Спорт
„Лавовите“ го исфрлија Вардар од Купот на Македонија
Вардар доживеа незгоден пораз од 2:1 од Македонија Ѓорче Петров за да доживее елиминација во осминафиналето на Купот на Македонија, додека останатите фаворити без мака влегоа меѓу најдобрите осум.
„Црвено-црните“ во првиот меч одиграа само 1:1 против „…
![](https://makfax.com.mk/wp-content/uploads/2018/10/c10a29aabc4cb04103dcaffc763fa9a6.jpg)
![](https://makfax.com.mk/wp-content/uploads/2018/10/c10a29aabc4cb04103dcaffc763fa9a6-1.jpg)
Вардар доживеа незгоден пораз од 2:1 од Македонија Ѓорче Петров за да доживее елиминација во осмина-финалето на Купот на Македонија, а другите фаворити без мака влегоа меѓу најдобрите осум.
„Црвено-црните“ во првиот меч одиграа само 1:1 против „лавовите“ за во реваншот тренерот Александар Васоски да реши да не ги постави во првиот тим Попов, Барсегјан и Гачевски по што дојде до незгодниот пораз. Македонија дојде во водство во 13. минута преку една одбиена топка на која налета Кировски, но Вардар до полувремето успеа да израмни кога во 34. минута Ибиши Џемал беше прецизен. Клучниот гол дојде во 62. минута кога Христијан Кировски биеше неодбранливо со глава.
Академија Пандев исто така беше изненаден од аутсајдерот Брегалница губејќи со 1:0, но во првиот меч имаше убедлива победа од 6:2 и оди понатаму. Шкендија без мака со 5:0 го совлада амбициознио Кит-Го Пехчево, Победата со 4:1 го декласира Гостивар, а Беласица со 3:1 вторпат го победи Пелистер.
Ждрепката за четврт-финалето на Купот ќе се одржи в петок.
КУП НА МАКЕДОНИЈА, ОСМИНА-ФИНАЛЕ
Академија Пандев – Брегалница 0:1, прв натпревар 6:2, вкупно 7:3
Беласица – Пелистер 3:1, прв натпревар 2:0 , вкупно 5:1
Кит-Го Пехчево – Шкендија 0:5, прв натпревар 0:2, вкупно 0:7
Македонија ЃП – Вардар 2:1, прв натпревар 1:1, вкупно 3:2
Победа – Гостивар 4:1, прв натпревар 2:1, вкупно 6:1
Работнички – Тиквеш 1:1, прв натпревар 1:0, вкупно 2:1
Силекс – Скопје 2:1, прв натпревар 2:0, вкупно 4:1
Фото: ФК Вардар
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Димитирјевиќ замина од УНИКС, следна станица Милано
![](https://makfax.com.mk/wp-content/uploads/2024/06/maxresdefault-1.jpg)
Македонскиот кошаркар Ненад Димитријевиќ по две години го напушти УНИКС, соопшти рускиот клуб.
Како што соопшти клубот од Казан, 26-годишниот репрезентативец на Македонија е слободен да избере каде ќе ја продолжи кариерата.
Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.
Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано.
Спорт
(Видео) Австрија пресилна за Полска – Прв триумф за Австрија, втор пораз за Полска на ЕП
![](https://makfax.com.mk/wp-content/uploads/2024/06/12317338.jpg)
Австрија ја победи Полска со 3:1, во Д групата на Европското првенство во Германија. Австријците со оваа победа се доближија до осминафиналето, додека на Полска ќе и треба чудо во последното коло за да избори место во нокаут фазата.
Австрија во овој момент е посилна селекција од Полска и тоа го покажа на терент на Олимпискиот стадион во Берлин.
Траунер го постигна првиот гол во деветтата минута, но Полјаците успеаја да изедначат преку Пјонтек по половина час игра.
Конечниот удар Австријците го зададоа во втората половина од второто полувреме. Баумгартнер во 66.минута со гол ја заврши одличната тимска акција,а 12 минути подоцна Сабицер избори пенал. Сигурен реализитор беше Арнаутовиќ.
Во последното коло Австрија ќе игра против Холандија, а Полска против Франција.
Спорт
Легендарниот фудбалер Фалкао има нов клуб
![](https://makfax.com.mk/wp-content/uploads/2024/06/falkao1.jpg)
Иако е во доцните играчки години, Радамел Фалкао не планира да застане.
Откако му истече договорот со Рајо Валјекано, се огласи и неговиот нов клуб.
Тоа е – Милионариос.
И сето тоа 23 години откако го напушти овој клуб како 15-годишник.
Фалкао зад себе има импресивна кариера, играше за Ривер, Порто, Атлетико Мадрид, Монако, Манчестер Јунајтед, Челзи, Галатасарај и Рајо.
За Колумбија, за која уште настапува, одигра 104 натпревари и постигна 36 голови.