Спорт
Маркез победи во Германија пред двете Јамахи
Возачот на Репсол Хонда, Марк Маркез, победи на трката за Големата награда на Германија. Зад актуелниот шампион се пласираа возачите на јамаха, Велтнито Роси и Маверик Вињалес.
Маркез, во Германија, ја продолжи неверојатната доминација на патеката Захс…


Возачот на Репсол Хонда, Марк Маркез, победи на трката за Големата награда на Германија. Зад актуелниот шампион се пласираа возачите на јамаха, Велтнито Роси и Маверик Вињалес.
Маркез, во Германија, ја продолжи неверојатната доминација на патеката Захсенринг. Шпанецот доминира на оваа патека од 2010 година, а од 2013 година му нема рамен во „кралската класа“.
Иако беше апсолутен фаворит на оваа трка, Маркез мораше да вложи максимални напори за да стигне до победата. На стартот водеше борба со Роси, а птооа и со идниот тимски колега Хорхе Лоренцо.
Откако го мина Лоренцо, позицијата на Маркез беше сигурна, додека борбата се водеше за местата на пиедесталот. Роси и Вињалес беа поуспешни од конкурентите.
Бодови во Германија освоија уште Петручи, Баутиста, Лоренцо, Довициозо, Педроса, Зарко и Смити.
Деветтата трка во сезоната ја обележе и отсуството на Алеш Еспаргаро, кој на загревањето имаше теок инцидент. Еспаргаро се здобил со потешки повреди на градниот кош и поради тоа е хоспитализиран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер му предаде на Алкараз, Шпанецот го освои Синсинати

Шпанецот Карлос Алкараз ја освои титулата на Мастерсот во Синсинати.
Во финалето, Алкараз славеше по само дваесет минути игра против најдобриот тенисер во светот и бранител на титулата Јаник Синер.
Синер го предаде натпреварот при водство на Алкараз 5:0 во првиот сет. Се уште не е познато за каква повреда станува збор.
Италијанецот се држеше во неколку наврати во пределот на стомакот, па може да станува збор и за вирус. Како и да е, тој донесе одлука дека е подобро да се предаде и да не го загрози својот настап на Отвореното првенство на САД.
Што се однесува до самиот натпревар, тие дваесетина минути минаа во целосна доминација на Алкараз.
За краток период, тој направи дури три брејка против противник кој, во најголем дел, само статираше на теренот.
Пред последниот гем во првиот сет, во кој Алкараз требаше да сервира, Синер седна на клупата и му рече на судијата Мохамед Лајани дека му е жал за навивачите, но дека не може да продолжи.
Тој исто така нагласи дека морал да се обиде, што имплицира дека здравствените проблеми се појавиле пред почетокот на мечот.
Foto/ X
Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.