Спорт
Мурињо: Па, Ливерпул имаат многу среќа оваа сезона
Жозе Мурињо ги нарече Ливерпул „среќните“ пред денешната голема пресметка на „Енфилд“ со неговиот Манчестер јунајтед.
Тимот на Јирген Клоп со победа ќе се врати на првото место во Премиер лигата пред Манчестер сити, и остануваат единствениот непоразен …
![](https://makfax.com.mk/wp-content/uploads/2018/12/a6afdc5d354b1786e8ab6837bdcfa47d.jpg)
![epa07211240 Manchester United manager Jose Mourinho reacts during the English Premier League soccer match between Manchester United and Arsenal at the Old Trafford in Manchester, Britain, 05 December 2018. EPA-EFE/PETER POWELL EDITORIAL USE ONLY. No use with unauthorized audio, video, data, fixture lists, club/league logos or 'live' services. Online in-match use limited to 120 images, no video emulation. No use in betting, games or single club/league/player publications.](https://makfax.com.mk/wp-content/uploads/2018/12/a6afdc5d354b1786e8ab6837bdcfa47d.jpg)
Жозе Мурињо ги нарече Ливерпул „среќните“ пред денешната голема пресметка на „Енфилд“ со неговиот Манчестер јунајтед.
Тимот на Јирген Клоп со победа ќе се врати на првото место во Премиер лигата пред Манчестер сити, и остануваат единствениот непоразен тим во Англија оваа сезона. Од друга страна, Јунајтед се на шестото место со 16 поени зад Ливерпул и Мурињо смета дека ривалите имале малку повеќе среќа во последно време.
Тој го посочи дербито со Евертон, во кое Дивок Ориџи постигна гол по бизарната грешка на голманот Џордан Пикфорд во последните моменти од мечот, како и првиот гол ма Мохамед Салах против Бурнемаут, кој беше постигнат од офсајд.
„Ливерпул се полни со самодоверба, на врвот на лигата се и го имаат тоа чувство, кое го познавам многу добро, чувството на ’среќните’, кога сѐ ти оди како порачано. Знаат како го победија Ливерпул, знаат дека голот со Бурнемаут беше офсајд и знаеја дека против Наполи можеа да бидат исфрлени од Лигата на шампионите во последен момент. Го имаат истото чувство кое моите тимови го имаа кога беа први, кога сѐ е во твоја корист“, вели Мурињо.
Јунајтед ја прекинаа лошата низа од четири меча во ПЛ без победа со 4:1 победа над Фулам минатиот викенд, но потоа загубија со 2:1 на гостувањето кај Валенсија. Но, Мурињо знае дека Јирген Клоп нема да го потцени Јунајтед, бидејќи тоа е дуел кој уште не го добил во Премиер лигата.
„Да, тие се многу, многу силни, но не се глупави. Знаат дека со нас ќе имаат тежок меч. И ние имаме наши слабости, наши силни страни и го почитуваат тоа. Знаат дека им е потребен секој поен ако сакаат да се шампиони и знам дека се професионалци, што значи го почитуваат Манчестер јунајтед“, објаснува Португалецот.
Фото: ЕПА
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.