие своите шампионски амбиции, за кои верува дека ќе може да се реализираат, особено затоа што годинава на патеката ќе управува со новиот автомобилски ѕвер од Ферари 488 B8, специјално дизајниран за овие патеки.
„Очекувам добра трка. Посакувам да постигнеме одличен резултат. Би сакал да се заблагодарам на мојот тим, како и на тие кои го препознаа потенцијалот и ме поддржуваат за натпреварувањата во оваа сезона, особено моите спонзори кои веруваат во мојот потенцијал “- вели Стефановски.
Минатата година Иџе во текот на целата сезона беше во сигурна доминација со седум победи на 10 трки.
Спорт
Хулкенберг од наредната сезона во Заубер
Германскиот автомобилист Нико Хулкенберг од 2025 година, ќе има нов работодавец. 36-годишникот ќе вози за тимот на Кик Заубер.
„Среќен сум што возам за Кик Заубер од 2025 година и што во иднина ќе го претставувам германскиот производител на патеките во Ф1“, објави Нико Хулкенберг на социјалните мрежи.
Од 2026 година во Заубер влегува германскиот производител Ауди.
Хулкенберг е член на тимот на Хас во тековната сезона, а неодамна беше објавено дека нема да ја продолжи соработката со американскиот тим.
„Хулк“ дебитираше во Формула 1 во 2010 година како возач на Вилијамс на Големата награда на Бахреин. Во меѓувреме освои една пол-позиција.
Во претходната сезона, Хулкенберг го заврши натпреварувањето на 16. место во генералниот пласман во Ф1 со девет бодови.
Спорт
(Видео) Кари е најдобар „клач“ игра во НБА
Кошаркарот на Голден Стејт, Стеф Кари ја доби наградата „Џери Вест“ која му се доделува на најдобриот играч на НБА лигата во решавачките моменти од натпреварите во регуларниот тек на сезоната.
Во НБА, последните пет минути од последната четвртина или продолжението кога еден од тимовите има најмногу пет поени предност е дефинирано како „период на одлука“.
Како што соопшти НБА, Кари победи со вкупно 298 поени, а зад себе ги остави Демар Дерозан (Чикаго) (272), Шеј Гилџис-Александер (Оклахома) (160) и Никола Јокиќ (Денвер) (85).
Тој во регуларниот дел постигна 189 поени, во решавачките моменти, Демар Дерозан 182, додека Гилџис-Александер постигна 112 поени.
Неговите Голден Стејт Вориорс не влегоа во плеј-офот, беа елиминирани од Сакраменто Кингс во првиот плеј-ин натпревар.
Кари оваа сезона имаше просек од 26,4 поени, 4,5 скока и пет асистенции по натпревар.