Спорт
Лестер тагува по човекот кој им ја донесе титулата – Кун Вичаи
Иако полицијата и седум часа по несреќата со хеликоптерот не ги објави имињата на жртвите, Лестер веќе почна да тагува по Вичаи Шриваданапраба, сопственикот на фудбалскиот клуб кој неодамна беше неверојатен шампион од Премиер лигата.
Како и по секој ме…


Иако полицијата и седум часа по несреќата со хеликоптерот не ги објави имињата на жртвите, Лестер веќе почна да тагува по Вичаи Шриваданапраба, сопственикот на фудбалскиот клуб кој неодамна беше неверојатен шампион од Премиер лигата.
Како и по секој меч, хеликоптерот на сопственикот пристигна на центарот на стадионот „Кинг пауер“ по тешко избореното 1:1 реми против Вест хем, пред да полета од центарот. Сопственикот обично се враќаше со хеликоптер во Беркшајр, во близината на Лондон, во неговиот англиски дом. Според официјалните вести, хеликоптерот паднал на еден паркинг во близината на стадионот по проблеми со моторот.
Шриваданапраба, кој е сопственик на ланецот продавници „Кинг пауер“ и петти најбогат човек од Тајланд, го купи Лестер во 2010 година за 39 милиони фунти од Милан Мандариќ во моменти кога тимот беше во втората лига и ги обезбеди средствата со кои Лестер во 2016 година ги победи шансите кои им ги даваа обложувалниците (5.000-1) за титула од Премиер лигата.
Кун Вичаи, како што го викаа во Тајланд, секогаш бил зад своите фудбалери. Кога Лестер се врати во Премиер лигата, тој го покани цел тим на кавијар и вино во врвен ресторан во Лондон, по што им даде на секој фудбалер и член на тимот чип од 10.000 фунти за обложување во казиното во близина. Кога Лестер станаа неверојатни шампиони, сите фудбалери добија БМВ и8 со вредност од над 100.000 фунти.
Вичаи имаше слух и за навивачите на Лестер, кои секогаш ќе го паметат човекот кој го трансформираше нивниот клуб. На секоја прослава, тој ги честеше гледачите, го почитуваше наследството на 136 години стариот клуб, оставајќи ги цените на билетите релативно ниски, го надгради стадионот и тренинг кампот на тимот.
Неговиот син Ајават, познат како Топ, беше потпретседател на клубот, а семејството вложи 120 милиони фунти во клубот, откако „отпишаа“ 103 милиони фунти долгови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Влаховиќ ги прифатил условите, се сели во Милан

Душан Влаховиќ, како што сега стојат работите, кариерата ќе ја продолжи во Милан.
Јувентус долго време сака да се ослободи од Влаховиќ, особено поради неговата висока плата, и се чини дека во Торино нашле решение
„Старата дама“ ја одреди цената. Јувентус би го пуштил Влаховиќ за 30 милиони евра. Тоа е повеќе од 50 милиони евра помалку отколку кога го доведоа од Фиорентина во 2022 година. Јуве за Влаховиќ на Фиорентина 81,6 милиони евра.
На крајот, Јувентус ќе го пушти Влаховиќ за помалку од 30 милиони.
Големиот ривал на Јувентус, тимот на Милан предводен од клупата од поранешниот тренер на Влаховиќ, Масимилијано Алегри ќе го ангажира Србинот.
Милан, според италијанските медиуми, му понудиле на Влаховиќ плата помеѓу шест и седум милиони евра. Јувентус ќе добие 15 милиони евра и во Торино ќе се пресели Алексис Салемакерс.
Спорт
Карабаг ќе игра во главната фаза во Лигата на шампионите

Фудбалерите на Карабах втор пат в клупската историја се квалификуваа во главната фаза од Лигата на шампионите.
Клубот од Азербејџан загуби во реваншот од плејофот против Ференцварош со резултат 2:3, но победата од 3:1 во првиот натпревар беше доволна за пласман.
Почна добро за гостите од Унгарија. Во 12-та минута, Јозеф искористи додавање од искусниот Варга и постигна гол. Сепак, до крајот на првото полувреме, практично сè беше решено. Карабах израмни во 25-та минута преку Андраде, а непосредно пред крајот на полувремето, пресврт напави Зубир.
Ференцварош имаше речиси невозможна задача. Варга, сепак, ги разгоре надежите со гол во 55-та минута од пенал, а Тот најави комплетна офанзива со гол во 82-та минута.
Ференцварош ги фрли сите карти во нападот, но не можеше да постигне гол што ќе ги однесеше во продолжение.
Карабаг е вториот тим од самиот исток на Европа што ќе игра во лигашката фаза од Лигата на шампионите. Каират од Казахстан, исто така, направи голем подвиг еден ден претходно.
На патот до главната фаза, Карабаг во третото коло ја елиминира Шкендија.
Спорт
Ѓоковиќ со загубен сет до третата рунда на Ју-ес опен

Новак Ѓоковиќ е во третото коло на Отвореното првенство на САД. Најдобриот во историјата го победи квалификантот Закаријас Сваида (145-ти на АТП) листата со 6:7 (5:7), 6:3, 6:3, 6:1 по два и пол часа на стадионот „Артур Еш“.
Луден меч одигра Србинот, без многу енергија. Веројатно поради фактот што излезе на теренот невообичаено рано.
Новак беше далеку од врвно ниво. Сепак, успеа да го најде вистинскиот ритам откако го загуби првиот сет и на крајот славеше рутински.
„Да бидам искрен, не беше баш најдобро. Не играв најдобар тенис од самиот почеток. Зак играше висококвалитетен тенис во одредени фази од натпреварот. Честитки. Многу е важно и добро за него што остана на теренот и покрај проблемите. Сет и пол ме туркаше да играм најдобро што можам.
Ми се чини дека колку подалеку одам на Гренд слем турнирите, толку поудобно се чувствувам. Закрепнувањето по тешките натпревари е многу важно. Ова се некои работи што се рутински. Благодарност до сите што ме бодреа“, рече Ѓоковиќ
Негов следен противник ќе биде подобар од Камерон Нори (Велика Британија) – Франциско Комесања (Аргентина).
Foto/ EPA/SARAH YENESEL