Спорт
Митровиќ го одлучи „братското“ дерби Црна Гора-Србија, Португалија со победа во Полска (видео)
Србија ја победи Црна Гора со 2:0 во Подгорица во најинтересниот меч од третото коло во Лигата на нации на УЕФА зголемувајќи си ги шансите за пласман на Евро 2020.
Гостите дојдоа во водство со гол од пенал во 18. минута на Александар Митровиќ, а триумф…

Србија ја победи Црна Гора со 2:0 во Подгорица во најинтересниот меч од третото коло во Лигата на нации на УЕФА зголемувајќи си ги шансите за пласман на Евро 2020.
Гостите дојдоа во водство со гол од пенал во 18. минута на Александар Митровиќ, а триумфот беше потврден во 81. минута, кога напаѓачот на Фулам го постигна својот втор гол по одличната асистенција на Сергеј Милинковиќ-Савиќ. Посебен гости на мечот беше менаџерот на Манчестер јунајтед, Жозе Мурињо, секако во друштво на Предраг Мијатовиќ и Дејан Савичевиќ.

Во истата група, Романија пак, драматично стигна до 2:1 победа на гостувањето кај Литванија за да остане ривал на Србија за првото место пред нивниот меѓусебен меч за три дена.
Најефикасно беше во Хорзов, каде што Полска ја пречека Португалија без првата ѕвезда Кристијано Роналдо. Полјаците бргу дојдоа во водство преку фантастичниот Кшиштоф Пјатек уште во 18. минута од мечот, но потоа Португалците направија целосен пресврт.

Уште еден „жежок“ напаѓач оваа сезона, Андре Силва израмни во 31. минута, пред гостите да поведат со автоголот на Глик на крајот на првото полувреме. Бернардо Силва зголеми на 3:1 во 52. минута, пред Јакуб Блашчиковски да намали на 2:3 во 77. минута и да го направи интересен финишот на мечот.
Косово пак, е лидер во групата 3 во Лига Д, откако со 3:1 ја совлада Малта за да се одвои со седум поени пред Азербејџан, кој славеше со 3:0 на гостувањето кај Фарски Острови.
ЛИГА НА НАЦИИ
ЛИГА А, ГРУПА 3
Полска – Португалија 2:3
Табела: 1.Португалија 6, 2.Италија 1, 3.Полска 1
ЛИГА Ц, ГРУПА 1
Израел – Шкотска 2:1
Табела: 1.Шкотска 3, 2.Албанија 3, 3.Израел 3
ЛИГА Ц, ГРУПА 4
Црна Гора – Србија 0:2
Литванија – Романија 1:2
Табела: 1.Србија 7, 2.Романија 5, 3.Црна Гора 4, 4.Литванија 1
ЛИГА Д, ГРУПА 3
Фарски Острови – Азербејџан 0:3
Косово – Малта 3:1
Табела: 1.Косово 7, 2.Азербејџан 5, 3.Фарски Острови 3, 4.Малта 1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Павловиќ и Мењан за триумф на Милан над Рома
Фудбалерите на Милан ја победија Рома со 1:0 на „Сан Сиро“ во натпреварот што се одигра во рамките на 10-то коло од Серија А.
Единствениот гол на натпреварот го постигна Страхиња Павловиќ во 39-та минута од натпреварот.
Павловиќ го почувствува моментот, ja следеше контрата која ја повлече Рафа Леао, а потоа ја заврши акцијата.
Павловиќ со вториот гол сезонава во Серија А ја казни Рома за неискористените шансидо тој момент.
Во финишот од натпреварот, во 82-та минута, Пауло Дибала не реализираше пенал. Мајк Мењан го одбрани неговиот удар.
Со оваа победа, Милан се изедначи на табелата со Рома и Интер. Овие три екипи имаат по 21 бод, еден помалку од лидерот Наполи.
Во следното коло, Милан ќе гостува кај Парма, додека Рома ќе го пречека Удинезе.
Foto/ EPA
Спорт
Гвардиола: Судиите десет години го ограбуваат Манчестер сити
Пеп Гвардиола, тренерот на Манчестер сити, беше многу лут по победата на неговиот тим против Борнмут со 3:1 во Премиер лигата.
Тренерот на „Граѓаните“ ги нападна судиите поради голот на Борнмут, кој според него беше постигнат по прекршок врз голманот Донарума.
„Неверојатно е што претставува гол за судиите. Тука сум десет години и се познаваме многу добро. Многу сум среќен со она што го постигнав досега во Сити“, рече Гвардиола.
Тој не застана тука со критиките кон судијата Ентони Тејлор.
„Му реков да ми објасни дали е прекршок или не. Не се удостои да ми одговори. Сите тука на „Етихад“ се храбри, многу храбри. Знам дека во минатото познати тренери во минатото им се јавувале. Јас не, а ниту тие ќе ме повикаат. Знам точно што можам да очекувам на стадионот“, заклучи Гвардиола.
Спорт
(Видео) Барселона рутински го реши Елче – Јамал го прекина голгетерскиот пост
Фудбалерите на Барселона го победија Елче со 3:1, во натпреварот од 11-то коло на шпанската Ла Лига.
Избраниците на Ханси Флик не си дозволија уште еден неуспех и ја имаа контролата од почетокот на натпреварот.
Со својот прв гол по повеќе од два месеци во првенството, Ламин Џамал и донесе водство на Блауграна во деветтата минута, а само две минути подоцна Феран Торес го дуплираше водството.
Рафа Мир им ја врати надежта на гостите од Елче во 42-та минута, непосредно пред паузата.
Во 61-та минута, Маркус Рашфорд, со удар од гредата, ја врати предноста од два гола на домашниот тим, чија победа не беше доведена во прашање.
Вреди да се спомене, дека Рафа Мир ја погоди стативата десет минути подоцна, но немаше промена на резултатот.
Барса е втора на табелата со 25 бода, пет помалку од лидерот Реал, додека Елче е деветти со 14 бода.
Foto/ EPA

