Спорт
Нептун Македонија: Стадионско искуство за ЕУРО 2024

Среќа, еуфорија, солзи, гнев, дебатирање во кафеана, коментирање на кауч и енергично навивање… сето тоа ќе го доживееме во вистинска смисла од 14 јуни до 14 јули, кога ќе се одржи најважната споредна манифестација на светот – Европското фудбалско првенство Еуро 2024. Светот ќе застане за фудбалерите и фудбалските фанови, но и не само за нив.
Веруваме дека веќе се организирате за ЕП 2024, но дали и вашиот дом е подготвен?
За целосно да уживате во овој спортски настан, треба да ја подготвите вашата домашна опрема за навивање. А за да не мора да се грижите за ништо, Нептун Македонија подготви непобедлива понуда на врвни ТВ уреди, за добар увид во најважните спортски моменти.
Одлучете мудро и што поскоро, бидејќи неверојатните попусти за најспектакуларното доживување траат само до 16 јуни!
Решете се за еден од новите телевизори што ќе ви донесе стадионско искуство за следење на играта. Нептун нуди уреди со напреден режим што совршено се прилагодуваат и го разбираат она што го гледате, трансформирајќи ја сликата за секој детал од теренот да го видите кристално јасно, како да сте таму. Новата ЕП 2024 понуда на телевизори во Нептун ќе ве „пренесе“ на теренот, во центарот на акцијата, со слика подеднакво совршена од секој агол. Резултатот – јасен преглед на секоја акција, секој шут и секој фаул каде и да седите во просторијата.
Во годината на фудбалот и годината на спортот воопшто, Дарко Панчев и Артим Шаќири, едни од најголемите македонски фудбалери на сите времиња, се вклучуваат во акцијата на Нептун за поддршка и култивирање на љубов кон овој високоинтензивен спорт, кој е повеќе од игра, и е глобален и социјален, културен феномен.
И двајцата се согласуваат во уверувањето дека фудбалот е најмалиот заеднички содржател во животот на многумина, сврзно ткиво и јазик што сите го разбираат.
А ние знаеме дека од 14 јуни, натаму, животот ќе застане во многу домови, а повеќето ќе калкулираат сè во однос на распоредот на натпреварите, бидејќи… сè друго може да почека. Затоа посетете ја навреме веб-страната на Нептун или најблиската продавница, изберете го вашиот соиграч и обезбедете победа на домашен терен!
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Рексам го сака Ериксен

Фудбалскиот клуб Рексам, во сопственост на холивудските актери Рајан Рејнолдс и Роб Мекелен, го направи својот најамбициозен чекор досега, го контакриа данскиот играч од средниот ред Кристијан Ериксен во обид да го потпише, објави Би-Би-Си.
Ериксен (33), поранешен дански репрезентативец со 144 настапи, моментално е без клуб откако неговиот договор со Манчестер јунајтед истече на крајот од сезоната 2024/25.
Управниот одбор на Рексам го гледа Ериксен како идеално засилување кое би донело непроценливо искуство во првата сезона на клубот во втората лига на англискиот фудбал по 44 години.
Менаџерот на играчот, Мартин Скотс, потврди за „Дејли Мејл“ дека „проектот на Рексам е исклучително импресивен“, но додаде: „Кристијан сè уште сака да игра во врвните лиги и е решен да остане во Западна Европа“.
Од почетокот на летниот преоден рок, Рексам веќе ги доведе голманот на Велс, Дени Ворд, напаѓачот Рајан Харди, играчите од средниот ред Луис О’Брајан и Џорџ Томасон, левиот бек Либерато Кака и офанзивниот играч од средниот ред Џош Виндас.
Сепак, потенцијалното доаѓање на Ериксен би бил најзначајниот трансфер досега, доколку менаџерот Фил Паркинсон успее да го убеди да игра во Чемпионшип.
Минатата сезона, Ериксен одигра 35 натпревари и постигна пет гола за Манчестер јунајтед. Тој играше и за Ајакс, Тотенхем, Интер и Брентфорд, а со Јунајтед ги освои ФА Купот и Лига Купот.
Рексам ја отвора својата нова сезона во Чемпионшип со гостување кај Саутемптон на 9 август на стадионот „Сент Мери“.
Foto/ EPA
Спорт
Нестварно, англиските клубови досега потрошиле 1,87 милијарди евра за засилувања

Ова лето, клубовите од англиската Премиер лига ги поместуваат сите граници поставени досега кога станува збор за парите инвестирани во зајакнување на нивните тимови. И сè уште не ја завршиле работата.
Според специјализираниот фудбалски портал „Трансфермаркт“, од јуни, кога се отвори летниот трансфер пазар, до денес, елитните англиски клубови потрошиле импресивни 1,87 милијарди евра за нови играчи.
Поголемиот дел од овие пари од нивните сметки, за засилувања, ги издвоија само неколку од најмоќните клубови.
Ливерпул доминира.
„Црвените“ потрошија 307 милиони евра за нови играчи во тековниот преоден рок, а клубот од „Енфилд“ инвестираше речиси 200 милиони само за двајца играчи, Флоријан Вирц и Уго Екитике.
Втор на листата на најголеми трошаџии е актуелниот светски шампион Челзи.
„Сините“ направија голем дел од работата во зајакнувањето на играчкиот кадар со инвестиција од 242 милиони евра, а за тие пари ги доведоа Жоао Педро (70 милиони), Џејми Гитенс (65 милиони), Естевао (34 милиони), Лиам Делап (35,5 милиони)…
Арсенал е трет на листата со 156 милиони инвестирани досега за нов кадар во составот, иако вредноста на трансферот на Виктор Ѓокереш, чиј потпис за „топџиите“ е прашање на денот, наскоро треба да се додаде на оваа сума.
Арсенал сигурно ќе ја надмине сумата од 200 милиони евра ова лето за засилувања, кога Швеѓанецот конечно ќе го потпише договорот.
Манчестер јунајтед потроши приближно колку и Арсенал, 152,7 милиони евра.
Поединечно, клубот од „Олд Трафорд“ даде најмногу пари за трансферот на Брајан Мбеумо од Брентфорд, речиси 80 милиони евра.
На петтото место е Манчестер сити (145 милиони), по него Тотенхем (140 милиони), а Сандерленд е исто така високо на оваа листа со 115,5 милиони за нови имиња, додека Брајтон, Барнли и Лидс се веднаш зад нив.
Сите три споменати клуба потрошија во опсег од 70-80 милиони за засилувања.
Финансискиот јаз помеѓу повеќето англиски клубови, не само најсилните, и остатокот од Европа, се чини, а тоа го покажуваат и трансферните вредности, никогаш не бил поголем.
Спорт
Меси суспендиран

Аргентинецот Лионел Меси е суспендиран на еден натпревар во МЛС лигата поради тоа што го пропушти неодамнешниот Ол-стар натпревар. Иста казна заработи и неговиот соиграч Џорди Алба.
Фудбалерите на клубот од Мајами ќе го прескокнат многу важниот натпревар на Интер против лидерот во Источната конференција, Синсинати, во кој тимот од Флорида, со евентуална победа, би можел да се приближи до првото место.
Правилата на лигата налагаат играчите кои се поканети на Ол-стар натпреварот и не се појават, а немаат соодветно медицинско оправдување, автоматски да бидат суспендирани.
Тренерот на Интер, Хавиер Маскерано, по натпреварот со Њујорк изјави дека Алба е повреден, па затоа не може да игра на Ол-стар натпреварот, додека за Меси рече дека бил уморен.
Оваа сезона, Меси постигна 24 гола на 29 натпревари во сите натпреварувања.