Спорт
Мајката на Роналдо: Мајорга не отиде во собата да игра карти, туку за нешто друго!
Мајката на Кристијано Роналдо, Долорес Авеиро, влезе во одбрана на својот син за обвинувањата дека ја силувал Американката Катрин Мајорга велејќи дека таа не отишла во собата на фудбалерот за да игра карти.
Роналдо минатата година се најде пред сериозни обвинувања за инцидентот што се случил во 2009 година во Лас Вегас кога Мајорга тврдеше дека тој ја силувал по што ја принудил да потпише договор за да не го тужи. Португалецот ги отфрли овие обвинувања, но полицијата во Лас Вегас повторно го отвори случајот.
Авеиро е сигурна во невиноста на својот син.
„Имам целосна доверба во мојот син за тоа што се случило. Таа не отиде во неговата соба да игра карти, туку да прави нешто друго“, изјави Авеиро при презентацијата на сопствениот бренд на вино и маслиново масло.
Dolores Aveiro lança marca de vinho e azeite ao lado de Cristina Ferreira https://t.co/cEIJ6nB8xz pic.twitter.com/eSbuEMIF0P
— Portal da Fama (@PortaldaFama2) February 7, 2019
Dolores Aveiro, the mother of @cristiano has come to his defense in the rape allegations levelled against him. According to her, his rape accuser didn’t go to his hotel room to play cards.https://t.co/dFUrOEhkbt
— Guardian Life NG (@GuardianLifeNG) February 7, 2019
Се појави видео од Роналдо со Американката која го обвинува за силување (видео)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Борусија Дортмунд си обезбеди место во ЛШ во наредната сезона
Foto/ EPA
Фудбалерите на Борусија Дортмунд со победата во првиот натпревар од полуфиналето на Лигата на шампионите и обезбедија пет екипи на Бундеслигата во Лигата на шампионите наредната сезона.
„Милионери“ одигра за себе, бидејќи тие се петти на табелата, без шанси да го стигнат четвртопласираниот Лајпциг.
Германците освоиле 18.357 бодови и се втори на листата на УЕФА. Првото место и припаѓа на Италија чии тимови собрале 19.428 поени. Овие две земји ќе имаат по пет претставници во новата сезона од Лигата на шампионите.
Во финишот на сезоната во европските купови, Англичаните ја имаат само Астон Вила во Конференциската лига, додека Французите имаат два претставника (ПСЖ во Лигата на шампионите и Марсеј во Лига Европа).
Следната сезона во Лигата на шампионите Германија ќе ја преставуваат Баер Леверкузен, Баерн Минхен, Штутгарт, Лајпциг и Борусија Дортмунд.
Спорт
(Видео) Контроверзната судиска одлука во очај го фрли Талант Душебаев – Магдебург на пенали го победи Кјелце
Магдебург ќе ја брани титулата во Лигата на шампионите, откако на пенали го елиминира Кјелце. Дуелот на минатогодишните финалисти, ја одбележа контроверзната судиска одлука на крајот од натпреварот.
Кјелце имаше напад за полуфинале, а топката заврши во рацете на Даниел Душебаев, кој при прекршок ја фрли на линијата од шест метри. Таа не успеа да стигне до Лукас Турна, но ја фати Арцем Караљок, кој имаше чиста ситуација пред себе, но шведските судии во тој момент досудија прекршок врз Душебаев.
Ракометарите на Кјелце не можеа да се помират со таа одлука, а еден од најгласните на протестите беше поранешниот вардарец, Игор Карачиќ, кој клекна пред судиите. Во неверување беше и тренерот на Кјелце, Талант Душебаев, кој влезе на теренот и се држеше за глава.
Ale drukarnia w wykonaniu szwedzkich sędziów… To jest niepojęte!!! Mamy rzuty karne. pic.twitter.com/nLkZnEoFPt
— Paweł Nowakowski (@Paw_Nowakowski) May 1, 2024
Натпреварот заврши со победа на Магдебург 23:22, бидејќи Кјелце со еден гол славеше на домашен терен во првиот натпревар, пеналите го решија патникот на завршниот турнир.
Во пенал драмата пет серии немаше победник бидејќи ракометарите на двата клуба беа прецизни по три пати. Сергеј Ернандез Ферер за Магдебург и Андреас Волф за Кјелце одбранија по два удари. Еден од трагичарите на полскиот клуб беше Игор Карачиќ, кој промаши седмерец во првата серија. Уште поголем трагичар испадна Алекс Душебајев, кој во последната серија не реализираше седмерец за победа.
Ферер го казни тоа така што го одбрани ударот на Дилан Нахи во шестата серија, а Омар Инги Магнусон потоа погоди за победа на Магдебург.
Магнусон беше и најдобар поединец на германскиот тим во 60 минута со шест гола, додека гостите ги предводеше Алекс Дујшебајев со четири гола. Карачиќ имаше три гола и три асистенции.
Спорт
(Видео) Дончиќ за нов брејк на Далас во ЛА, Мајами без шанси во Бостон
По поразот на вториот натпревар, Бостон Селтикс го исфрлија сиот бес на ослабениот Мајами и се пласираа во полуфиналето на Истокот, а Далас по победата во Лос Анџелес е на чекор до пласман во второто коло на Западот.
Бостон Селтикс го победија Мајами Хот со 118:84. Серијата, Селтикс ја добија со 4:1. Последните три натпревари Селтикси ги добија со вкупна разлика од 68 поени.
Џејлен Браун и Дерик Вајт постигнаа по 25 поени, Џејсон Тејтум додаде 16 поени и 12 скока.
На другата страна Бем Адебајо беше најдобар со 23 поени, пет скока и шест асистенции, Тајлер Хиро даде 15 поени.
Лука Дончиќ е болен, го мачи и коленото, но блесна и со 35 поени, седум скока и 10 асистенции го предводеше Далас до триумф над Клиперс 123:93. Кајри Ирвинг постигна 14 поени, а Макси Клебер забележа 15 поени (5-7 за три).
Кај Клиперс потфрлија најдобрите, Пол Џорџ постигна само 11, а Џејмс Харден седум поени.
„Сега треба да победиме на еден од следните два натпревари. Мора да играме на ист начин“, изјави Дончиќ и додаде:
„Болеста ми ја отежна работата, коленото не е многу добро, но адреналинот е тука кога си во плеј-офот. Кога ќе започне натпреварот, се што сакам е да победам“.
Шестиот натпревар ќе се игра во сабота во 3:30 часот по средноевропско време, во Тексас.