Спорт
Не се предава и во петтата деценија, Винс Картер има нов клуб (Видео)
Легендарниот американски кошаркар Винс Картер, во јануари наполни 41 година но нема намера да се повлече од кошаркарските терени. Ветеранот потпишал едно годишен договор со Атланта Хокс, што значи дека наредната сезона ќе биде 21.во неговата кариера.
К…
Легендарниот американски кошаркар Винс Картер во јануари наполни 41 година, но нема намера да се повлече од кошаркарските терени. Ветеранот потпишал едногодишен договор со Атланта хокс, што значи дека наредната сезона ќе биде 21. во неговата кариера.
Картер, како слободен играч за ветерански минимум (2,4 милиони долари) договорил соработка со Атланта. Хокс од оваа сезона прават целосна реконструкција на тимот, во кој ќе има неколку млади играчи, а Картер со своето искуство треба да им помогне подобро да се прилагодат на она што го бара НБА0лигата.
Винс Картер во НБА-лигата влезе во 1998 година, кога како петти пик беше избран од Голден стејт вориорс. Сепак, тој не остана во Оукленд бидејќи Вориорси веднаш го разменија во Торонто Репторс.
Шест години Картер играше во Торонто каде ги пружи најдобрите партии во кариерата. Картер во периодот од 2000 до 2007 година осум пати играше на ол-стар натпреварите, а незаборавни се неговите мајстории во натпреварот во забивање.
Картер во изминатите 20 сезони забележал просек од 17,7 поени, 4,5 скока и 3,3 асистенции по натпревар. Покрај во Торонто играл за уште шест други екипи: Њу Џерси Нетс, Орландо Меџик, Феникс Санс, Далас Маверикс, Мемфис Гризлис и Сакраменто Кингс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Сити: Се уште не знаеме колку е сериозна повредата на Родри
Фудбалерот на Манчестер сити, најдобриот играч на последното Европско првенство Родри (28) го повреди коленото на натпреварот против Арсенал во последното коло од Премиер лигата.
Тој ги повреди вкрстените лигаменти, а англиските медиуми пишуваат дека го чека долга пауза веројатно до крајот на сезоната.
„Манчестер сити може да потврди дека Родри заработи повреда на лигаментите на десната нога на натпреварот против Арсенал минатиот викенд. Играчот од средниот ред отпатува во Шпанија за да побара мислење од специјалист по првичните тестови во Манчестер. Проценките се во тек, се уште не е позната сериозноста на повредата и колку би може да отсуствува. Сите во клубот му посакуваат брзо закрепнување, а на нашата страница ќе можете да ги следите сите новости поврзани со неговиот статус“, се вели во соопштението на клубот.
Родри е незаменлив во средниот ред во шпанската репрезентација и Манчестер сити. Тој годинава беше европски првак со Шпанија, додека со Манчестер сити ја освои Премиер лигата. Се наоѓа во најтесниот круг на кандидати за освојување на Златната топка.
Спорт
Барела на принудна пауза
Играчот од средниот ред на Интер, Николо Барела ќе го пропушти саботниот натпревар против Удинезе поради повреда, соопшти клубот.
Барела (27) го повредил бутниот мускул на десната нога, во неделата против Милан. Интер објави дека следната недела ќе биде подложен на уште еден лекарски преглед.
Според италијанските медиуми, Барела ќе го пропушти натпреварот од Лигата на шампионите против Црвена звезда, а потоа и натпреварот од седмото коло во Серија А против актуелниот лидер Торино.
Спорт
Марсеј е кандидат за домаќин на финалето на ЛШ во 2027 година
Градот Марсеј понуди да биде домаќин на финалето на Лигата на шампионите во 2027 година, откако Европската фудбалска унија (УЕФА) одлучи да ја повлече организацијата од стадионот „Сан Сиро“ во Милано.
„А зошто да не се игра во Марсеј, на најубавиот стадион во Франција: Велодром“, напиша на платформата „X“, претставникот на градските власти на Марсеј, Себастиен Гибраел, само неколку часа по одлуката на УЕФА.
Според него, властите на Марсеј заедно со градоначалникот Беноа Пајан ќе ја поддржат кандидатурата на Марсеј да биде домаќин на финалето на Лигата на шампионите во 2027 година.
УЕФА во вторникот вечерта објави дека „Сан Сиро“ (стадионот на кој играат Милан и Интер) ја загубил организацијата на финалниот меч, бидејќи градот Милан не можел да гарантира дека стадионот и неговата околина ќе бидат подготвени за натпреварот, поради реновирање.
Од УЕФА изјавија и дека имаат за цел, до јуни да го одредат домаќинот. Следните две финалиња од Лигата на шампионите ќе се играат во Минхен и Будимпешта.
„Сан Сиро“, стадион со капацитет од околу 75.000 седишта, четири пати бил домаќин на најважниот натпревар на европскиот клубски фудбал (1965, 1970, 2001 и 2016 година).