Тренерот на Ливерпул, Арне Слот, потврди дека сопствениците на клубот, „Фенвеј Спортс Груп“, целосно го исплатиле остатокот од договорот на семејството на Диого Жота по неговата трагична смрт на почетокот на јули. Португалскиот напаѓач загина во сообраќајна несреќа во Шпанија заедно со својот брат Андре Силва.

Во времето на неговата смрт, Жота имаше уште две години од договорот со Ливерпул. Слот сега го потврди чинот на великодушност, откривајќи дека „ФСГ“ го исплатил целиот договор за да му помогне финансиски на семејството на починатиот играч.

„Реков колку сум горд на реакцијата на навивачите, но сопствениците… Сопствениците се најмногу критикувани, како и менаџерите, но начинот на кој се справија со оваа ситуација, плаќајќи им ги сите пари од договорот на неговата сопруга и деца… Можеби луѓето мислат дека е нормално, но не е во фудбалот“, нагласи тренерот на Ливерпул.

Претседателот на клубот, Том Вернер, неодамна зборуваше и за мерките што ги презеде клубот за поддршка на вдовицата на Жота, Руте Кардосо. „Тој беше извонредна личност. Беше сакан, не затоа што беше одличен стрелец. Беше сакан затоа што беше навистина љубезен“, рече Вернер.

„Секогаш е трагедија кога некој ќе почине пред време. Но, неговата смрт навистина ги погоди сите затоа што беше толку сакан. Веднаш ни беше важно да се обратиме до неговата вдовица и да се осигураме дека таа разбира дека сме семејство. Тоа е клише, но навистина се сметаме за семејство и сакавме да се осигураме дека таа е финансиски добро згрижена, како и нејзините деца“, додаде тој.

Само две недели откако го замени Жозе Мурињо на клупата на Фенербахче, италијанско-германскиот стручњак Доменико Тедеско би можел експресно да го напушти клубот од Истанбул.

Како што објавува турскиот портал „Т24“, поразот од 3:1 против Динамо Загреб во Лигата на Европа дополнително ја потресе неговата позиција, која беше оценета како нестабилна и пред тоа.

Тедеско го презеде Фенербахче на 8 септември, откако португалскиот тренер Жозе Мурињо беше отпуштен по неуспехот во плејофот за пласман во Лигата на шампионите.

Во претходните четири натпревари на клупата на турскиот гигант, Тедеско забележа само една победа, против Трабзонспор, со два нерешени резултати и еден пораз. Слабите резултати предизвикаа незадоволство кај управата, а турските медиуми наведуваат дека веќе се започнати сериозни дискусии за евентуално раскинување на соработката.

Клучниот тест за Тедеско е претстојниот натпревар против Анталијаспор во турското првенство, закажан за овој викенд. Во случај на уште еден разочарувачки резултат, се чини дека разделбата е сигурна.

Тактичките одлуки на Тедеско против Динамо беа особено критикувани, меѓу кои и поставувањето на стоперот Чаглар Соџунџу на позицијата десен бек, додека Нелсон Семедо беше преместен од својата природна позиција во средниот ред.

Ситуацијата е дополнително комплицирана со неодамнешната промена во раководството на клубот – новиот претседател и одборот на директори бараат брзи резултати, а досегашните перформанси на Тедеско не ги исполнуваат нивните очекувања.

Пред да се приклучи на Фенербахче, Тедеско беше селектор на Белгија, а претходно тренираше клубови како Шалке, РБ Лајпциг, Спартак Москва и Ерцгебирге Ауе.

Фудбалерите на Барселона победија како гости кај Реал Овиедо со 3:1 во шестото коло од Ла Лига, по пресвртот во второто полувреме.

Стрелец на голот за тимот на Вељко Пауновиќ беше Алберто Реина во 33-та минута, од речиси половина терен, по глупоста на голманот на Барса, Жоан Гарсија, кој скапо плати за ноншалантната игра на околу триесет метри од својот гол.

Тој беше строго казнет.

Во вториот дел апсолутната доминација Барселона ја крунис со три гола. Ерик Гарсија изедначи во 56., Левендовски го комплетира пресвртот во 70., а точка на мечот стави Араухо во 89-та минута.

Барселона ја забележа петтата победа во сезоната, се наоѓа на второто место со два бода помалку од Реал. Овиедо е 18-ти на табелата со три бода.