Фото/ ffm.mk

Шкендија, Вардар, Силекс и Работнички ги дознаа можните противници за првото квалификациско коло. Шкендија ќе стартува во Лигата на шампионите, ждрепката е во 14 часот во Нион, а останатите три екипи ќе се натпреваруваат во Конференциската лига. Ждрепката ќе се одржи од 16 часот во Нион.

Шкендија нема да биде носител, се наоѓа во групата 1, а моѓе да игра против: Малме (Шведска), Жалгирис (Литванија), РФС (Летонија), Купс (Финска) или ТНС (Велс).

Кога ќе се погледнат можните противници, впечаток е дека Вардар најдобро помина, а дека пред тешка задача ќе имаат Силекс и Работнички.

Во групата 2 можно противници на Силекс се Петрокуб (Молдавија), Ордабаси (Казахстан), Дечиќ (Црна Гора) и Урарту (Ерменија).

Вардар, кој по седум години се враќа во европските купови, во групата 3 за противник може да добие еден од овие тимови: Дуделанж (Луксенбург), Копер (Словенија), Сутјеска (Црна Гора), Ла Фиорита (Сан Марино).Работнички ги чека противниците во групата 6, можни ривали се Дила Гори (Грузија), Пјуник (Ерменија), Торпедо (Белорусија) и Борац Бања Лука.

Првите натпревари ќе се одиграат на 10, а реваншите на 17.јули.

Кошаркарскиот клуб Босна донсе шокантна одлука да излезе од АБА лигата. Босна, ја освои АБА 2 лигата, со победата над Илирија во три натпревари, но клубот соопшто дека „дека нема соодветни услови за играње во највисокиот ранг на регионалниот караван“.

Се наведува дека клубот бил одбиен од две сали во Сараево каде што Босна сакала да игра натпревари, и дека нема соодветни технички услови што би можеле да го задоволат интересот на публиката. Се нагласува дека комуникацијата со раководството на салата била многу професионална, но тие поставиле пред Босна технички предуслови за исполнување на обврските на кои клубот не може да влијае.

Ова не е единствената причина што ја спречува Босна да биде во АБА лигата од следната сезона. Многу поголем проблем е што нема договор за буџетот за следната сезона, а како што веќе беше кажано одамна, прво беа најавени големи инвестиции.

Раководството на клубот наведува дека испратило голем број барања за спонзорство со цел да формира респектабилен буџет, но нема одговори, а со тоа и јасна слика за финансиите за следната сезона.

Одлуката на Босна е да игра само домашни натпреварувања во следната сезона, односно првенството на Босна и Херцеговина и Купот. Беше образложено дека Босна има право да се натпреварува во АБА 2 лигата, чија цел е пласман во повисок ранг. Сепак, клубот нема да игра во тоа натпреварување во следната натпреварувачка година бидејќи нема смисла повторно да се бори за влез во елитниот ранг на регионалниот караван, без никакви гаранции дека всушност ќе играат. Се нагласува дека акцентот ќе биде ставен на освојувањето на првенството, како и на развојот на помладите категории на клубот.

Ова веројатно значи дека Цибона ќе успее да опстане во АБА лигата, без оглед на фактот дека беше елиминирана во плејофот за опстанок од словенечка Илирија. Во среда го очекуваме собранието на АБА лигата, каде што ќе се донесат одлуки за иднината на натпреварувањето, а потоа ќе знаеме кои клубови ќе јсе натпреваруваат АБА лигата следната сезона.

Фудбалерите Бока Јуниорс и Бенфика одиграа без победник на стадионот во Мајами 2:2, во првото коло од Групата Ц на Светското клупско првенство.

Бока Јуниорс поведе со 2:0 со головите на Мигел Мерентиел во 21-та минута и Родриго Батаља во 27-та минута.

Бенфика израмни со головите на Анхел Ди Марија во третата минута од судиското продолжение и Николас Отаменди во 84-та минута.

Во следното коло, Бока Јуниорс ќе игра против Баерн Минхен, а Бенфика ќе се сретне со Оукленд.

Фудбалерите на Фламенго го победија Есперанс од Тунис со 2:0 во Филаделфија во првото коло од Групата Д. По победата на Ботафого и нерешениот резултат на Палмеирас, бразилските тимови се уште се непоразени.

Стрелци за Фламенго беа Џорџо де Араскаета во 17-та минута и Луис Араухо во 70-та минута.

Во второто коло, Фламенго ќе игра против Челзи, додека Есперанца ќе се сретне со Лос Анџелес.