Капитенот на Евертон, Џејмс Тарковски, нема да игра фудбал до крајот на сезоната.

Тој ја повреди тетивата на натпреварот против Манчестер Сити (0:2) и ќе мора да биде опериран.

Менаџерот на „Карамелите“, Дејвид Мојес, изјави дека закрепнувањето на Тарковски (32) би можело да влијае и на подготовките на Евертон за следната сезона.

„Тарки имаше огромно влијание врз нашите добри игри оваа сезона“, рече Мојес.

Откако пристигна во Евертон во јули 2022 година, играчот не пропуштил ниту еден натпревар од Премиер лигата.

Мојес рече неиграњето на капитенот во последните пет натпревари ќе биде „голем удар“.

Евертон моментално е на 13-то место на табелата во Премиер лигата со 38 бода и нема да има никаков натпреварувачки императив на крајот од сезоната, бидејќи не можат да одат во Европа, а обезбедија опстанок.

Во сабота, Евертон ќе го пречека Челзи.

Финалето на Кралскиот Куп, во кое Реал Мадрид и Барселона ќе се борат за трофејот, е закажано за сабота во 22 часот, а во петокот доби многу „жесток“ вовед.

Откако Рикардо де Бургос Бенгоечеа кој е делегиран за главен судија, и Пабло Гонзалез Фуертас, кој ќе биде судија во ВАР собата, им се обратија на медиумите на прес-конференцијата, пристигна реакцијата од Реал.

Судиите се појавија пред медиумите по таргетирањето на телевизијата на Реал, а Де Бургос Бонгоечеа се расплака. Гонзалез Фуертас ги објави острите реакции на судиите кои се под притисок од Реал на различни начини од февруари.

Реал реакгира експресно, не го одржа задолжителниот тренинг за медиумите, не одржа прес-конференција и ја пропушти традиционалната вечера.

Наместо да ги исполни сите протоколарни обврски, Реал реши да издаде соопштение во кое наведува дека „настапот на судиите назначени да го водат финалето е неприфатлив“.

„Овие протести од страна на судиите кои, изненадувачки, ставија во центарот на вниманието видео од медиум кој е заштитен со правото на слободно изразување, како што е Реал Мадрид ТВ, и нагласувајќи дека видеото е намерно објавено 24 часа пред финалето, уште еднаш јасно го покажуваат анимозитетот и непријателството на судиите кон Реал“, се вели во соопштението.

Во Реал, наведуваат понатаму, дека се изненадени од заканувачкиот тон што го најавува единството на судиите и „наводните мерки што ќе бидат преземени“, што ги игнорира принципите на објективност и непристрасност што треба да преовладуваат во часовите пред фудбалски настан што го привлекува вниманието на милиони гледачи низ целиот свет.

Легендарниот тренер Фабио Капело, верува дека Милан има добра основа за следната сезона и дека со две или три здрави засилувања, тимот може да се надева на врвни резултати.

Росонерите неодамна стигнаа до финалето на Купот елиминирајќи го Интер во големото дерби со 3:0, но моментално се на скроното деветто место во Серија А.

Во колумна за весникот „Ла Газета дело Спорт“, поранешниот тренер на Милан го оцени квалитетот на сегашниот тим.

„Клучот за иднината на Милан е да се доведат двајца или тројца врвни играчи кои би направиле разлика. Нема потреба од целосна револуција. Само неколку од нив, можеби играч од средниот ред, десен бек или крилен напаѓач кој може да има големо влијание.

Моменталната база на тимот е добра, но ова е она што фрустрираше: Дали Милан што го видовме во дербито е вистинскиот, и зошто толку долго време му беше потребно за да се покаже? Мора да почнеме од играчите кои моментално се во клубот и да процениме колку вредат. Милан е во голема конфузија оваа сезона, а играчите кои се истакнаа се Рејндерс, Пулишиќ и Фофана.

Видов голема посветеност кај Павловиќ. Бев изненаден што Томори беше турнат во втор план. Кога гледам како играше во дербито, ме изненадува што не беше во преден план порано.

Гледам дека Леао конечно е „гладен“. Ако игра со 80% од својот потенцијал, ќе биде незапирлив. Но, честопати се ограничува на 40%.

Би го задржал Мењан, тешко е да се најде подобар голман без да се потрошат многу пари. Пулишиќ носи квалитет и конзистентност, совршено се вклопува во Милан“, ја заврши Капело својата елаборација.