Спорт
Навивачите на ПАОК влегле во телевизијата ЕРТ 3 (Видео)
Десетина навивачи на ПАОК вегле во студиото на грчката телевизија „ЕРТ 3“, во Солун и го натерале водителот на спортските вести да ја прочита нивната порака во знак на протест, на одлуката на Супер лигата на клубот да му одземе три бода.
Дербито во грч…

Десетина навивачи на ПАОК вегле во студиото на грчката телевизија „ЕРТ 3“, во Солун и го натерале водителот на спортските вести да ја прочита нивната порака во знак на протест, на одлуката на Супер лигата на клубот да му одземе три бода.
Дербито во грчкиот шампионат помеѓу ПАОК и Олимпијакос на 25.февруари не се одигра, откако гостинскиот тренер Оскар Гарсија бил погоден со ролни тоалетна хартија. Натпреварот не се одигра, а Супер лигата го регистрира со службени 0:3 за Олимпијакос.
Покрај тоа ПАОК два натпревари ќе мора да одигра пред празни трибини.
Во пораката која ја прочита водителот на „ЕРТ 3“ се вели дека „ одлуката на Супер лигата е најголемиот скандал кој некогаш се случил во светот на спортот“. Исто така во пораката се повикани сите навивачи на ПАОК да учествуваат во протестот во четвртотк, во центарот на Солун.
Откако на ПАОК му се одземени бодовите тимот се „лизна“ на третото место на табелата со 49 бода. Лидер во Грција е АЕК со 54, а втор е Олимпијакос со 50.
ПАОК на титула во грчкото првенство чека од 1985 година, а како сега стојат работите нема да ја освои и оваа година и тоа поради инцдентите на неговте навивачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Проштално писмо на Стефан Ристовски: „Ќе дишам со Динамо“

По четири и пол години, македонскиот дефанзивец Стефан Ристовски (33) ја заврши кариерата во Динамо, официјално објави клубот на својата интернет страница.
Во Динамо одигра 185 официјални натпревари со седум гола и 21 асистенција. Ако се додадат и пријателските, бројката се искачува на 206 настапи.
За четири и пол години во Максимир освои четири хрватски првенства (2020/21, 2021/22, 2022/23, 2023/24), два Купа на Хрватска (2020/21, 2023/24) и два Суперкупа (2022, 2023). Тој исто така беше член на идеалниот тим на СуперСпорт ХНЛ во три последователни сезони.
Ристовски се прости од Динамо
Секогаш гордо го носеше на теренот дресот на Динамо и на крајот стана еден од кокапитените на тимот, велат во прошталното соопштение од Максимир, посветувајќи му специјално видео на Ристовски. Во тоа видео Ристовски го чита писмото што го напишал до семејството и навивачите на Динамо. „Индекс“ го пренесе во целост:
„Почитувани сини, драги Динамо.
Ви благодарам што ме прифативте мене и моето семејство како свои, со љубов, поддршка, почит и пријателство. Колку убава приказна беше тоа, прекрасна лекција за спортот, емоциите, но и за животот. Ви благодарам за тоа од дното на моето срце.
Во текот на мојата кариера работев напорно, ги почитував и ги бранев нашите бои на и надвор од теренот. Почитувани односи со навивачите, со соиграчите, така ме научија родителите и така ги учам моите деца кои растеа и се радуваа заедно со Динамо.
Освоивме многу трофеи, постигнавме историски успеси и многупати се докажавме во Европа. Ја имав ретката чест и можност да бидам капитен на мојот сакан тим и одиграв преку 180 натпревари за овој голем клуб.
Драги фанови, вие ќе останете засекогаш во моето срце, како и нашите бои, знамиња, шалови. А со нашиот победнички стил, така ме научи со љубовта кон Динамо.
Што да се додаде и да се скрие тагата. Се разделуваме како пријатели, како двајца луѓе кои се сакаат. Засекогаш гордо ќе ги носам нашите бои и секогаш ќе дишам Динамо. Еден цитат ме води во животот – нема предавање. Пред се Динамо.
Благодарам Блу, благодарам Динамо, благодарам Загреб. Благодарам на народот и државата Хрватска. Твојот Рајл те сака“.
Спорт
Договорен е најголемиот трансфер во историјата на Премиер лигата

По долги преговори, Ливерпул и Баер Леверкузен го договорија трансферот на Флоријан Вирц.
Германскиот и англискиот клуб го потпишаа најголемиот трансфер во историјата на Премиер лигата, вреден 136,3 милиони евра, според англиските и повеќето европски медиуми и фудбалски инсајдери.
Договорот, исто така велат, е дефинитивно склучен, и сè што останува е двата клуба да го официјализираат договорот.
Ливерпул ќе му плати на Баер основни 117,5 милиони евра како обештетување и дополнителни 18,8 милиони во бонуси, па Вирц ќе може слободно да потпише петгодишен договор со „црвените“.
Вредноста на овој трансфер го надмина претходниот најголем во историјата на Премиер лигата, оној на Мојсес Кајсед од Брајтон во Челзи за 133 милиони евра.
Според порталот „The Atheltic“, во преговорите со Ливерпул, Баер побарал цели 150 милиони за Вирц, но на крајот, двете страни постигнале договор за помала сума.
Минатата сезона Вирц постигна 16 гола и 15 асистенции во 45 натпревари, а пред тоа беше клучен играч во шампионскит тим предводен од Чаби Алонсо.
Во 49 натпревари во шампионската сезона на Баер, тој постигна 18 гола и запиша 20 асистенции во 49 натпревари.
BREAKING: Liverpool and Bayer Leverkusen have come to an agreement on a British record deal for Florian Wirtz 🚨
The total package is £116.5m (€137.5 million), made up of a £100 m plus £16.5 million in potential add-ons. pic.twitter.com/HosbszL2r8
— Sky Sports News (@SkySportsNews) June 13, 2025
Спорт
По 34 години, Пипо ја врати Пиза во Серија А, па го напушти клубот

Поранешниот напаѓач на италијанската репрезентација, сега тренер, Филипо Инзаги, ја напушта клупата на Пиза еден месец по историската промоција во Серија А, објави клубот во петокот.
„Договорот на Инзаги, кој траеше уште две години, беше спогодбено раскинат“, објави тосканскиот клуб.
Се очекува 51-годишникот, како што тврдат медиумите ќе го преземе Палермо.
Палермо наводно ѝ платил на Пиза речиси милион евра за Инзаги. Сицилијанскиот клуб, во сопственост на Сити Фудбал Груп (сопственик и на Манчестер Сити), исто така се стреми кон враќање во Серија А.
Пиза заврши втора во Серија Б под водство на Инзаги, остварувајќи промоција во Серија А за прв пат по 34 години.
Алберто Џилардино е еден од кандидатите за клупата на Пиза, како и Марко Џампаоло, кој неодамна беше отпуштен од Лече.