Капитенот на хрватската ракометна репрезентација Домагој Дувњак (36) се повреди во синоќа на почетокот на натпреварот против Аргентина (33:18) во второто коло на Светското првенство.

Дувњак ја напушти играта во осмата минута и со солзи во очите замина во соблекувалната, со помош н лекарскиот тим.

Ракометниот сојуз на Хрватска, потврди дека капитенот на националниот тим има повреда на потколеницата.

„По прегледот со магнетна резонанца, потврдена е повредата на потколеницата на капитенот Домагој Дувњак. Поради ова тренерот Дагур Сигурдсон го повика Игор Карачиќ и тој треба да се приклучи на репрезентацијата на 18 јануари 2025 година“.

Ситуацијата во моментов е комплицирана, лекарскиот тим на Хрватска не може да каже дали капитенот ќе игра до крајот на турнирот. Сигурно е дека ќе го пропушти утрешниот дуел со Египет.

Во најлошото сценарио оваа повреда би значела дека овој турнир е завршен за Дувњак, а со тоа и неговата репрезентативна кариера. Ова е негово последно големо натпреварување со репрезентацијата.

Лука Дончиќ (25) се опоравува од повреда, а на натпреварот Далас – Оклахома (106:98) дојде облечен во целосно црвена комбинација. Со ова сакаше да му ја честита победата над Монако (88:82) на својот омилен клуб Црвена звезда во Евролигата.

„Црвена звезда. Објавете го ова задолжително“, рече Дончиќ по пристигнувањето во арената во Далас.

Видеото го објави и Црвена звезда која не потсети на фотографии од младоста на Дончиќ на кои се гледаат ознаките на белградскиот клуб. Познато е дека словенечкиот кошаркар редовно ги следи случувањата во Евролигата, а во една прилика изјави дека повеќе ги следи натпреварите од тоа натпреварување отколку што ја следи НБА лигата.

When the club you’ve supported since childhood achieves a very important victory in @EuroLeague 🙌🏻@luka7doncic ❤️🤍#kkcz #WeAreTheTea pic.twitter.com/9bHAFAwZ13

— KK Crvena zvezda Meridianbet (@kkcrvenazvezda) January 18, 2025

Дончиќ играше за Реал од 2015 до 2018 година, потоа се пресели во Далас. Тој е еден од најдобрите кошаркари на светот.

Да потсетиме, Дончиќ на Божик го напушти натпреварот Далас Маверикс-Минесота Тимбервулвс поради повреда во втората четвртина. Набрзо се дозна дека ова му е најтешката повреда откако е во НБА. Словенечката ѕвезда нема да игра најмалку еден месец поради истегнување на мускулот на левата потколеница.

Канадскиот репрезентативец Алфонсо Дејвис ќе го продолжи договорот со Баерн Минхен, иако во последните месеци се чинеше дека тој ќе го напушти клубот кога ќе му истече договорот на крајот од сезоната.

Дејвис ги финализираше сите детали од новиот договор со челниците на Баерн, кој ќе важи до летото 2029 година.

Како што дознаваат инсајдерите Флоријан Плетенберг (Скај Спортс Германија) и Дејвид Орнштајн (Атлетик, Велика Британија), сè уште има мали разлики во однос на финансиските детали, но договорот бил склучен вербално.

Дејвис е член на Баерн од јануари 2019 година, кога им се приклучи на Баварците од родниот Ванкувер Вајткепс за 10 милиони евра.

Дејвис се профилираше во еден од најдобрите играчи на својата позиција и токму ова е причината поради која бројни богати клубови сакаа да го ангажираат летото. Најчесто се поврзуваше со Реал Мадрид.

Дејвис досега за Баерн одигра 218 натпревари, постигна 12 гола и 34 асистенции.

🚨🔴 BREAKING | Yes, Alphonso #Davies is now close to extending his contract until at least 2029, with 2030 also a possibility ✔️

Today, new negotiations took place between Max Eberl and his agent Nick Huoseh. There was significant progress after Wednesday’s conflict after… pic.twitter.com/GgfAFSSHEc

— Florian Plettenberg (@Plettigoal) January 17, 2025