Спорт
Кристијано Роналдо останува без португалските ордени?
Португалскиот претседател Марсело Ребело де Соуса потврди дека напаѓачот на Јувентус, Кристијано Роналдо ќе ги загуби португалските ордени откако во Шпанија беше осуден за даночна измама.
Роналдо беше одликуван со редот на принцот Хенри во јануари 2014…


Португалскиот претседател Марсело Ребело де Соуса потврди дека напаѓачот на Јувентус, Кристијано Роналдо ќе ги загуби португалските ордени откако во Шпанија беше осуден за даночна измама.
Роналдо беше одликуван со редот на принцот Хенри во јануари 2014 година, пред да го добие и најголемото цивилно одликување, големиот крт на португалскиот ред откако Португалија го освои Европското првенство во 2016 година.
Роналдо беше осуден на двегодишна затворска казна и казнет со 18.8 милиони евра за даночните измами додека беше фудбалер на Реал Мадрид, и иако нема да оди во затвор и помина со намалена казна од 3.5 милиони евра, претседателот вели дека ордените не можат да останат кај ѕвездата.
„Законот е навистина едноставен – тие кои ги доделуваат ордените треба да видат дали има нешто што може да донесе до губење на таа чест. Ќе видиме дали законот го покрива ова прашање“, вели Ребело де Соуса за „АФП“.
Едно нешто е сигурно – на родниот остров Мадеира тој останува со својот статус, како што вели лидерот на овој остров, Мигуел Албукерк.
„Тука во Мадеира Роналдо секогаш е сметан за добра личност. Тој не е криминалец, а случајот со данокот беше само интерпетација. Тој е најславниот Португалец на светот“, вели Албукерк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.
Спорт
Реал го отпушти медицинскиот тим

Реал Мадрид имаше неуспешна сезона во која не освои ниту еден трофеј.
Шпанските медиуми наведуваат дека една од причините е тоа што голем број играчи се повредиле во последната сезона под водство на Карло Анчелоти.
За да се спречи ова повторно да се случи, новиот тренер Чаби Алонсо заедно со раководството одлучи да го отпушти целиот медицински тим.
Како што пишуваат шпанските медиуми, имало лоши односи во тимот задолжен за здравјето на играчите и тоа ги принудило луѓето во „кралскиот клуб“ да направат радикален потег.