Спорт
Момчето на Арина Сабаленка се самоуби, пишуваат белоруските медиуми

Белоруските медиуми се повикуваат на информациите на полицијата во Мајами и ја пренесуваат трагичната вест – Константин Колцов (42), момчето на Арина Сабаленка и поранешен хокеар извршил самоубиство.
⚡️ Former Belarusian national hockey team player Konstantin Koltsov committed suicide.
The https://t.co/pTlid5Fp78 representative received a response from the Miami police.
1/2 pic.twitter.com/7l7ipxtLOy
— Tribuna.com Беларусь (@goalsby) March 19, 2024
Од Америка, поточно од Мајами, пристигна информација дека починал освојувачот на олимписки медал во хокеј, Константин Колцов, избраникот на Арина Сабаленка, втората тенисерка во светот.
Имаше сомнежи дека причина за смртта е срцев проблем, но белоруските медиуми објавија дека Колцов се самоубил.
Konstantin Koltsov’s death has been confirmed by his club
He was Sabalenka’s boyfriend & a former hockey player
Heartbroken for Aryna. She lost her father a few years ago… and now this.
Send Aryna & Koltsov’s family your prayers. They’re going to need them 💔🙏
(via… pic.twitter.com/GpjR8z2N8O
— The Tennis Letter (@TheTennisLetter) March 19, 2024
„Според истрагата, во понеделникот на 18 март околу 12:39 часот полицијата и противпожарната спасувачка служба отишле кон болница за да го згрижат човекот кој скокнал од балкон. Не се пронајдени сомнителни околности“, изјави портпаролот на полицијата за белоруските медиуми.
Hockey club Salavat Yulaev confirms Konstantin Koltsov's death.https://t.co/JzCQ5IiuSk pic.twitter.com/RhO3arfYo5
— Belarushockey.com (@Belarushockey) March 19, 2024
Да потсетиме дека Колцов играше за репрезентацијата на Белорусија на Олимписките игри во 2002 и 2010 година и помина дел од три сезони со Питсбург од 2002 до 2006 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Секој може да ја победи Барселона, нема да ја освојат Лигата на шампионите“

Тони Крос, легендарниот германски играч од средниот ред и поранешен играч на Реал Мадрид, во својот подкаст „Einfach mal Luppen“ детално ја анализираше играта на Барселона под водство на тренерот Ханси Флик.
Крос ја пофали актрактивноста и ги истакна клучните слабости за кои верува дека ќе ги чинат успех во Лигата на шампионите.
Кроос верува дека играта на Барселона е една од најзабавните за гледање во Европа, но нивната „опсесија“ секогаш да играат на ист начин ги прави исклучително ранливи.
„Барса има еден од најатрактивните стилови, ако не и најатрактивниот во цела Европа, но мислам дека преземаат премногу ризици. Кога Педри, Ламин Јамал или Рафиња имаат лош ден, секој тим може да ги победи“, рече Крос.
Тој додаде дека токму тоа ги спречува да бидат конкурентни за титулата во Лигата на шампионите.
„Можат да ги елиминираат од Лигата на шампионите. Минатата година тоа веќе им се случи со Интер, а оваа година, во осминафиналето, четвртфиналето, полуфиналето или финалето, во еден момент ќе се сретнат со таков противник кој ќе ги нокаутира. Тоа ќе им се случи во Лигата на шампионите, нема да им се случи во Шпанската лига бидејќи се многу доминантни.“
Германецот особено ги нагласи проблемите што се јавуваат во последните минути од натпреварите, кога заморот ги погодува играчите, а тактичкиот пристап останува ист.
„По 75 минути, забележувате дека сите се поуморни и гледате дека не го менуваат стилот на затворање на просторот. Ако сте уморни и не го менувате стилот на играта, станува многу јасно во каков проблем сте“, заклучи Крос.
Foto/ EPA
Спорт
УЕФА им даде зелено светло на Барселона и Милан

Плановите Барселона и Милан, првенствени натпревари да одиграат во Мајами и во Австралија ќе добијат зелено светло, откако од УЕФА изјавија дека не се согласуваат со предлогот, но и дека истиот нема да го блокираат.
И покрај силното противење од навивачките групи низ Европа, согласноста од европската фудбалска организација (УЕФА) беше клучен чекор за реализација на плановите за играње на натпреварите Виљареал-Барселона на 20 декември во Мајами и Милан-Комо во февруари во Перт.
УЕФА изјави дека поради отсуство на јасни правила, ФИФА не може формално да го спречи играњето на споменатите натпревари, што многу навивачи го сметаат за закана за односот меѓу клубовите и нивните локални заедници.
„Иако е жално што овие два натпревари мора да се играат, оваа одлука е исклучок и не треба да се гледа како преседан“, рече претседателот на УЕФА, Александар Чеферин.
УЕФА додаде дека „активно ќе учествува во тековната работа предводена од ФИФА“, така што идните правила „ќе го зачуваат интегритетот на домашните натпреварувања и блиската врска на клубовите со нивните навивачи и заедници“.
Спорт
Мбапе под знак прашалник за Азербејџан и Исланд

Селекторот на француската репрезентација, Дидие Дешан, изјави дека чека нови информации од медицинскиот тим за повредата на глуждот на Килијан Мбапе пред квалификациите за Светското првенство.
Мбапе го напушти теренот на крајот од натпреварот во кој Реал Мадрид го победи Виљареал со 3:1 во саботата. Веднаш по постигнувањето на третиот гол за својот тим, францускиот напаѓач седна на тревата, се фати за десниот глужд, а потоа полека го напушти теренот.
„Во моментов немам никакви дополнителни информации. Како и секогаш, ќе биде објавено соопштение, без оглед на тоа за кој играч или клуб станува збор. Разговарав со него, има мал проблем, но да беше повредата сериозна, немаше да дојде денес. Ќе почекаме проценка на медицинскиот тим и ќе видиме како ќе се развива ситуацијата“, рече Дешан на прес-конференцијата.
Во петок, Франција го пречекува Азербејџан на „Паркот на принцовите“ во Париз, додека во понеделник гостува во Рејкјавик. „Триколорите“ се лидери во групата Д со две победи на почетокот од квалификациите.
Мбапе е втор најдобар стрелец во историјата на француската репрезентација со 52 гола и му требаат уште шест за да го престигне Оливие Жиру на врвот на листата.
Голот против Виљареал беше негов 14-ти во 10 натпревари за Реал Мадрид оваа сезона.