Спорт
Меси откри во кој клуб ќе ја заврши кариерата

Легендарниот Лео Меси (36) полека ја привршува својата неверојатна кариера, која како што стојат работите ќе заврши во клубот во кој моментално настапува, Интер од Мајами.
Лео ја одработува втората сезона во клубот од Флорида со кој има договор до крајот на 2025 година.
Тој моментално се наоѓа во кампот на репрезентацијата на Аргентина, поточно во Мајами, со кој се подготвува за претстојната Копа Америка која ќе се одржи на американско тло. Тоа ќе биде негово рекордно седмо учество на континенталниот шампионат.
Но, она што денеска привлече најголемо внимание од таборот на „гаучосите“ е неговата изјава дадена за аргентинскиот ЕСПН, чии новинари го посетија кампот на репрезентацијата.
Меси во разговорот со нив меѓу другото откри во кој клуб ќе ја заврши кариерата.
„Не сум подготвен да го напуштам фудбалот, го играм цел живот… Малку се плашам дека сето тоа ќе заврши… Денеска мислам дека Интер Мајами ќе биде мојот последен клуб“, откри Меси.
Lionel Messi opens up about his future in football 😓
(via @ESPNArgentina) pic.twitter.com/BJOmdl6Gd8
— ESPN FC (@ESPNFC) June 12, 2024
За многумина, најдобриот играч во историјата на фудбалот ја напушти Европа по освојувањето на Светското првенство во Катар, од ПСЖ, и му се приклучи на МЛС Мајами, клуб во сопственост на славниот Англичанец Дејвид Бекам.
Таму му се придружија неговите поранешни соиграчи од Барселона, Жорди Алба, Серхио Бускетс и Луис Суарез, со кои се дружат и играат фудбал со полесно темпо.
Мајами минатата сезона не се прослави, дури не се пласираше во плеј-офот, но оваа година е многу подобар и моментално е лидер на својата конференција по 18 кола.
Голема заслуга за тој резултат има Меси, кој на 12 натпревари забележа 12 гола и 12 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ѓоковиќ: Не знам кога ќе се пензионирам, дали ти знаеш?

Новак Ѓоковиќ за точно еден месец полни 38 години, многумина се прашуваат уште колку ќе игра, меѓу нив е и новинарот на шпански „АС“.
„Не знам, дали ти знаеш“, возврати со смеа најдобриот тенисер на сите времиња, додека Шпанецот инсистираше да добие одговор: „Не знам, да почекаме“.
Ѓоковиќ синоќа беше во Мадрид на доделувањето на наградата Лареус на најдобрите спортисти во светот. Тој му ја врачи наградата на брилијантниот шведски атлетичар Арман Дуплантис.
😱 ¡@DjokerNole habla sobre su retiro! pic.twitter.com/ptSzIQJ5r1
— Diario AS (@diarioas) April 21, 2025
Спорт
(Видео) Брејк на Детроит во Њујорк

Детроит Пистонс ја забележаа првата победа во НБА плејофот од мај 2008 година.
Пистонс го совладаа Њујорк Никс со 100:94 во „Медисон Сквер Гарден“ и израмнија на 1:1 во првото коло од Источната конференција.
Како и на првиот меч, Пистонс во последниот период од натпреварот влегоа со осум поени предност, но младиот тим од Детроит повторно им дозволи на Никс да врати во натпреварот со своите грешки и на нешто повеќе од минута до крајот домаќините израмнија на 94:94. Сепак, за разлика од првата средба во која му дозволија на ривалот да ја искористи таа динамика (Никс направија 21:0 во 4/4), овојпат Пистонс возвратија.
Денис Шрудер погоди тројка на 55 секунди до крајот за да ја прекине серијата од 15 порази во плејофот.
Кејд Канингем ги предводеше Пистонс со 33 поени (11/21 од поле), со 12 скока и три асистенции. Шрудер додаде 20 поени (3/5 тројки) со три загубени топки, додека Тобијас Харис со 15 поени и 13 скока и Џејлен Дурен со 12 поени и 13 скока со три блокади забележаа дабл-дабл.
На Никс не им помогнаа 37.поени на Џејлен Бренсон (12/27, 4/12 тројки), заедно со седум асистенции.
Микал Бриџис додаде 19 поени со пет скока и три украдени топки, додека Оу-Џи Ануноби, Карл-Ентони Таунс и Џош Харт постигнаа по 10 поени.
Спорт
(Видео) Перфектна партија на Ленард за брејк на Клиперси во Денвер

Лос Анџелес Клиперс направија брејк во Колорадо, ги совладаа Денвер Нагетс со 105:102 и израмни на 1-1 во серијата во првото коло од НБА плеј-офот.
На Нагетс не им помогна ниту новиот трипл-дабл на Никола Јокиќ со 26 поени (8/16 од поле, 4/8 тројки), 12 скока и 10 асистенции, а забележа и три украдени топки со седум загубени топки.
Јокиќ во последните секунди од мечот се избори за тројка со офанзивен скок за продолжение, но од многу тешка позиција и под притисок на Леонард не можеше да погоди.
Каваи Ленард ги предводеше Клиперси со 39 поени, погодувајќи 15 од 19 удари од поле (79%), вклучувајќи четири тројки, а имаше и пет асистенции.
Во сосема изедначен натпревар, откако водството на Нагетс се искачи на +8 во првата четвртина, Клиперси направија пресврт пред полувремето и го контролираа резултатот до средината на третата четвртина, кога Расел Вестбрук ги врати Нагетс во мечот со две тројки.
Откако Џамал Мареј погоди тројка за 100:100, на две минути пред крајот, Пауел со иста мера одговори на асистенција на Леонард. Потоа Харден не успеа да ја потврди победата на Клиперс, а на спортивната страна Браун не погоди отворена тројка на пет секунди до крајот, Јокиќ со офанзивен скок се избори за нов шут за три поени, но не успеа да погоди.
Ленард најдобро го следеа Џејмс Харден со 18 поени и одличниот Ивица Зубац со дабл-дабл од 16 поени и 12 скока, а двоцифрен учинок имаше и Норман Пауел со 13 поени и споменатата можеби клучна тројка.
Јокиќ достојно го следеше само Џамал Мареј со 23 поени (9/17 од поле) со шест асистенции.
Мајкл Портер Јуниор одговори на критиките за очајниот прв меч и забележа дабл-дабл со 15 поени (6/11) и скокови, а Арон Гордон и Расел Вестбрук додадоа по 14.
Серијата сега се сели во Лос Анџелес, а следниот натпревар е закажан за петок во 3 часот по наше време.