Спорт
Лејкерс без Леброн славеа во Далас (Видео)
ЛА Лејкерс, без повредениот Леброн Џејмс, ја забележаа втората победа на последните седум натпревари. Лејкерс славеа во Далас 107:97, благодарение на играта во третата четвртина од натпреварот. Овој период „езерџиите“ го добија со 32:13.
Далас Маверикс…
ЛА Лејкерс, без повредениот Леброн Џејмс, ја забележаа втората победа на последните седум натпревари. Лејкерс славеа во Далас 107:97, благодарение на играта во третата четвртина од натпреварот. Овој период „езерџиите“ го добија со 32:13.
Далас Маверикс, до дуелот со Лејкерс на домашен терен имаа 15 победи и три порази, имаа и водство од 13 поени против „езерџиите“ по првото полувреме, но лошата третата четвртина ги однесе во пораз.
Лука Дончиќ блескаше и на овој меч со 27 поени и осум скока. Зад Словенецот следуваше тројката Џеј-Џеј Бареа, Херисон Барнс и Денис Смит со по 11 поени.
Лејкерс, во отсуство на Леброн Џејмс, беа предводени од Брендон Инграм (29 поени) и Лонзо Бол (21 поени, седум скока, пет асистенции).
Покрај Лејкерс, изминатата ноќ, победа забележаа и нивните опоненти од Калифорнија, Сакраменто Кингс. Сакраменто ги победија Орландо Меџик 111:95. Кингс против Орландо ставија крај на серијата од четири порази.
Српскиот репрезентативец Богдан Богдановиќ се истакна кај Сакраменто со 15 поени, осум скока и седум асистенции.
Кај Орландо доминираше Црногорецот Никола Вучевиќ со 18 поени и 13 скока.
Резултати:
Детроит Пистонс-Сан Антонио Спарс 107:119
Бостон Селтикс-Бруклин Нетс 116:95
Милвоки Бакс-Јута Џез 114:102
Њу Орлеанс Пеликанс-Мемфис Гризлис 114:95
Портланд Трејлблејзерс-Њујорк Никс 111:101
Хјусотн Рокетс-Денвер Нагетс 125:123
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино си заминува од Челзи
Од Англија пристигнуваат вести дека аргентинскиот тренер Маурисио Покетино ќе го напушти Челзи.
„Сините“ сезоната во Премиер лигата ја завршија на шестото место со 63 бодови.
Со ова изборија пласман во Конференциската лига, што секако не соодветствува со амбициите на клубот.
BREAKING: Mauricio Pochettino is leaving Chelsea as head coach after one season in charge 🚨🔵 pic.twitter.com/8Forlxrsdj
— Sky Sports Premier League (@SkySportsPL) May 21, 2024
Особено по огромните инвестиции кои ги имаше Челзи, а Покетино мораше да го плати цехот.
По завршувањето на сезоната, Аргентинецот имаше средба со челниците на клубот и со заедничка одлука беше решено двете страни да се разделат.
Се уште не е познато кој е во плановите на раководството на Челзи за негов наследник.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.