Спорт
Ливерпул пропушти голема шанса со Лестер, Челси „уништен“ во Бурнемаут (видео)



Ливерпул не го искористи вчерашниот пораз на Манчестер сити од Њукасл да избега на седум поени и да ги подгрее шампионските амбиции, откако Лестер успеа да ги заддржи на 1:1 на „Енфилд“.
А сѐ беше подготвено за славје, кога Садио Мане ги донесе во водство до третата минута од мечот, најавувајќи „навала“ на голот на Каспер Шмахјел. Но, на крајот на првото полувреме, англискиот репрезентативец Хери Мегвајр успеа да избега од една офсајд-стапица за да израмни на 1:1.
Со поенот, Ливерпул е прв со 61 поен, пет помалку има Манчестер сити на второто место по 24 кола (од 38).
Челси пак, под водство на Маурицио Сари, „заглави“ на гостувањето кај Бурнемаут губејќи со изенандувачки лесни 4:0. Поранешниот фудбалер на Манчестер јунајтед, Норвежанецот Џошуа Кинг даде два гола во второто полувреме за шок за „сините“, кои сега имаат 47 поени на четвртото место, исто колку Арсенал на петтото, и само два пред Манчестер јунајтед кои се шести.
Тотенхем, успеа да направи пресврт и да го добие Ватфорд со 2:1 во лондонското дерби, откако постигна два гола во последните 10 минути од мечот. Гостите имаа водство од првото полувреме преку Крег Кеткарт (38. минута), пред повратникот во тимот Сон Хеунг-Мин да израмни во 80, а Фернандо Љоренте да им донесе три поени во 87. минута. Тотенхем сега има 54 поени, шест повеќе од Челси.
ПРЕМИЕР ЛИГА, 24.КОЛО
Бурнемаут – Челси 4:0
Саутемптон – Кристал палас 1:1
Ливерпул – Лестер 1:1
Тотенхем – Ватфорд 2:1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Кремонезе го победи Милан

Фудбалерите на Кремонезе направија големо изненадување на стартот на сезоната во Серија А. Кремонезе на Сан Сиро со 2:1 го победи Милан. Во истиот термин Рома со минимален резултат ја победи Болоња.
Повратникот во Серија А, Кремонезе му го расипа дебито на Лука Модриќ во Серија А, прв пат во историјата успеа да го победи Милан на „Сан Сиро“.
Во 28-та минута, стоперот Федерико Баскирото им донесе предност на гостите со удар со глава, а во првата минута од судиското продолжение, Милан израмни на ист начин. Стрелец беше српскиот репрезентативец Страхиња Павловиќ.
Федерико Бонацоли беше најзаслужен за големото славје на тимот од Кремона, во 61-та минута постигна сепктакуларен гол.
Милан во следната рунда ќе игра против на гости против Лече, додека Кремонезе ќе го пречека Сасуоло.
Во дербито на колото, Рома на дебито на новиот тренер Џанпјеро Гасперини ја победи Болоња.
Единствениот гол на натпреварот во 53-тат минута го постигна десниот бек Весли, Бразилец кој пристигна во италијанската престолнина пред помалку од еден месец од Фламенго.
Во втората рунда, Рома ќе гостува во Пиза, додека тимот од „Ренато Далара“ Комо.
Foto/ EPA/MATTEO BAZZI
Спорт
Глазгов Ренџерс се распрашува за Бојан Миовски

Иднината на македонскиот репрезентативец Бојан Миовски во Џирона е неизвесна. Нема да биде изненадување доколку во финишот на преодниот рок Македонецот си замине од Каталонија.
Вечерва, шпанските и англиските медиуми објавија дека шкотскиот великан Глазгов Ренџерс покажал интерес за Миовски. Според информациите, „полицајците“ сакаат да го донесат Миовски на позајмица.
Миовски, минатото лето од Абердин пристигна во Џирона за сума од 8.500.000 евра. Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Во првиот натпревар оваа сезона, Миовски беше стартер, а потоа заменет во 45.минута кога голманот Газанига доби црвен картон. Инаку, во првото коло Џирона загуби на домашен терен од рајо Ваљекано (0:2).
Миовски има договор со Џирона до јуни 2028 година.
Спорт
(Видео) 15-годишник дебитираше во убедливата победа на Арсенал

Фудбалерите на Арсенал го декласираа Лидс со 5:0 во рамките на второт коло во Премиер лигата.
Тренерот на Арсенал, Микел Артета, одлучи да направи две измени во стартните 11 во споредба со натпреварот против Манчестер јунајтед. Јуриен Тимбер го замени Бен Вајт, додека Нони Мадуеке ја презеде стартната лево крилна позиција од Габриел Мартинели.
Виктор Ѓекереш постигна два гола на дебито пред домашната публика, Микел Артета е загрижен за повредите на Мартин Едегард и Букајо Сака, а за „тобџиите“ дебитираше 15-годишниот Макс Дауман.
Со 15 години и 229 дена, Дауман стана вториот најмлад дебитант во историјата на Премиер лигата, веднаш зад неговиот соиграч Итан Нванери, кој го имаше своето деби за Арсенал на 15 години и 181 ден.
Макс Роберт Дауман е на 31 декември 2009 година во Челмсфорд и веќе неколку години е најпознатото име на Академијата Хејл Енд, познатата школа на Арсенал за млади таленти.
Дауман го имаше своето деби за тимот на Арсенал до 18 години во септември 2023 година на само 13 години, а набрзо стана најмладиот играч во историјата на Премиер лигата 2, кога го имаше своето деби за тимот до 21 година на 14 години во декември 2024 година. Тој одигра 25 натпревари за тимот до 18 години и постигна 20 гола, додека во Младинската лига на УЕФА стана најмладиот стрелец во историјата на натпреварувањето, постигнувајќи гол против Аталанта на возраст од 14 години и осум месеци.
Минатата сезона тој беше и капитен на тимот до 18 години, каде што редовно ги водеше своите соиграчи и покрај фактот дека всушност беше член на генерацијата до 15 години.
Тој го имаше своето деби за првиот тим на Арсенал во пријателски натпревар против Милан, а најголемо внимание привлече против Њукасл во Сингапур, каде што влезе од клупата и го постигна победничкиот пенал и воодушеви многумина со својот дриблинг против многу постари и физички посилни противници.
Микел Артета јавно го пофали, велејќи дека не е вообичаено да се види такво присуство и храброст кај 15-годишник во првиот тим.
Дауман веќе има значајни настапи за англиските репрезентации до 16 и до 17 години, а на неодамнешното Европско првенство до 17 години ги започна сите три натпревари и постигна гол против Чешка. Тој е опишан како многу разновиден и технички надарен плејмејкер со одлично чувство за клучни додавања и прецизно изведување на нападот.
Тренерите и експертите го нарекуваат следниот Кака.