Фудбалската асоцијација на Англија (ФА) во наредните три недели ќе го води процесот против фудбалерот на Вест Хем, Лукас Пакета.

Бразилецот е обвинет дека се обложил на натпреварите кои ги одиграл и дека на нив намерно добивал жолти картони.

Истрагата против Лукас Пакета беше покрената минатата година и кога ќе се земе предвид целото време, ќе биде најдолгата во историјата на англискиот фудбал, објави „Скај Спорт“.

Бразилецот е обвинет дека намерно добил жолти картони, на натпреварите против Лестер во ноември 2022 година, Астон Вила во март 2023 година, Лидс во мај истата година и против Бурнемаут во август минатата година.

Пакета ги негираше обвинувањата и рече дека е подготвен да се бори на суд за да ја одбрани својата чест и име.

ФА побара бразилскиот играч да добие доживотна забрана за фудбал. Минатото лето, Пакета беше на прагот на трансфер на кариерата, кога Манчестер сити не успеа да се договори со Вест Хем.

Нестварните индивидуални партии на Џејмс Харден од ЛА Клиперс, односно двоецот од Бостон Селтикс, Пејтон Причард и Дерик Вајт ја обележаа изминатата ноќ во НБА лигата, во кој Никола Јокиќ забележа уште еден дабл-дабл, а неговите соиграчи џамал Мареј и Расел Вестбрук комбинирано постигнаа 50 поени.

Џејмс Харден, заедно со спрско-хрватското дуо: Ивица Зубац и Богдаб Богдановиќ ги предводеше Клиперси до победата над Детроит Пистонс 123:115.

Харден натпреварот го заврши со 50 поени. Тој е осмиот играч во историјата на франшизата со 50+ поени на еден натпревар. Богдановиќ постигна 23 поени, а Зубац забележа 22 поени и 11 скокови.

Детроит го предводеше Кејд Канингем со 37 поени, 10 скока и седум асистенции.

Бостон Селтикс славеа победа против Портланд 128:118. Селтикс играа без тејтум, Холидеј и Прозингис. Блескаа, со лични рекорди, Пејтон Причард и Дерик Вајт.

Извесно е дека Причард ќе ја добие наградата за најдобар шести човек во лигата. Тој против Портланд постигна 43 поени, рекорд во кариерата, погоди 10 тројки. Дерик Вајт го следеше со 41 поен (девет тројки).

За прв пат двајца Селтикси постигнаа 40+ поени на ист натпревар, а за прв пат во историјата на НБА, двајца играчи од ист тим постигнаа 9+ тројки на ист натпревар.

Денвер Нагетс со 116:110 го добија натпреварот против Сакраменто Кингс. Најефикасни во редовите на Денвер беа Џамал Мареј и Расел Вестбрук со по 25 поени. Никола Јокиќ забележа 22 поени, 16 скокови и шест асистенции. Двоцифрен беше и Кристијан Браун со 15 поени.

Сакраменто го предводеше ДеМар Дерозан со 35 поени, Зек ЛаВин додаде 20, Јонас Валанчиунас постигна 19.

НБА, резултати

Бостон – Портланд 128:118
Шарлот – Минесота 110:125
Кливленд – Мајами 112:107
Вашингтон – Јута 125:122
Милвоки – Далас 137:107
Денвер – Сакраменто 116:110
Мемфис – Оклахома 103:120
ЛА Клиперс – Детроит 123:115

Дисциплинската комисија на Француската фудбалска лига (ЛФП) го суспендираше тренерот на Лион, Пауло Фонсека до 30. октомври годинава поради недолично однесување кон судијата Беноа Мило на неделниот натпревар против Брест.

Покрај суспензијата од девет месеци, на Фонсека му е забранет и влез во соблекувалната на својот тим пред, за време и по натпреварите до 15. септември.

Оваа казна 51-годишниот Португалец ја заработи поради својот лут испад и заканите кон судијата во судиското надополнување на натпреварот против Брест, во кој Лион победи со 2-1.

Фонсека се внесе во лицето на судијата Мило, му изнакажал секакви работи, а се смири дури откако играчите на Лион го оттурнаа.

„Фонсека имаше застрашувачки и заканувачки став и однесување“, изјави претседателот на дисциплинската комисија Себастиен Дене.

„Господин Фонсека е тренер во Лига 1, тој е пред се едукатор и се подразбира дека таквиот став е неспоив со неговите должности“, додаде тој.

Раководството на Лион најави дека интерно ќе го казни португалскиот стручњак кој го води тимот од јануари оваа година.

Лион моментално е на шестото место на првенствената табела со 39 бодови, 23 помалку од лидерот ПСЖ. Третопласираната Ница, која ја држи последната позиција која води во Лигата на шампионите, има седум бода предност пред Лион.

Meanwhile let’s check in on Paulo Fonseca over in France pic.twitter.com/pSMhYd6sDQ

— Matteo Bonetti (@Bonetti) March 2, 2025