Спорт
Кошчелни: Титулата што ја освоија повеќе ме болеше од повредата
Францускиот репрезентативец Лоран Кошчелни објави дека повеќе нема да игра за националниот тим. Начинот на кој играчот на Арсенал објави дека се повлекува од репрезентацијата нема да им се допадне на челниците на Фудбалската федерација на Франција.
Кош…
Францускиот репрезентативец Лоран Кошчелни објави дека повеќе нема да игра за националниот тим. Начинот на кој играчот на Арсенал објави дека се повлекува од репрезентацијата нема да им се допадне на челниците на Фудбалската федерација на Франција.
Кошчелни во своето обраќање рекол дека повеќе трауми доживеал од титулата што неговите колеги ја освоија на Светското првенство, отколку од тешката повреда. Дефанзивецот ги скина лигаментите во коленото, во мај годинава, за време на полу-финалните реванш во Лига Европа, против Атлетико во Мадрид.
„На Франција и дадов се што можев, а со репрезентацијата завршив. Победата на Франција на Светското првенство психолошки повеќе ме повреди од самата повреда. Селекторот ми се јави само еднаш, во септември за да ми го честита роденденот. Ме разочараа многумина, не само селекторот. Кога си здрав имаш многу пријатели, а кога си повреден луѓето порано или подоцна те забораваат. Во секој случај засекогаш ќе навивам за Франција, но нејзиниот дрес повеќе нема да го облечам“, рекол Кошчелни.
Дефанзивеџот последен пат за Франција настапи на пријателскиот натпревар против Русија, кој се одигра во март оваа година.
Во кариерата настапил на 51 натпревар за националниот тим, а со Франција играл на европските првенства во 2012 и 2016 година, како и на мундијалот во Бразил во 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Жоржињо останува во Арсенал
Фудбалерот на Арсенал, Жоржињо го продолжи договорот со клубот.
Арсенал не прецизираше детали од договорот, се работи за краткорочен договор, а британските медиуми објавија дека договорот е продолжен за уште една сезона.
32-годишниот италијански играч за врска се пресели од Челзи во Арсенал минатиот јануари и стана важен играч во тимот на Микел Артета.
Оваа сезона одигра 35 натпревари во сите натпреварувања, а единствениот гол го постигна против Ленс во Лигата на шампионите.
Спорт
Ливерпул ја одредил цената за Дарвин
Дарвин Нуњез неодамна ги шокираше навивачите на Ливерпул со тоа што на Инстаграм ги избриша сите свои фотографии во дресот на клубот. За многумина Ургваецот со овој потег го најавил своето заминување од „Енфилд“.
Шпанските медиуми тврдат дека Нуњез ќе го апушти клубот во летниот преоден рок. Овие извори не ја исклучуваат можноста тој да ја засили Барселона. Наводно и ЛИверпул веќе ја одредил цената за напаѓачот.
Нуњез пристигна во Ливерпул во сезоната 2022/23, за клупски рекорд од 85 милиони евра. Со бонусите трансферот може да дојде и до 100 милиони евра. Уругваецот потпиша договор до летото 2028 година.
Сумата за која Ливерпул би бил подготвен да се откаже од Нуњез е 85 милиони евра.
Барселона во моментов ги нема тие пари, но би можела да ги заработи со прдожбата на неколку играчи во преодениот рок.
Спорт
Феникс Санс го отпушти Франк Вогел
Феникс Санс го отпуштија тренерот Френк Вогел, 11 дена откако беа поразени во првото коло од плеј-офот од Минесота.
„По внимателен преглед на сезоната, заклучивме дека ни треба поинаков тренер за нашиот тим. Ја цениме напорната работа и посветеноста на Френк“, рече генералниот директор на Санс, Џејмс Џонс.
Вогел ја плати цената за катастрофалната серија на Санс во плејофот, бидејќи тие беа поразени од Минесота со 4:0.
Феникс забележа 49 победи во регуларниот дел од сезоната, но сето тоа пропадна со раната елиминација во НБА плејофот.
Вогел на почетокот на сезоната дојде во тимот од Аризона, а претходно работеше со Лејкерс, Орландо и Индијана.
Поранешниот тренер на Милвоки Бакс, Мајк Буденхолцер, како што тврди ЕСПН е најсеризен кандидат за нов тренер на франшизата од Аризона.