Манчестер сити дефинитивно ќе го одбележи јануарскиот преоден рок. Медиумите открија дека Омар Мармуш ќе биде третото засилување оваа зима. Според овие извори детали го делат репрезентативецот на Египет од прселба на „Етихад“.

Флоријан Плетенберг откри дека Сити нуди 70 милиони, Ајнтрахт бара 80, па сигурно е дека „граѓаните“ ќе понудат дополнителни бонуси за затворање на зделката во следните 48 часа.

Тој додава дека сигурно е дека Мармуш нема да биде во составот на Ајнтрахт за дуелот со Борусија Дортмунд и дека до викендот би можел да слета во Манчестер на лекарски прегледи и потпишување договор до 2029 година.

Фабрицио Романо потсетува дека во следните 48 часа ќе потпише и Абдукодир Хусанов, веднаш штом добие работна дозвола, а по него е Витор Реис од Палмеирас.

Сити за Хусанов на Ленс ќе му плати 40 милиони евра, а исто толку на Палмеирас за Реис.

Гвардиола ќе добие млади дефанзивци на возраст од 19 и 20 години и очекува тој да се обиде да го игра Бразилецот како десен бек или десен стопер во формација со тројца централни дефанзивци.

Манчестер сити за овие три трансфери ќе издвои 150 милиони евра.

Челзи го врати дефанзивецот Тревор Чалоба, кој пред шест месеци замина на позајмица во Кристал Палас.

Покрај Марк Гуехи, Чалобах игра одлично сезонава, а „Сините“ во последно време мака мачат и со резултати и со повредите и лошата форма на централните дефанзивци.

Енцо Мареска реши предвреме да го врати Чалоба, со оглед на тоа што позајмицата на англискиот интернационалец важеше до крајот на јуни.

Чалоба одигра 12 натпревари за Кристал Палас во Премиер лигата оваа сезона и успеа да постигне три гола. Беноа Бадијашил и Весли Фофана се надвор од терените поради повреди, а Аксел Дисаси и Лои Колвил не се константни во она што го прикажуваат на теренот.

Тревор Чалоба е дете на Челзи, ќе добие нова шанса на „Стенфорд Бриџ“, доколку ја искористи ќе добие нов договор.

Шон Дајч за прв пат проговори откако доби отказ во Евертон. Соопштението во негово име го објави Здружението на менаџери од Премиер лигата, како што е вообичаено во Англија.

„Беше чест да се раководи со Евертон, клуб со голема традиција и огромна база на навивачи во Ливерпул и ширум светот, иако ова е еден од најтешките периоди во историјата на клубот.

И покрај сите предизвици со кои се соочивме, сакав да се уверам дека клубот оди во вистинска насока и дека во иднина тимот ќе може да се фокусира на натпреварите во Премиер лигата.

Би сакал да му се заблагодарам на мојот тренерски штаб и на сите што го завршија својот дел од работата бидејќи ништо не би било возможно без нивната поддршка и знаење. Сакам да им се заблагодарам и на навивачите кои секогаш беа тука кога ни беше најпотребна поддршка“, се вели во изјавата на Дајч.

„Дојде вистинското време да го напуштам клубот, тимот е во добра форма. Дејвид (Мојс, уред.) е менаџер кој заслужува голема почит и верувам дека тој и неговиот персонал ќе го туркаат клубот напред на стабилните темели што ги изградивме во изминатите две години.

На сите им посакувам многу среќа, вклучувајќи ги и сопствениците кои верувам дека ќе го однесат клубот на следното ниво и ќе го донесат успехот што сите во Евертон го посакуваат. Мојот дел во улогата на чувар на традицијата е завршен и засекогаш ќе бидам многу горд на тоа“.

Дејвид Мојс го наследи Дајч на клупата, а во англиските медиуми веќе се шпекулира дека Дајч би можел да го преземе Вест Бромвич Албион.