Спорт
Малдини: Со љубов кон Милан, но без лудо трошење
Паоло Малдини официјално беше претставен како директор во Милан, откако подолго време одбиваше соработка со претходните сопственици на италијанскиот гигант, но вели дека никогаш не го оставил клубот.
„Никогаш не велев не пред да зборувам со луѓето во к…
Паоло Малдини официјално беше претставен како директор во Милан, откако подолго време одбиваше соработка со претходните сопственици на италијанскиот гигант, но вели дека никогаш не го оставил клубот.
„Никогаш не велев не пред да зборувам со луѓето во клубот. Зборував со Барбара Берлускони и ништо не се случи. Пред година и пол зборував со кинеските сопственици, но не можеа да најдат место за мене и решив да не соработувам со нив. Сега, имаме поинаква ситуација, зборував со Леонардо и со Елиот, кои ми го објаснија проектот. Леонардо беше клучен, бидејќи е мој пријател и сега ќе имаме одвоени работи. Инаку, уште сум истиот, иако можеби зборувам повеќе. Имам одговорност, но тука е и убавината да се работи со Милан. Мојот татко беше капитен на овој клуб, моите синови играа во младинските школи, врската е нераскинлива. Љубовта кон клубот и фудбалот ме донесе пак во Милан“, вели Малдини.
Легендарниот дефанзивец, кој настапи во 902 натпревари за Милан во својата долга кариера, вели дека не треба да има „лудо трошење“ на фудбалери, иако резултатите на „росонерите“ не беа ветувачки.
„Последните две години завршивме на шесто место, така што е јасно дека мораме да имаме посилен тим. Сопствениците имаат план да го држат клубот на средни или долги патеки и затоа прифатив да се вратам. Веќе зборував со тренерот Џенаро Гатузо и наскоро ќе се сретнеме, но јасно е дека нема да има лудо трошење пари“, вели Малдини.
Неговиот последен меч за Милан беше запаметен со навреди од дел од навивачите на „росонерите“, но Малдини не е загрижен.
„Моите односи со фановите се фантастични. Тие ме сакаат и секогаш го покажувале тоа, а тој инцидент треба да остане во историјата. Нема што да поправаме во односите. Мислам дека ќе ме оценуваат за мојата работа како што беше кога бев фудбалер. Не очекувам ништо. Не сакав банери кога бев фудбалер и сигурно не сакам сега кога сум директор“, завршува Италијанецот.
? | Technique, class and style: qualities of a true Rossoneri legend
Classe, tempismo, carisma: qualità di una vera leggenda rossonera ? ⤵#MaldiniDay 3⃣ ?⚫ pic.twitter.com/6zgvyiWuMM— AC Milan (@acmilan) August 6, 2018
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бик
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.