Водечкиот италијански фудбалски инсајдер Џанлука Ди Марцио вечерва објави сензационална вест. Тврди дека Кевин Де Брујне, покрај бројните понуди од Блискиот Исток и САД, има и две „жешки“ понуди од Европа, една од Наполи и една од Ливерпул.

Всушност, Ди Марцио се фокусираше на интересот на Наполи, кој изгледа дека ќе го освои скудетото оваа сезона во голема мера затоа што ја искористи катастрофалната проценка на Манчестер Јунајтед и го потпиша предвреме отпуштениот Скот Мектомини.

Ве потсетуваме, Де Брујне има 33 години, што во модерниот фудбал не значи многу, особено не во Серија А.

„Наполи сериозно се обидува да го доведе Де Брујне. Ова е сознанието на нашиот уреднички тим во соработка со Џанлуиџи Банула од „Скај Спорт“. Договорот на играчот од средниот ред со Манчестер сити истекува, па Наполитанците ќе се обидат да го доведат како слободен агент за следната сезона“, објави Ди Марцио и додаде:

„Белгиецот сака да остане во Европа и има понуда од Ливерпул. Сепак, Наполи смета и на одличниот однос што играчот, роден во 1991 година, го има со Ромелу Лукаку. Овој конкретен обид да се доведе Кевин Де Брујне е јасен показател за тоа колку Де Лаурентис сака да ги зголеми амбициите на Наполи во наредните сезони.“

„Твитер“, заедницата веднаш се сети на фактот Кевин во детствот навивал за Ливерпул.

🗞️ Kevin De Bruyne (33) would prefer to remain playing at the highest level & is not ready to move to Saudi.

The possibility of joining a rival side like Liverpool isn’t out of the question, with the club holding a special connection to his family 👀

(Source: @DeStandaard) pic.twitter.com/hGjQcIVKrh

— Anything Liverpool (@AnythingLFC_) April 16, 2025

Де Брујне е еден од најважните фудбалери во историјата на Манчестер сити. Тој пристигна во клубот на 30. август 2015 година од Волфсбург за рекордни 55 милиони фунти во тоа време, а дебитираше на 12. септември истата година против Кристал Палас.

За Сити одигра 413 натпревари, постигна 106 голови, забелеша 176 асистенции. Освои 16 трофеи, меѓу кои шест во Премиер лигата, еден во Лигата на шампионите.

ПСЖ втор пат во последните пет сезони ќе се бори за титулата во Лигата на шампионите. „светците“ и во реваншот го победија Арсенал (2:1) и со вкупен резултат 3:1 се пласираа во финалето. Таму на 31.мај во Минхен ги чека Интер.

Арсенал шансите за победа ги пропушти во првите 15 минути од натпреварот, кога силно го притиснаа противникот. Големи панси имаа Рајс, Мартинели и Едегард, но од тие ситуации како победник излезе голманот на ПСЖ, Донарума.

ПСЖ возврати во 16.минута, ударот на Кварацхелија заврши во стативата. По половина час игра, ПСЖ поведе со голот на Фабијан Руиз. Шпанецот на одбиената топка од Парти прв тргна, во приемот се ослободи од својот чувар и од 16 метри со полуволеј го совлада Раја.

До крајот на полувремето две големи панси за ПСЖ, кои не ги реализираа Дезире Дуе и Баркола.

Во вториот дел, ПСЖ доби пенал во 68.минута. Витиња помалку несериозно го изведе, а Раја го одрани неговиот удар. Само четири минути подоцна, Хакими погоди на сличен начин како Руиз.

Арсенал до крајот само успеа да го ублежи поразот со голот на Сака.

Фудбалскиот клуб Јувентус одреди цена од 40 милиони евра за својот напаѓач Душан Влаховиќ.

Но, тој е подготвен да преговара и да ја намали цената за да го продаде и да собере средства за да го купи Расмус Хојлунд од Манчестер Јунајтед.

Договорот на Влаховиќ истекува следната сезона и тој не сака да го продолжи, па клубот се обидува да го продаде за следната година да не остане без отштета.

Како што пренесува Тутоспорт, Јувентус поставил цена од 40 милиони долари за Влаховиќ, но е подготвен и да преговара за пониска цена, за да собере средства за Хoјлунд.

Претставниците на клубот веќе започнале преговори со раководните лица на данскиот фудбалер.

Раководството на Јувентус сака да смени напаѓачи ова лето, па покрај заминувањето на Влаховиќ се очекува да го напушти Торино и Даглас Луис. Бразилецот не се снајде најдобро во тимот и неодамна се пожали на малата минутажа.

Неизвесно е и дали Рандал Коло Муани ќе остане во клубот, бидејќи позајмицата му истекува на крајот на сезоната и би можел да се врати во Пари Сен Жермен.

Јувентус долго време е заинтересиран за Хoјлунд, кој оваа сезона за Манчестер Јунајтед одигра 47 натпревари во сите натпреварувања, постигнувајќи девет гола и четири асистенции.

Неговиот договор со англискиот клуб истекува во 2028 година.