Спорт
Лазаров: По поразот од Грција сега и Јапонија за нас делува како светски првак!
Капитенот на македонската ракометна репрезентација, Кире Лазаров на една недела пред почетокот на Светското првенство во Германија и во Данска денеска беше дел од промоцијата на новите дресови со кои нашите ракометари ќе ги бранат боите на Македонија.
…


Капитенот на македонската ракометна репрезентација, Кире Лазаров на една недела пред почетокот на Светското првенство во Германија и во Данска денеска беше дел од промоцијата на новите дресови со кои нашите ракометари ќе ги бранат боите на Македонија.
Лазаров смета дака жела и волја за натпреварување не ни недостасува, вели дека големиот број млади ракометари во составот е предност, освежување, но и непостојаност во играта.
„Тренираме напорно, младите покажуваа карактер и квалитет и тоа е она што е најважно. Еден ден на тренинг изгледаме како најдобра репрезентација во светот, по 24 часа изгледаме како најслаба селекција, но тоа е сосема очекувано со оглед на големиот број на помлади ракометари. Најважно е што се поседува и потенцијал и квалитет, но и желба за напредок, тоа е она што ми дава верба, дека под водство на врвен стратег како Раул Гонзалес македонскиот ракомет ќе продолжи да се развива“ – рече Лазаров.
Капитенот со предупредување пред првиот меч на Мундијалот против Јапонија, да не го заборавиме позарот од Грците, да не ги потцениме противниците.
„Неблагодарно е сега да се прогнозира што можеме да направиме, она што го гарантирам дека ќе играме најдобро што можеме, дека ќе го дадеме максимумот на секој меч, а ќе видиме за каков пласман ќе биде доволен тој максимум. Не сме го заборавиле оној дуел со Грција, по тој пораз сега и Јапонија делува за нас како светски првак. Мораме да останеме скромни, да работиме напорно без оглед на противникот и да одиме од натпревар во натпревар, почнувајќи од првиот дуел со Јапонците“ – вели Лазаров.
Селекторот Раул Гонзалез е задоволен од она што е досега сработено и вели дека сите ќе добијат шанса.
„Досега на подготовките се е според планот. Ќе играме и два пријателски меча со Србија и ќе видиме како ќе ни оди. Јас знам дека пријателските не се како официјалните, но верувам во овој тим и знае и може да игра убав ракомет. На претстојните пријателски средби сите ќе добијат шанса, за да се подготвиме што подобро на турнирот. Мислам дека треба да одиме чекор по чекор и да имаме почит кон секого. Македонија има ниво, но мора да се фокусира на првиот меч, а не на тоа што ќе се случи и што следи потоа. Мора да го победиме првиот натпревар, а потоа ќе мислиме на вториот меч“ вели селекторот Гонзалез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Еврогол ја елиминира Црвена звезда од Лигата на шампиони

Црвена звезда не успеа да избори пласман во Лигата на шампионите. Сроскиот првак во плеј офот доживеа елиминација од Пафос. Кипраните славеа со вкупни 3:2.
Поразот и лошата игра во Белград, кога Пафос победи со 2:1, скапо ги чинеше црвено-белите,
Во реваншот, не блескаа но го исконтролираа првото полувреме. Во вториот дел играчите во црвено-бели дресови притиснаа од сите страни. Иницијативата ја материјализираа во 60.минута, кога Иваниќ со малку среќа погоди за 0:1.
Црвено-белите имаа шанса во 80.минута да го постигнат вториот гол, а кога се подготвуваа за продолженија ги нокаутира Жажа кој во 89.минута постигна нестварен гол.
Во преостанатото време речиси и да не се играше, Кипраните започнаа со провокации, имаше инцидент на влезот на тунелот па резултатот остана 1:1.
Пафос сезонава ќе дебитира во Лигата на шампионите, а Црвена звезда продолжува во Лига Европа.
Foto/ EPA/SAKIS SAVVIDES
Спорт
(Видео) ФИБА ги казни тепачите од Аргентина и Доминиканска република

Светската кошаркарска федерација (ФИБА) изрече суспензии и казни по натпреварот помеѓу Аргентина и Доминиканската Република на Купот на Америка.
Сликата на Гонзало Бресан како го напушта теренот облеан во крв по тепачката помеѓу играчите на двете репрезентации го засени натпреварот.
Тензиите што се создаваа за време на натпреварот избувнаа по последниот звук на сирената.
Инцидентот кулминираше мешу Дејвис-Џонс и Бресан, по што се вмешаа и останатите од двата тима.
ФИБА ги суспендираше двајцата на по два натпревари. Аргентинците Франциско Кафаро и Хуанпи Волет беа суспендирани на по еден натпревар, а тренерот Пабло Приџони беше казнет со 2.000 швајцарски франци. Аргентинската федерација ќе мора да плати 20.000 франци.
Во Доминиканската Република, Хуан Гереро и Хуан Суеро беа суспендирани на по еден натпревар, додека Анхел Делгадо е условно суспендиран на еден натпревар.
Tremenda trifulca luego del fin del partido donde República Dominicana venció a Argentina en tiempo extra. pic.twitter.com/PW9MHqbI8L
— 8DeportivoTN8 (@8DeportivoTN8) August 24, 2025
Pablo Prigioni's Argentina fights rival Dominican Republic after FIBA loss
2 years ago the DR kept Argentina out of the World Cup
Prigioni in 🇦🇷 huddle calls St John's 🇩🇴 Joel Soriano "the fat guy who can't move"🤣
Spurs David Jones-Garcia (#8🇩🇴blue) is provoked, throws down🥊 pic.twitter.com/d8BqnJmoGS
— New York Basketball (@NBA_NewYork) August 25, 2025
Спорт
(Видео) Каират го елиминира Селтик, ќе игра во Лигата на шампионите

Фудбалерите на Каират направија големо изненадување, први што се квалификуваа за Лигата на шампионите од клубовите кои се бореа за место во елитното европско натпреварување преку квалификациите.
Во плејофот, шампионот на Казахстан беше подобар од шампионот на Шкотска, тимот на Селтик. Откако првиот натпревар во Глазгов заврши нерешено 0:0, во реваншот во далечниот Алмати (6.000 км воздушно растојание помеѓу Глазгов и Алмати) резултатот по регуларните 90 плус дополнителни 30 минути гласеше идентично 0:0, а по изведувањето на пенали, фудбалерите на Каират славеа со 3:2.
Херој беше 21-годишниот голман Темирлан Анарбеков, тој им одбрани три пенали на играчите на Селтик и му го трасираше патото на својот тим во главната фаза од Лигата на шампионите.
Каират стана вториот тим од Казахстан кој стигна до главната фаза од Лигата на шампионите. Претходно тоа и успеа на Астана во сезоната 2015/16.
Фото/ Принтскрин