Спорт
Милан го договориле трансферот на Караско
Челниците на Милан конечно најдоа играч кој ќе ја засили напаѓачката линија во тимот, откако понудите од Милано ги одбија Златан Ибрахимовиќ, Алесандро Пато и Луис Мјуриел.
Според италијанските медиуми нов играч на Милан ќе стане белгискиот репрезентат…
Челниците на Милан конечно најдоа играч кој ќе ја засили напаѓачката линија во тимот, откако понудите од Милано ги одбија Златан Ибрахимовиќ, Алесандро Пато и Луис Мјуриел.
Според италијанските медиуми нов играч на Милан ќе стане белгискиот репрезентативец Јаник Фереира Караско.
Иако, поранешниот играч на Атлетико Мадрид не е класичен туку крилен напаѓач, треба да биде големо засилување и решение за проблемите со хроничната неефикасност што го има тимот на Гатузо.
Минатиот јануари, Караско од Атлетико замина во Кина, во екипата на Далијан Јифанг за сума од 25 милиони евра. Сега сакал да се врати во Европа, за да биде „поблиску“ до селекторот на Белгија, Роберто Мартинез, во обид да го врати местото меѓу стартните 11 во националниот тим.
Клубовите договориле Караско пролетниот дел од сезоната да го мине како позајмен играч, а по завршувањето на сезоната Милан ќе треба да го откупи неговиот договор.
Далијен сезоната во Кина ја заврши на 11.место на табелата, а Караско на 25 натпревари постигна седум гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лупу: Романија и Словачка ќе го наместат натпрeварот
Четири репрезентации во Е групата, во последното коло влегуваат со по три бода. Во последното коло Романија ќе игра против Словачка, а Белгија против Украина.
Јасно е дека четири бода ќе бидат доволни за пласман во осминафиналето, а вече се знае дека резултатот 0:0 ќе ги однесе Романија и на Словачка во нокаут фазата.
За ова зборуваше и поранешниот романски фудбалер Данут Лупу, кој тврди дека резултатот е договорен со репрезентацијата на Словачка.
„Ќе се квалификуваме понатаму, со реми против Словачка. Се е договорено, би било штета ако двете репрезентации не одат во следната фаза. Зошто да ризикуваме? На тоа ниво играчите се согласуваат многу добро. Зошто да ризикуваат и едните и другите“, изјави Лупа за романските медиуми.
Спорт
По Начо, и Хоселу се сели во Саудиска Арабија
Еден од хероите на Реал во походот на 15. титулата во Лигата на шампионите, Хоселу, во летниот преоден рок ќе го напушти клубот.
Искусниот напаѓач, процени дека со доаѓањето на Килијан Мбапе, конкуренцијата во нападот ќе биде толку силна поради што неговата минутажа ќе биде дополнително намалена.
Хоселу, ќе тргне по стапките на соиграчот Начо и ќе се пресели во Саудиска Арабија, пишуваат шпанските медиуми.
Неговиот следен клуб се уште не е познат, но јасно е дека следната сезона нема да го носи дресот на Реал Мадрид.
Хоселу во кариерата бил играч на Селта, Хофенхајм, Ајнтрахт, Хановер, Стоук, Њукасл, Алавес и Еспањол. Тој е дел од шпанската репрезентација на ЕП во Германија. За националниот тим има одиграно 11 натпревари, постигнал пет гола. Поранешниот романски фудбалер Данут Лупу тврди дека е договорен конечниот резултат на натпреварот против Словачка во третото коло на Европското првенство.
Спорт
И Аврамовиќ замина од Партизан
По Кевин Пантер, Зек Лидеј, Френк Камински, Пи-Џеј Дожер и Алекса Аврамовиќ го напушти кошаркарскиот клуб Партизан.
Како што пренесува „Меридијан спорт“, дефинитивно завршува соработката помеѓу Партизан и Алекса Аврамовиќ, српскиот репрезентативец кариерата ќе ја продолжи во друг клуб.
Дел од српските медиуми тврдат дека Аврамовиќ ќе се пресели во редовите на новиот евролигаш, Париз, каде тренер наскоро во нов тренер треба да биде промовиран поранешниот капитен на Партизан, Петар Божиќ.
Аврамовиќ дојде во Партизан од шпански Естудијантес во 2021 година, ја освои АБА лигата во 2023 година.