Новак Ѓоковиќ и Ник Кирјос го завршијасвојот настап во игра на двојки на турнирот во Бризбејн. Во спектакуларен меч дуото НН загуби од Мајкл Венус (Нов Зеланд) и Никола Мектиќ (Хрватска) со 2:6, 6:3, 8:10.

Првиот сет го обележа доминантна игра на Хрватот и Новозеланѓанецот, кои ги искористија грешките на ривалите. По изедначениот старт Мектиќ и Венус го брејкнаа сервисот на Кирјиос и го добија сетот со 6:2.

Во вториот сет Ѓоковиќ и Кирјиос го подигнаа нивото на игра и направија пресврт. Брејк на сервис на Венус им донесе водство, а со сигурни сервиси го добија сетот со резултат 6:3

Решавачкиот супертај брејк донесе драма. Ѓоковиќ и Кирјиос водеа со 7:4 и 8:6, но Мектиќ и Венус направија пресврт и го добија мечот.

Мектиќ и Венус одиграа сериозно и сконцентрирано, а Ѓоковиќ и Кирјиос приредија вистинско шоу, дури и танцуваа, со што ја подигнаа атмосферата во публиката.

January 1st and we already have a point of the year contender 🤯@DjokerNole | @NickKyrgios | @NMektic | @BrisbaneTennis | #BrisbaneTennis pic.twitter.com/yhfhb9XeL4

— ATP Tour (@atptour) January 1, 2025

За прв пат во повеќе од 100-годишната историја на шаховските натпревари на ФИДЕ, светот ќе има двајца светски шампиони.

Тоа ќе бидат Норвежанецот Магнус Карлсен и Русинот Јан Непомњачи, кои испишаа историја, бидејќи исходот од Њујорк досега не е виден во историјата на шахот.

Карлсен и Непомњачи во финалето во блиц шахот одиграа седум партии по ред – првите две ги доби Норвежанецот, вторите Русинот, а во последните три ремизираа.

ФИДЕ реши да направи преседан, за прв пат во историјата погласи двајца победници.

„Игравме многу долго. Мислам дека ова е разумна одлука“, рече Карлсен по финалето.

Magnus Carlsen 🤝 Ian Nepomniachtchi

In 1500 years of Chess and 100 years of FIDE History, a World Chess Championship is being shared for the 1st time ever.

WOW !
pic.twitter.com/mtlWwSHjCi

— Johns (@JohnyBravo183) January 1, 2025

Овој исход донесе многу контроверзии, бидејќи Карлсен по втор пат во една недела го покажа својот авторитет над ФИДЕ, откако претходно ја победи кога ФИДЕ му дозволи да настапува во фармерки.

Критики упатиХанс Ниман, еден од најголемите критичари на Карлсен, кој смета дека светскиот шах го контролира еден човек.

„Светскиот шах официјално стана шега. Ова никогаш не е направено во историјата. Не можам да верувам дека сите официјални одлуки во шахот се контролирани од еден човек, по втор пат оваа недела. Може да има само еден светски шампион“, рече Ниман.

Трент Александер-Арнолд (ТАА) (26), десниот бек на Ливерпул и на репрезентацијата на Англија, од почетокот на годината е на мета на Реал Мадрид. Она што го прави особено привлечен е тоа што неговиот договор со Ливерпул завршува на 30 јуни 2025 година, па со него сега може директно да се преговара бидејќи има уште само половина година од договорот со „црвените“ и фактот дека може во летниот преоден рок може да замине без обесштетувањ.

„Атлетик“, пишува дека Реал му понудил на ТАА „договор во траење од најмалку четири години и дарежлив бонус за потптис на договор и додава: „Изворите од Реал очекуваат Александар-Арнолд да потпише преддоговор со Реал во јануари без оглед на тоа што изворите од Ливерпул тврдат дека постои можност тој да остане на „Енфилд“.

Откако „Атлетик“ објави дека Реал се фокусирал на доведување на Александар-Арнолд во текот на летото, „Тајмс“, објави Реал испратиле понуда трансферот да биде реализиран во зимскиот преоден рок. Реал понудил 20 милиони фунти (25 милиони евра).
Вредноста на ТАА спроед „Трансфермаркт“ изнесува 75 милиони евра.

Александер-Арнолд е роден во Ливерпул и целата своја кариера ја минува во Ливерпул. За клубот има одиграно 333 натпревари постигнал 20 гола и забележал 85. асистенции Со Ливерпул освои една Премиер лига, една Лига на шампиони, еден ФА Куп, едно Светско клупско првенство и два Лига купа.