Спорт
Мутињо го замолкна „Олд Трафорд“, сигурни победи на Сити и Ливерпул (Видео)
Ливерпул го задржа максималниот ефект во Премиер лигата и по шестото коло, во кое Манчестер сити запиша убедлива победа во Кардиф, а Манчестер јунајтед доживеа ново разочарување.
Ливерпул, според очекувањата, запиша лесна победа над Саутемптон 3:0. „Цр…


Ливерпул го задржа максималниот ефект во Премиер лигата и по шестото коло, во кое Манчестер сити запиша убедлива победа во Кардиф, а Манчестер јунајтед доживеа ново разочарување.
Ливерпул, според очекувањата, запиша лесна победа над Саутемптон 3:0. „Црвените“ работата ја завршија во првиот дел кога ги постигнаа головите. Хедт во 10.минута постигна авто-гол, Матип зголеми на 2:0 во 21.минута, а конечниот резултат го постави Салах во третата минута од судиското надополнување на времето.
Манчестер сити го декласира Кардиф со 5:0. Серијата на голови ја отвори Агуеро, потоа погодија Бернардо Силва и Гундоган, а точка на мечот стави Марез со два гола.
Вулверхемптон им го расипа расположението на сите на „Олд Трафорд“, откако стави крај на мини серијата од три победи во која беа играчите на Жозе Мурињо.
Работите добро тргнаа за „црвените ѓаволи“, бидејќи Фред погоди за 1:0 во 18.минута. Ова беше деби гол за Бразилецот во Премиер лигата.
Вулвс израмнија во 53.минута преку ветеранот Жоао Мутињо.
На другите натпревари: Лестер со пресврт го совлада Хадерсфил со 3:1, Фулам и Вотфорд одиграа без победник 1:1, а Барнли го декласира Борнмут со 4:0.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Усик може да ја загуби титулата во ВБО

Светскиот шампион во тешка категорија Олександр Усик (23-0) би можел да ја загуби и титулата во ВБО доколку Украинецот не се бори со Џозеф Паркер (26-3).
Организацијата му даде рок од 30 дена на 38-годишникот да договори меч против Новозеланѓанецот, во спротивно Усик ќе остане „само“ со две титули ВБА и ВБЦ.
Усик стана првиот апсолутен светски шампион во тешка категорија во ерата на „четири појаси“ во мај минатата година, а најпрво го загуби појасот на ИБФ поради реваншот со една година помладиот Британец Тајсон Фјури (34-1-1) во декември.
Тогаш Англичанецот Даниел Дубоа стана шампион на ИБФ со промоција од привремен шампионски статус, а своето владеење го потврди со нокаут против Ентони Џошуа на преполниот Вембли.
Слична е ситуацијата и со 33-годишниот Паркер, кој ја одбрани привремената титула минатиот февруари во Ријад со нокаут над Конго Мартин Баколе, кој влезе како замена за Дубоа.
Усик најави дека има уште две професионални борби пред да се пензионира, а останува да видиме кој ќе биде неговиот следен ривал.
Спорт
Лахоз за пеналот на Алварез: Технологијата мора правилно да се користи

Легендарниот шпански судија Антонио Матеу Лахоз, кој сега работи како професионален коментатор, проговори за одлуката на главниот судија Шимон Марчинијак кој го поништи голот на Алварез, против Реал во пенал серијата.
На Лахоз не му се допадна фактот што Марчинијак ја прифати веднаш одлуката од ВАР собата без самиот да ја прегледа снимката.
„Ако донесете одлука толку брзо, претпоставувам дека имате јасна слика за ситуацијата. Секогаш ми недостига транспарентност, за сите да ја гледаме ситуацијата низ очите на главниот судија и пред мониторот. Со тоа ќе се избегнат контроверзните одлуки кои му штетат на спортот”, изјави Лахоз за ТВ Мовистар.
„Се оди кон тоа да се види ситуацијата од секој агол. Да бев информиран за оваа одлука, немаше да бидам мирен додека самиот не ја погледнев снимката. Би сакал да ја гледам и врз основа на тоа да одлучам. Тоа ќе беше моја одговорност, така го разбирам судењето.
Технологијата е корисна, но мора да се користи правилно, судијата мора сам да ја донесе одлуката. На начинот на кој што постапи Марчинијак и понатаму имаме сомнежи“, изјави Лахоз, кој ја заврши својата кариера во 2023 година.
Спорт
Доменикали ќе ја води Формула 1 уште пет години

Стефано Доменикали ќе остане претседател и извршен директор на Формула 1 менаџментот уште најмалку 5 години, објави сопственикот на комерцијалните права на шампионатот, Либерти Медиа.
Поранешниот тимски шеф на Ферари ја презеде Формула 1 на почетокот на 2021 година и под негово водство спортот постигна значителен напредок, како во однос на глобалниот интерес на навивачите, така и во однос на растот на приходите.
Доменик е втор извршен директор на ФОМ по Чејс Кери, кој беше назначен на позицијата откако Либерти Медиа ги купи комерцијалните права за Светското првенство во 2017 година.
Според новиот договор, Доменикали ќе го води ФОМ до крајот на 2029 година, со што е ставен крај на шпекулациите дека тој ќе ја напушти Формула 1 за да го води Мото ГП, каде што Либерти Медиа исто така ги стекна комерцијалните права на шампионатот.
Новата сезона во Формула 1 започнува со тренинзите во петок, пред неделната трка за Големата награда на Австралија.