Спорт
Можеби Барселона не е вистинската опција
Ѕвездата на Атлетико Мадрид, Антоан Гризман, најверојатно во летниот преоден рок ќе го напушти клубот, а наводно договорен е трансферот во Барселона.
Гризман минатото лето беше на чекор до трансфер во Манчестер јунајтед, но ја покажа големината и порад…


Ѕвездата на Атлетико Мадрид, Антоан Гризман, најверојатно во летниот преоден рок ќе го напушти клубот, а наводно договорен е трансферот во Барселона.
Гризман минатото лето беше на чекор до трансфер во Манчестер јунајтед, но ја покажа големината и поради забраната за трансфери што Атлетико ја доби од ФИФА, реши уште една сезона да остане во таборот на „јорганџиите“.
Шпекулациите велат дека Атлетико му ветил на Гризман дека откупната клаузула, по завршувањето на оваа сезона, ќе му биде преполовена, односно дека за обесштетување од 100 милиони евра ќе може да замине од „Метрополитано“.
Цената за еден од најдобрите напаѓачи во светот е примамлива за многу врвни тимови, а наводно Барселона веќе го договорила трансферот.
Сепак шпанските медиуми пишуваат дека Лео Меси и Луис Суарез сметаат дека напаѓачот не е добредојден во тимот.
Меси и Суарез веруваат дека Осман Дембеле заслужува место во стартната постава, а покрај Фелипе Кутињо, јасно е дека за Гризман нема место во стартните 11.
Аргентинецот и Уругваецот сакаат тренерот Ернесто Валверде повеќе да му верува на Дембеле, односно дека овој напаѓач во иднина може да значи повеќе за играта на Барселона од Гризман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES
Спорт
Симонс го чекаа во Челси, тој потпиша за Тотенхем

Тотенхем му го направи на Челзи она што го доживеа на своја кожа од Арсенал, кога соседите им го украдоа Ечебери Езе. Чави Симонс, кој неколку недели се поврзуваше со Челзи и се чинеше дека работата е завршена кариерата ќе ја продолжи во Тотенхем.
„Чави Симонс, холандскиот офанзивен играч од средниот ред, ги помина медицинските прегледи пред да потпише за Тотенхем. Англискиот клуб ќе му плати 60 милиони евра на Лајпциг за 22-годишникот“, објави Дејвид Орнштајн, новинар на „Атлетик“.
Симонс некогаш чудо од дете од школата на Барселона, во кариерата играше за ПСЖ и ПСВ пред да пристигне во германскиот клуб за кој постигна 22 гола и забележа 24 асистенции во 78 натпревари.
Симонс треба да ја пополни дупката во офанзивниот дел на Тотенхем, која настана со заминувањето на капитенот Сон и тешката повреда на најкреативниот играч во тимот, Џејмс Медисон.
Foto/ EPA/Filip Singer
Спорт
Реал Мадрид ќе лета 12 часа за да игра во Лигата на шампионите

Реал Мадрид, вечера ги дозна противниците со кои ќе се соочи во првата фаза во Лигата на шампионите.
Најтрофејниот клуб во Лигата на шампионите нема да има лесна задача, во првата фаза ќе се сретне со: Манчестер сити, Ливерпул, Јувентус, Бенфика, Олимпијакос, Каират, Монако и Марсеј.
Јасно е дека вистински блокбастери се соочувањата со Сити, Ливерпул, Јувентус па и Бенфика, но најтешко на Реал ќе му биде против Каират.
Дебитантот во Лигата на шампионите ќе му биде домаќин на Реал и токму поради тоа „кралскиот клуб“ го оечкува тешка задача.
Алмати се наоѓа на далечниот исток од Казахстан, веднаш до границата со Кина.
Патувањет, со авион ќе трае половина ден. Имено, помеѓу Мадрид и Алмати има 8.188 километри. Ако се патува со автомобил, потребни се 89 часа непрекинато возење.
Секако, Реал нема да оди со автомобил или автобус, туку со авион. Сепак, дури и тогаш ќлетот трае 12 часа.