Спорт
Мурињо – Конте: „Борба“ за местото на Тухел во Баерн

Трите последователни порази на Баерн на гости, во директниот дуел за првото место во Бундес лигата со Леверкузен, првиот осминафинален натпревар со Лацио и, конечно, мечот со Бохум во недела попладне, европската фудбалска јавност ги виде како причина да се збогуваме со Томас Тухел.
Дали во текот на сезоната или во лето, во овој момент не е пресудно.
Клучно е кој ќе го наследи неубедливиот стручњак на клупата на славниот клуб и, судејќи по текстовите на водечките портали на континентот, две големи имиња „ќе се борат“ за позицијата на Тухел.
Инаку, тоа се стари ривали, кои имаат нерешени проблеми од минатото – Жозе Мурињо и Антонио Конте.
Првиот е на слобода од неодамна, откако доби отказ од Рома и рече дека целта му е еден ден да работи (и да ја освои титулата) во Германија додека беше на врвот на славата.
Другиот е без клуб речиси една година и освен повремено појавување на трибините на италијански стадион, јавно не проговорил за желбата еден ден да раководи со некој бундеслигаш.
Меѓутоа, денеска „Билд“ ја пренесе приказната дека Конте преку својот агент испратил јасни сигнали до клучните луѓе на „Алијац Арена“, со намера да ја земе предвид неговата кандидатура.
Претходно во сезоната, Конте беше поврзуван со Милан, Јувентус и Наполи, но ништо не се реализираше, дури ниту кога претседателот на Наполи Аурелио Де Лаурентис го замени Руди Гарсија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челзи во финишот го скрши Фулам, Вулвс славеа на „Олд Трафорд“

Челси на „Крајвен Котиџ“, во финишот успеа да го совлада Фулам со 2.1 и да остане во трката за пласман во Лигата на шампионите.
Фулам поведе во 20 минута кога Алекс Ивоби на асистенција на Рајан Сесењон го совлада голманот на Челзи.
И пред тоа Фулам постигна гол, но истиот беше поништен бидејќи Андреас Переира беше во офсајд.
Фулам предноста ја чуваше до 84. минута, кога Тајрик Џорџ со деби голот за Челси го изедначи резултатот.
Голот на Педро Нето во 94. минута му донесе победа на Челзи. Португалецот одлично се снајде и со перфектен удар ја „скина“ мрежата.
По оваа победа, Челзи скокна на петтото место, кое носи пласман во Лигата на шампионите, додека Фулам е на деветтото место со девет бода помалку од соседите од Лондон.
Фудбалерите на Манчестер Јунајтед немаа концентрација и сила да пружат идентичен отпор на натпреварот против Вулверхемптон по епскиот пресврт против Лион во Лигата на Европа.
„Волците“ ја искористија анемичната домашна екипа и успеаја да си заминат од Олд Трафорд со сите три бода.
Херој на тимот на Витор Переира беше Пабло Сарабија, кој од слободен удар во 77. минута од натпреварот го совлада Андреа Онана.
Вулверхемптон е во невидена резултатска серија, ова беше дури петти триумф во низа и со тоа се изедначија во поредокот со „црвените ѓаволи“ на 14. место со 38 бодови.
Можност за продолжување на оваа серија ќе имаат во следното коло кога ривал ќе им биде веќе оплаканиот Лестер.
Леандро Тросар го предводеше Арсенал до победа. „Топџиите“ славеа кај Ипсвич со 4:0 Белгиецот го отвори резултатот во 14.минута, потоа погоди Мартинели.Во вториот дел од натпреварот видовме уште еден гол на Тросар, а конечниот резултат го постави Нванери.
Спорт
Конте му се налути на Де Лаурентис: Не сум будала

Фудбалерите на Наполи синоќа ја победија Монца на гостински терен со 1:0 во 33. коло од Серија А и со 71 бод се изедначија со Интер на првото место на табелата, иако Интер има натпревар помалку а тоа е вечерашното тешко гостување во Болоња.
Наполитанците во преостанатите пет кола имаат многу полесен распоред од бранителот на титулата, а треба да се напомене и дека Интер ќе биде оптоварен со полуфиналето од Лигата на шампионите против Барселона и полуфиналето од Купот на Италија против Милан. Наполи, пак, до крајот на сезоната има само натпревари во Серија А.
Тренерот на Наполи, Антонио Конте синоќа одржа бурна прес-конференција по тешкиот триумф во Монца, а од неговиот говор се чини дека „не му цветаат рози“ на „Марадона“ и покрај одличните резултати.
„Јас имам одговорност и вие, медиумите, први го потенциравте тоа со зборовите дека ако Конте е на клупата, тимот мора да победи. Бидејќи тоа ми го припишавте мене, не сакам да ги изневерам навивачите. Не можам да се потпрам на чуда наместо на план. Го почитувам и го ценам претседателот на Наполи (Аурелио де Лаурентис) Навивачите на Наполи имаат високи стандарди ако не победат, се лутат“, рече Конте и додаде:
„Морам да одмерам сè, и не сум будала. Направив голем притисок врз себе, но ми треба вистинско оружје за да се борам. Во спротивно, тоа е масакр и не сакам да ме исечат. Ќе седнам на преговарачка маса со претседателот, а потоа ќе видиме. Ќе имаме приходи од квалификациите за Лигата на шампиони, ни помогна и трансферот на Кварацхелија, но сега искрено ќе разговарам со претседателот. Дадов се од себе, со камата. Сега сакаме да победиме заедно со момците кои напорно работат“.
„Имам добар однос со Де Лаурентис, но исто така ми треба почит. Морам да се заштитам себеси, инаку сето ова ќе биде само убаво, но завршено патување. Тука сум за навивачите на Наполи и за себе. Нема да правам будала од себе и да ги оставам да ме тепаат. Мора да продолжиме да веруваме и се надевам дека ќе имаме и малку среќа. Од јануари среќата не беше на наша страна. Веруваме во нашите можности. Играчите се одлични во тешки ситуации и ние градиме силни темели преку тие предизвици“.
Спорт
Барселона обвинета за расизам, кон поранешен играч
Тренерот на Селта, Клаудио Хиралдез изјави дека навивачите на Барселона на расна основа го навредувале фудбалерот на неговиот тим Илајш Мориба за време на натпреварот во шпанското првенство.
Хиралдес рече дека 22-годишниот Мориба, по потекло од Гвинеја, бил расно навредуван кога бил заменет во финишот од натпреварот, кој Барселона го доби со 4:3 на домашен терен.
„Жално е што ова се случува и денес во фудбалот“, изјави Хиралдес на новинарите.
Мориба помина низ фудбалската школа на Барселона пред да стигне до првиот тим.
Тој потпиша за Лајпциг во 2021 година, откако германскиот клуб му понуди подобар договор и оттогаш имаше позајмици во шпанската лига за Валенсија, Хетафе и Селта.
Шпанскиот фудбал има многу проблеми со расизмот, бидејќи често има инциденти каде некои навивачи ги навредуваат фудбалерите со темна кожа.