Крилниот напаѓач на Реал, Родриго, е на мета на критики поради лошата форма во последните два месеци.

Според извори блиски до клубот, доколку пристигне соодветна понуда ова лето, фудбалерот ќе го напушти „Сантијаго Бернабеу“, пишуваат шпанските медиуми.

Тренерот Карло Анчелоти не е задоволен од играта на напаѓачот, кој постигна само четири гола на 30 натпревари оваа сезона.

И покрај довербата што му беше укажана на почетокот на сезоната, Родриго сезонава нема никакво влијание во играта на Реал, а исто така не е ефикасен во завршниците.

Навивачите исто така изразија незадоволство од неговите настапи, а некои од нив веруваат дека продажбата би била најдобрата опција за двете страни.

Клубот е отворен за преговори, но нема да прифати понуда под пазарната вредност на играчот.

Според „Трансфермаркт“, Бразилецот вреди 100 милиони евра.

Еден ден откако беше објавено дека Карло Анчелоти постигнал договор со Бразилската фудбалска асоцијација, европските медиуми го промовираа не само новиот тренер на Реал, туку и новиот тренер на Баер Леверкузен.

Во Шпанија речиси и да не се доведува во прашање дека Чаби Алонсо, кој помина три сезони на „Бај Арена“ и минатата сезона оствари еден од најголемите подвизи во модерната историја на европскиот фудбал, ќе стане тренер на „кралскиот клуб“.

Алонсо во кариерата, пет сезони го носеше дресот на Реал, одигра 236 натпревари од и учествуваше во освојувањето на пет трофеи.

Алонсо долго време беше проектираниот наследник на Анчелоти, а се укажува на тоа дека и во Леверкузен биле подготвени. Според „Скај Спорт Германија“, Баск ќе го наследи Баскот на „Бај Арена“.

Баер следната сезона треба да го предводи Иманол Алгуасил Баренечеа, човек кој со голем успех го води првиот тим на Реал Сосиедад од 2018 година.

Иманол Алгуасил е континуирано ангажиран во Сан Себастијан од 2011 година, кога стана тренер на младинскиот тим, потоа асистент во „Б“ тимот, потоа и тренер на тимот „Б“ и на крај го презеде првиот тим.

Под водство на Алгуасил, Сосиедад заврши под 10-то место само во првата сезона, а потоа рангирањата беа: 9-то, 6-то, 5-то, 6-то, 4-то и 6-то место минатата сезона. Тие во катуелната сезона се наоѓаат на 10-то место.

Фудбалот честопати ги пишува најневеројатните приказни, но оваа им припаѓа на оние што можат да се наречат чиста мистерија. Главната улога ја играат римските папи и англиските клубови.

Три пати во историјата, кога папата починал, клуб од Англија, таа сезона ја освоил титулата во Лигата на шампионите.

Папата Франциск почина на 21 април годинава.

Дали е случајност, судбина или нешто друго? Да ја погледнеме хронологијата.

1978 година. Папата Павле VI почина во август.

Таа сезона, Нотингем Форест ја освои својата прва од двете титули во Купот на европските шампиони. „Шумарите“ во финалето го победија Малме со 1:0.

2005 година

Почина папата Јован Павле Втори, еден од најомилените поглавари на римо-католичката црква во модерната историја.

Само неколку месеци подоцна, Ливерпул направи чудесен пресврт во финалето против Милан во Истанбул, од 0:3 дојде до 3:3, а потоа по изведувањето пенали ја освои Лигата на шампионите.

2022 година

Папата Бенедикт XVI (кој формално абдицираше во 2013 година)почина на 31 декември 2022 година.

Во сезоната 2022/23, Манчестер сити ја освои својата прва титула со победата 1:0 над Интер.

Случајност или судбина?

Оваа сезона, единствениот преостанат англиски клуб во елитното натпреварување е Арсенал, кој ќе го пречека ПСЖ во првиот натпревар од полуфиналето во вторник.