Спорт
Мората и официјално во Атлетико: Сите знаат што ми значи овој клуб

 
																								
												
												
											
Алваро Мората, конечно, ја комплетираше 18-месечната позајмица од Челси во Атлетико Мадрид со опција за купување, по што сакаше да ги разубеди лутите навивачи кои не сакаат да му простат што играл за лутиот ривал Реал.
26-годишниот Мората ќе добие намалена плата (во Челси земаше 120.000 фунти) и сега сигурно останува на „Ванда метрополитано“ оваа сезона и следната.
„Горд сум што сум тука. Едвај чекам да почнам со тренинзи и да се сретнам со новите соиграчи“, вели Мората.
Тој помина четири години во Атлетико како фудбалер на академијата, по што двапати играше за Реал Мадрид, со пауза во Јувентус, пред во 2017 да замине во Челси, каде што имаше 10 гола во првата половина од неговата сезона. Но, потоа тој постојано се мачеше со формата и повредите, но и со мотивацијата во Англија, признавајќи дека е носталгичен за Шпанија и Италија (од каде е неговата сопруга).
Дел од навивачите на Атлетико беа лути на неговото доаѓање, но Мората не сакаше да се извини за својата историја.
„Нормално е луѓето да имаат различни мислења за тоа дали треба да се игра за Атлетико и Реал. Знам дека јас можам да го направам тоа. Јас почнав со фудбалот во Атлетико и луѓето знаат од каде сум, од каде е мојата историја. Минатото е минато, и горд сум на тоа“, вели Мората.
⚪
#WelcomeMorata!
Agreement with @ChelseaFC over the loan of @AlvaroMorata for the remainder of the current season and the next one.
FULL STORY ➡ https://t.co/KiMEnruwJk#AúpaAtleti pic.twitter.com/vHYMUSv3Vp— Atlético de Madrid (@atletienglish) January 28, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Спорт
Дукати најде замена за Маркез во Супербајк
 
														Овогодишниот вицешампион во Супербајк, Николо Булега ќе го замени Марко Маркез на последните две трки од сезоната, во Портимао и Валенсија.
Макез, деветкраен светски шампион ја заврши сезоната по инцидентот на Големата награда на Индонезија, во кој се здоби со фрактура на клучната коска и оштетување на лигаментите.
Дукати минатата недела потврди дека Маркез ќе го пропушти не само финалето на сезоната, туку и предсезонските тестови во Валенсија два дена по последната трка од сезоната.
Шпанецот беше заменет од тест возачот Микеле Пиро на трките во Австралија и Малезија, а одлуката да му се даде можност на Булега да дебитира беше донесена откако ги заврши тестовите во Херез оваа недела.
За Италијанецот, Големата награда на Португалија, која се одржува од 7 до 9 ноември, ќе биде негово деби во кралската класа, откако имаше вкупно 99 стартови во пониските класи, со два подиума.
Булега беше најавен уште порано како засилување за тест тимот на Дукати, особено поради фактот што има искуство со гумите на Пирели, кои ќе пристигнат во кралската класа од 2027 година.
Италијанскиот тим имаше можност да организира приватен тест за Булега и покрај отстапките, бидејќи Херез е патеката на која влезе Дукати, а Италијанецот не е еден од стандардните возачи.
Спорт
Винисиус заинтересиран за трансфер во ПСЖ
 
														Реал Мадрид ја победи Барселона со 2:1 дома во неодамнешното „Ел Класико“. Со триумфот, се издвои на врвот со пет бода предност пред својот голем ривал и актуелниот шампион на Шпанија.
Едно од најголемите дербија беше бурно за време и по натпреварот, а по жестокиот натпревар најмногу се зборуваше за Винисиус.
Крилниот напаѓач на Реал полуде во 72-та минута кога тренерот Чаби Алонсо реши да го замени со Родриго. Тој, како што е вообичаено, не се поздрави со членовите на тренерскиот штаб и играчите на клупата за време на замената и остана да седи со нив, наместо тоа, бесен отиде директно во соблекувалната.
„Во среда имавме состанок со целиот тренерски персонал и играчите, а Винисиус одржа одличен говор – искрен и од срце. За мене, од средата оваа приказна е завршена“, рече тренерот Алонсо, додавајќи дека нема да има казни или дисциплински мерки против бразилскиот напаѓач.
Сепак, медиумите се повеќе шпекулираат за заминувањето на Винисиус. Пред натпреварот со Барселона, се пишуваше дека преговорите меѓу него и Реал за нов договор се во тек. Во јануари, клубот отвори разговори со неговите претставници со цел да ги отфрли понудите од Саудиска Арабија и други заинтересирани страни.
Францускиот „RMC Sport“м сега пишува дека ПСЖ го гледа Винисиус во своите планови како следната „мегаѕвезда“, Бразилецот наводно е подготвен за голем трансфер, а се верува дека обештетувањето би можело да надмине 200 милиони евра. Според овој извор и Винисиус, најмногу поради тренерот Луис Енрике бил заинтересиран за трансфер во ПСЖ.
Спорт
Барселона се враќа на „Ноу Камп“, но сè уште не може да игра натпревари
 
														Повеќе од две години по почетокот на реновирањето на „Камп Ноу“, фудбалерите на Барселона ќе се вратат на својот стадион на 7 ноември, но само за тренинг кој ќе биде отворен за јавноста, објави каталонскиот клуб во петокот на својата официјална веб-страница.
„Првиот тим на ФК Барселона официјално ќе се врати на „Камп Ноу“ во петок, 7 ноември, за тренинг отворен за јавноста пред навивачите на Барса. Овој тренинг ќе служи како техничка и оперативна проба за да се обезбеди правилно функционирање на системите, пристапните точки и разните други аспекти на објектот, што е еден од условите во процесот на постепено повторно отворање“, се вели во соопштението.
Барселона ќе наплаќа билети за овој настан: цената од 5 евра ќе ја платат оние што поседуваат годишни билети, а 10 евра е цената за сите други. Сите приходи ќе бидат донирани во добротворен проект кој го поддржува менталното здравје на хоспитализираните деца и тинејџери, објасни клубот.
Бројот на седишта е ограничен на 23.000, а гледачите ќе можат да седат во делови од главната трибина и зад јужниот гол.
Градскиот совет на Барселона го ограничи моменталниот капацитет на „Камп Ноу“, на 27.000 гледачи, и поради таа одлука, каталонскиот клуб продолжи да игра домашни натпревари на Олимпискиот стадион во Монжуик, кој може да прими 45.000 гледачи.
Затоа, во Барселона го одложија враќањето на „Камп Ноу“ додека не добијат дозвола да дозволат најмалку 45.000 гледачи да влезат на реновираниот стадион.
Кога реновирањето ќе биде целосно завршено и стадионот ќе добие дозвола за полн капацитет, ќе може да прими 105.000 гледачи, што е најмногу во Европа. Барселона ги процени трошоците за реновирањето на огромни 1,5 милијарди евра.


 ⚪
⚪ 
									 
																	 
									 
																	 
									 
																	 
									 
																	 
									 
																	 
									 
																	 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											