Спорт
Меси откри во кој клуб ќе ја заврши кариерата

Легендарниот Лео Меси (36) полека ја привршува својата неверојатна кариера, која како што стојат работите ќе заврши во клубот во кој моментално настапува, Интер од Мајами.
Лео ја одработува втората сезона во клубот од Флорида со кој има договор до крајот на 2025 година.
Тој моментално се наоѓа во кампот на репрезентацијата на Аргентина, поточно во Мајами, со кој се подготвува за претстојната Копа Америка која ќе се одржи на американско тло. Тоа ќе биде негово рекордно седмо учество на континенталниот шампионат.
Но, она што денеска привлече најголемо внимание од таборот на „гаучосите“ е неговата изјава дадена за аргентинскиот ЕСПН, чии новинари го посетија кампот на репрезентацијата.
Меси во разговорот со нив меѓу другото откри во кој клуб ќе ја заврши кариерата.
„Не сум подготвен да го напуштам фудбалот, го играм цел живот… Малку се плашам дека сето тоа ќе заврши… Денеска мислам дека Интер Мајами ќе биде мојот последен клуб“, откри Меси.
Lionel Messi opens up about his future in football 😓
(via @ESPNArgentina) pic.twitter.com/BJOmdl6Gd8
— ESPN FC (@ESPNFC) June 12, 2024
За многумина, најдобриот играч во историјата на фудбалот ја напушти Европа по освојувањето на Светското првенство во Катар, од ПСЖ, и му се приклучи на МЛС Мајами, клуб во сопственост на славниот Англичанец Дејвид Бекам.
Таму му се придружија неговите поранешни соиграчи од Барселона, Жорди Алба, Серхио Бускетс и Луис Суарез, со кои се дружат и играат фудбал со полесно темпо.
Мајами минатата сезона не се прослави, дури не се пласираше во плеј-офот, но оваа година е многу подобар и моментално е лидер на својата конференција по 18 кола.
Голема заслуга за тој резултат има Меси, кој на 12 натпревари забележа 12 гола и 12 асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јокиќ сака кариерата да ја заврши во Денвер

Никола Јокиќ, кошаркар на Денвер Нагетс, уште еднаш ја повтори својата желба да ја помине целата своја НБА кариера во франшизата од Колорадо.
Српскиот центар и трикратен МВП се обрати на прес-конференцијата на денот посветен на медиумите пред почетокот на новата сезона.
Темата беше и продолжувањето на неговиот договор, што тој одби да го направи пред да оди на Европското првенство.
„Не размислувам за тоа. Тоа доаѓа природно. Мојот план е да бидам со Нагетс засекогаш“, ветува Јокиќ.
Претстојната сезона ќе биде 11-та на Јокиќ во најсилната лига во светот.
„Помина брзо. Кога ќе размислите за тоа, ова е мојата 11-та сезона. Кога дојдов, ги гледав другите како забиваат и играат премногу брзо за мене. Најдов начин да останам во лигата толку долго. Уште колку му останува?
Ќе видиме. Се надевам дека сум на исто ниво. Не сум играл натпревар во НБА четири месеци. Ќе видиме за 24 дена. Моето тело сè уште се чувствува добро“, рече Јокиќ.
Тој не сакаше да коментира за новиот формат на Ол-стар натпреварувањето.
„Немам мислење за тоа. Ќе видиме кога ќе дојде. Се надевам дека на луѓето ќе им се допадне.“
Спорт
Чави подготвен за клупата на Јунајтед?

По една година пауза од фудбалот и напорна епизода во Барселона, Чави Ернандез повторно е во центарот на вниманието. Иако беше поврзуван со бројни клубови во претходните месеци, тој ги одби сите до неодамна.
Сепак, сега ситуацијата се менува.
Според информациите на инсајдерот, новинарот Фабрицио Романо, Чави наводно е подготвен веднаш да го преземе Манчестер јунајтед.
Шпанецот детално ја анализирал Премиер лигата и верува дека е зрел да покрене голем, но моментално заглавен проект, кој под раководство на Рубен Аморим.
Јунајтед е сè уште во голема криза – по шест кола, тие се на 14-то место во Премиер лигата, далеку од европските натпреварувања, што е сериозен удар за клуб со толку голема традиција. Во последното коло, тие беа поразени од Брентфорд со 3:1, а тренерот Рубен Аморим е блиску до отказ и покрај тоа што во понеделникот, клупските челници изјавија дека Португалецот ја има нивната поддржка.
Чави ужива висок углед и веќе беше споменуван како опција за Јунајтед минатата година, но тогаш не сакаше да влегува во никакви авантури среде сезоната. Денес е во слична позиција – слуша понуди, но сè уште не прифатил ништо.
Покрај Манчестер јунајтед, интерес за него покажува и Ал Итихад, кој бара наследник на отпуштениот Лоран Блан. Меѓу кандидатите се Лучијано Спалети и Серж Консеисао, но Шпанецот дефинитивно е најпознатото име на листата.
Засега, Чави мудро молчи и чека предизвик што навистина ќе го мотивира да се врати на клупата.
Спорт
Микелето МВП на одбојкарскиот мундијал

Пред доделувањето на медалите на Светското првенство во Манила, публиката ги поздрави членовите на идеалниот состав.
Најдобрите примачи на сервис се Алесандро Микелето (Италија) и Александар Николов (Бугарија) – двајца играчи кои долго време ќе водат големи битки и на клупско и на репрезентативно ниво.
Коректор кој дефинитивно најмногу се издвои е Јури Романо (Италија). Со него во дијагоналата е како и обично репрезентативниот колега, Симоне Џанели.
Средните блокери во идеалниот состав на првенството се Полјакот Јакуб Кохановски и Бугаринот Алекс Грозданов. Најдобар либеро е Италијанецот Баласо.
МВП е Алесандро Микелето.
Да ве потсетиме дека Италија ја одбрани титулата светски шампион во одбојка, Бугарија го освои сребрениот медал, а Полска заврши на третото место.