Спорт
ЛЕ: Мората донесе победа на Челси против МОЛ на Грнчаров, Лацио „поцрвене“ (видео)
Алваро Мората го постигна својот прв гол од август за на Челси да им донесе тешка победа над унгарскиот МОЛ Види, за кој 90 минути одигра Бобан Грнчаров.
Мората дури во 70. минута го скрши отпорот на противникот, откако доби добра пренасочена топка од …


Алваро Мората го постигна својот прв гол од август за на Челси да им донесе тешка победа над унгарскиот МОЛ Види, за кој 90 минути одигра Бобан Грнчаров.
Мората дури во 70. минута го скрши отпорот на противникот, откако доби добра пренасочена топка од Вилијан за да постигне прекрасен гол. Ова е втора победа во низа од 1:0 во Лига Европа за „сините“, откако претходно победија на тешкото гостување кај ПАОК, кои вечерва ги „здробија“ БАТЕ Борисов со 4:1 на гости.
Лацио имаше лоша вечер во Германија, откако Ајнтрахт ги победи со 4:1 во меч во кој гостите го завршија мечот со девет фудбалери на теренот. Баста на крајот на првото полувреме доби втор жолт картон, додека Кореа доби директен црвен во 59. минута.
Вилјареал пак, клубот во сопственост на бразилската легенда Роналдо, го одигра најинтересниот меч на вечерта во кој во последен момент се спасија за 3:3 реми на гостувањето во Москва кај Спартак.
Другиот шпански клуб не мина толку добро во Русија, откако Краснодар со 2:1 успеа да го победи повеќекратниот победник на Лига Европа, Севилја.
ЛИГА ЕВРОПА, 2.КОЛО
ГРУПА Г
Ренџерс – Рапид Виена 3:1
Спартак Москва – Вилјареал 3:3
ГРУПА Х
Аполон – Марсеј 2:2
Ајнтрахт Франкфурт – Лацио 4:1
ГРУПА И
Малме – Бешикташ 2:0
Сарпсборг – Генк 3:1
ГРУПА Ј
Краснодар – Севилја 2:1
Стандард Лиеж – Акхисар 2:1
ГРУПА К
Јаблонец – Динамо Киев 2:2
ГРУПА Л
БАТЕ Борисов – ПАОК 1:4
Челси – МОЛ Види 1:0
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Ника Превц постави светски рекорд во ски-скокови

Двократната светска шампионка Словенката Ника Превц постави светски рекорд во ски скокови.
Во Викерсунд, Ника леташе 236 метри, 45,5 метри подолго од нејзиниот личен рекорд. Оваа 19-годишна Словенка двапати постави нов светски рекорд на тренингот во петокот.
Ника потекнува од многу успешно спортско семејство. Има тројца браќа: Петер, Цене и Домен, исто така ски-скокачи. Петер Превц е поранешен светски шампион и има четири медали на Зимските олимписки игри.
Таа го подобри претходниот рекорд на Норвежанката Силја Опсет од минатата година на истата скокалница за цели 5,5 метри.
Дамите во сабота и недела во Викерсунд ќе се натпреваруваат во единствените две натпреварувања на леталниците, оваа сезона на Светскиот куп.
Nika Prevc 🤤🤤 pic.twitter.com/meONyn7wjn
— Stian André Skinnes (@SASkinnes) March 14, 2025
Спорт
Менди ќе отсуствува до три недели

Реал Мадрид успеа да се пласира во четвртфиналето на Лигата на шампионите по подоброто изведување на пенали против Атлетико Мадрид, но остана без уште еден дефанзивец.
Во 83. минута од натпреварот Ферланд Менди се здоби со повреда на тетивата. Веднаш беше јасно дека ќе мора да ја напушти играта, бидејќи падна на тревата и веднаш побара лекарска помош.
Лекарски прегледи утврдија дека Менди ќе мора на принудна пауза. Според прогнозите ќе отсуствува до три недели.
Покрај Менди, во Реал подолго време се повредени и Дани Карвахал и Едер Милитао, а од повредата неодамна се опорави Давид Алаба.
Спорт
Гвардиола нема ништо против Грилиш да го напушти клубот

Џек Грилиш, извесно е ќе го напушти Манчестер сити во летниот преоден рок. „Граѓаните“ во наредниот период ќе слушаат понуди за англискиот интернационалец. Пеп Гвардиола не е задоволен од неговите настапи, а ниту Гралиш од неговата минутажа.
Имено, крилниот напаѓач на Сити го изрази своето незадоволство поради тоа што пред него е новото засилување Омар Мармуш.
Грилиш не е на посакуваното ниво од почетокот на сезоната. Лошите игри прво го оддалечија од првиот тим, а потоа го доведоа во позиција ретко да добива шанса и како резерва.
Англискиот интернационалец, според извештаите од Англија, делува незаинтересирано дури и за тренинзите, а тоа воопшто не му се допаѓа на Гвардиола.
Грилиш му се приклучи на Манчестер сити од Астон Вила во 2021 година, а оваа сезона има само една асистенција на 16 натпревари во Премиер лигата.