Спорт
Конте замина, Сари нов менаџер на Челси
Досегашниот тренер на Наполи, Маурицио Сари, многу е блиску до потпишување на договор со Челси. Во текот на денот, Сари, би требало да го финализира договорот со Челси, потврдил адвокатот на Наполи, Матија Грасани.
Патот до клупата на Челси на Сари, му…


Досегашниот тренер на Наполи, Маурицио Сари, многу е блиску до потпишување на договор со Челси. Во текот на денот, Сари, би требало да го финализира договорот со Челси, потврдил адвокатот на Наполи, Матија Грасани.
Патот до клупата на Челси на Сари, му го отвори неговиот сонародник Антонио Конте, кој вчера договорил спогодбен раскин на договорот. Челси на Конте ќе му исплати девет милиони фунти.
Конте во својата дебитанска сезона ја освои Премиер лигата, а минатата сезона триумфираше во Фа купот, меѓутоа не успеа да избори пласман во Лигата на шампионите.
Од друга страна, Сари по три сезони го напушта Наполи. За три години овој тренер го искачи Наполи во самиот врв на италијанскиот фудбал, но не успеа да ја освои титулата.
По завршувањето на сезоната, поради несогласувања со претседателот Аурелио де Лаурентис, тој реши да замине од клубот, а на неговото место дојде Карло Анчелоти.
Англиските медиуми шпекулираат дека прв помошник на Сари би требало да биде легендата на „сините“, Џанфранко Зола, а заедно со тренерот од Наполи на „Стенфорд Бриџ“ веројатно ќе дојде и Жоржињо.
Трансферот на Бразилецот со италијански пасош би требало да изнесува 50 милиони фунти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ФИФА започна истрага: Винисиус се соочува со двегодишна суспензија

Винисиус Жуниор е соочен со двегодишна суспензија доколку Етичкиот комитет на ФИФА утврди дека тој има конфликт на интереси поради неговите сопственички удели во повеќе фудбалски клубови. Жалбата ја поднесе бразилската компанија Тиберис холдинг до Брасил, барајќи суспензија, а ФИФА потврди дека ќе го разгледа случајот.
На 7 април, „Тиберис“ официјално ја извести ФИФА за можното прекршување на етичкиот кодекс од страна на фудбалерот на Реал Мадрид, наведувајќи дека на активните играчи не им е дозволено директно или индиректно да поседуваат акции во професионални клубови поради ризик од конфликт на интереси.
Компанијата поради која е покренат спорот ја води таткото на Винисиус ТТасило Соареш, а преку неа се вели дека тој стекнал удели во неколку клубови, меѓу кои и Сао Жоао дел Реј.
Компанијата „Тиберис“, која имаше 16,5 отсто удел во клубот, тврди дека незаконски и е ускратено правото на приоритетно купување и дека акциите биле продадени на компанија поврзана со Винисиус.
Тие се повикуваат на член 20 од Етичкиот кодекс на ФИФА и член 22 од Правилникот за спортска правда на шпанската фудбалска федерација, кои им забрануваат на активните фудбалери да имаат каков било сопственички интерес во фудбалските клубови, дури и ако постои само потенцијален ризик од конфликт на интереси.
Слична ситуација се споменува и во врска со клубот Алегре од втората португалска лига, со кој наводно на сличен начин се поврзува Винисиус.
Спорт
Крај на сезоната за Давид Нерес?

Фудбалерот на Наполи, Давид Нерес ќе отсуствува од терените најмалку еден месец откако го скина мускулот на потколеницата.
Наполи, соопшти дека 28-годишниот напаѓач ја повредил потколеницата на левата нога, но не прецизираа колку време Бразилецот ќе отсуствува.
Италијанските медиуми објавија дека Нерес ќе отсуствува најмалку еден месец и дека тоа може да значи дека сезоната е завршена.
Нерес ќе пропушти најмалку четири првенствени натпревари, а до крајот на Серија А остануваат уште пет кола.
Тој дојде во Наполи минатото лето и беше замена за Хвича Кварацхелија, кој во јануари се пресели во Пари Сен Жермен.
Бразилецот оваа сезона одигра 25 натпревари во Серија А и постигна два гола.
На пет кола д крајот на сезоната, Наполи со 71 бод го дели првото место со бранителот на титулата Интер.
Спорт
Жоао Коста прв кандидат за нов голман на Сити
Извесно е дека Манчестер сити во летниот преоден рок ќе добие нов голман. Медиумите шпекулираат дека португалски голман ќе дојде на местото на Бразилецот Едерсон.
„Граѓаните“ решија да се разделат со Кевин Де Брујне, а се чини дека истото ќе го направат и со долгогодишниот голман.
Како што дознава „Фут Меркато“, наследник на Едерсон на голот на Манчестер сити би требало да биде голманот на Порто, Жоао Коста.
Португалскиот репрезентативец неколку сезони брани во врвна форма, јасно е дека Порто нема да го пушти така лесно. се шпекулира дека Сити ќе треба да плати 75 милиони евра колку што изнесува откупната клаузула.
Инаку и Едерсон во Сити дојде од Португалија, од редовите на Бенфика. „Граѓаните“ во 2017 година за неговиот трансфер издвоија 40 милиони евра.