Спорт
Ништо од Бразил! Белгиските „ѓаволи“ во полуфинале со Франција!
Бразил е во аут! Во меч со висок квалитет на две репрезентации кои сигурно требаа да се сретнат понатаму на шампионатот, Белгија стигна до импресивна 2:1 победа и го елиминираше последниот јужноамерикански тим во Русија – сите преостанати доаѓаат…
Бразил е во аут! Во меч со висок квалитет на две репрезентации кои сигурно требаа да се сретнат понатаму на шампионатот, Белгија стигна до импресивна 2:1 победа и го елиминираше последниот јужноамерикански тим во Русија – сите преостанати доаѓаат од Европа.
Белгија сега ја чека уште еден супер-меч, дуелот со сега најголемите фаворити за титулата, Французите, кои претходно го совладаа Уругвај. Во другата страна на ждрепката утре ќе се дознаат полуфиналистите – Хрватска игра со Русија, а Англија со Шведска.
Мечот почна со високо темпо и Бразилците веќе во седмата минута имаа удар во дирекот – Нејмар нафрлува од левата страна, а Тијаго Силва од три метри само во стативата. Белгијците враќаат веќе во следната минута, откако Лукаку имаше добра асистенција за Чадли, кој шутира од работ на шестнаесетникот, но само покрај голот.
Габриел Жесус во 10. минута се проби низ белгиската одбрана , и додава до Паулињо, кој шутира само во блокот. Паулињо веќе во следната минута по еден корнер беше блиску до голот.
Во 13. минута „студен туш“ за Бразил. По корнерот на Шадли, Фернандињо со рамото си постигнува автогол. Бразил враќа со две шанси во 15. минута, кога Вилијан има одличен шут, и во 20. минута кога Кутињо од 20-тина метри го погодува само голманот Куртоа.
Во 32. минута, Белгија поведува со 2:0 откако Кевин де Бројне со одличен удар од 20 метри го совладува Алисон Бекер, откако претходно Лукаку имаше одличен продор.
Бразил во 37. минута беше многу блиску до гол откако прво Марсело нафрлува, а Куртоа одбива во корнер. До крајот на полувремето, Винсен Компани имаше шанса да постигне ефективен гол со петица.
Бразилците влегоа во директен напад на почетокот на второто полувреме, кога прво Фирмино во 52. минута за малку го промашува голот, а во 54. минута има одличен обид и Паулињо. Бразилците бараат пенал во 55. минута, кога Компани го соборува Жесус во шестнаесетникот. Српскиот судија Милорад Мажиќ бара интервенција на ВАР, но нема ништо од пеналот.
Во 76. минута, нововлезениот Ренато Аугусто носи надеж за Бразилците, откако добива фантастична топка од Филипе Кутињо, а тој го совладува немоќниот Куртоа. Белгија влегува во тешка дефанзива во последните минути, дозволувајќи Бразил да направи „опсада“ на нивниот гол.
Шансите за Бразил како на филмска лента – во 77. минута Кутињо добива топка во шестнаесетникот од Нејмар, но шутира над голот, во 81. минута Ренато Аугусто повторно беше во шанса, за во 4. минута, Кутињо повторно да утне добра шанса.
Во последните минути, Нејмар за малку ќе го совладаше Куртоа, чии брзи рефлекси ги спасија Белгијците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Модриќ во август доаѓа во Милан
Масимилијано Алегри, кој се врати на позицијата тренер на Милан, го потврди доаѓањето на Лука Модриќ во клубот. На својата прва прес-конференција како тренер на „Росонерите“, Италијанецот не остави простор за сомнеж:
„Го чекаме Лука Модриќ. Доаѓа во август. Станува збор за важен, извонреден играч.“
Лука Модриќ така би станал второто засилување на Милан во летниот трансфер период. Прво беше доведен и офанзивниот играч Самуеле Ричи, кој пристигна од Торино за 23 милиони евра. Со доаѓањето на Модриќ, Милан има намера дополнително да го зајакне средниот ред на тимот:
Спорт
(Видео) Ракитиќ потврди дека ја завршува кариерата, објави емотивно видео
Триесет и седум годишниот Иван Ракитиќ, еден од најдобрите хрватски фудбалери во последните две децении, преку видеопорака објавена денес на социјалните мрежи потврди дека ја завршува фудбалската кариера.
View this post on Instagram
Со објавата тој ги потврди шпекулациите од пред десетина дена кога не беше на почетокот на подготовките на сплитски Хајдук.
Ракитиќ ја завршува кариерата со 106 настапи и 15 погодоци во дресот на Хрватска, 323 натпревари за Севиља, 310 за Барселона и повеќе од 100 за Шалке .
Роден е во Швајцарија, а кариерата ја започнал во Базел. Патот потоа го одвел во Шалке, Севиља, Барселона, повторно Севиља, Ал Шабаб и на крај Пољуда.
Хрватските медиуми објавуваат дека Ракитиќ, кој освоил 17 клупски трофеи, ќе остане во фудбалот бидејќи ќе биде дел од стручниот штаб на Горан Вучевиќ, спортскиот директор на Хајдук.
Со “коцкастите” во 2018. година стигна до сребрниот медал на Светското првенство во Русија, а од националниот тим се повлече во 2019. година.
Фото: ЕПА
Спорт
Синот на Анчелоти станува тренер на актуелниот шампион на Бразил и на Јужна Америка
Давиде Анчелоти ја доби својата прва самостојна работа во својата тренерска кариера три недели пред неговиот 36-ти роденден.
Тој го презеде Ботафого, актуелниот шампион на Бразил и Јужна Америка. Анчелоти помладиот, познат по тоа што беше асистент на својот познат татко Карло во последните девет години, беше близок до Глазгов Ренџерс, но на крајот го презеде бразилскиот гигант наместо шкотскиот.
Давиде Анчелоти му помагаше на својот татко во Баерн, Наполи, Евертон и Реал Мадрид, а продолжи со истата работа откако Анчелоти постариот стана селектор на бразилската репрезентација. Сега тој ќе ја комбинира работата како помошник тренер во националниот тим со работата во Ботафого.
На почетокот на својата самостојна кариера, Давиде Анчелоти го презеде тимот што ја освои бразилската Серија А и Копа Либертадорес, јужноамериканската верзија на Лигата на шампионите, минатата сезона. Артур Хорхе, тренерот кој го водеше тимот до голем успех, потоа замина за Катар.
Во февруари, Ренато Паива стана нов тренер, но беше отпуштен пред една недела. Под негово водство, Ботафого направи изненадување на тековното клупско првенство со победата над ПСЖ во групата, по што беа елиминирани од Палмеирас во првата нокаут рунда. Сопственик на Ботафого е американскиот бизнисмен Џон Текстор, чие портфолио ги вклучува и Лион и Кристал Палас.
Фото/EPA-EFE/ISABEL INFANTES
Поради пожар, целосно прекинат сообраќајот кон граничниот премин Блаце
Министерството за внатрешни работи известува дека поради ширењето на пожарот во близина на Блаце, целосно е прекинат сообраќајот на патниот...
(Видео) Хеликоптерите на МВР со над 70 тони вода го гаснеа пожарот кај Блаце
Во рамките на денешните активности полициските службеници од Хеликоптерската единица за полициски намени при Министерството за внатрешни работи активно учествуваа...
Изгорено човечко тело пронајдено во Ѓорче Петров – прва жртва од пожарите во Скопско
Човечко тело било пронајдено изгорено во помошна просторија по пожарот што вчера избувна кај мостот на реката Лепенец, во близина...
(Видео) На 400 невработени Владата ќе им плати по 24.000 денари ако се пријават за помош во гаснењето пожари, најдобрите ќе добијат и вработување
Владата ги повика невработените да се пријават на огласи што ќе ги распишат општините за помош во справувањето со пожарите....
Владата со бесплатни инвитро-процедури и даночни олеснувања во борба против падот на наталитетот
Пратеничката Бети Стаменкоска-Трајкоска од ВМРО-ДПМНЕ предупреди дека Македонија повеќе од една деценија се соочува со сериозна фертилитетна рецесија и ја...
Апелот на Министерството за здравство да не се снимаат пациентите од дискотеката во Кочани е загрижувачки, смета Хелсиншкиот комитет
Хелсиншкиот комитет за човекови права изразува сериозна загриженост поради апелот на Министерството за здравство до медиумите да не ги фотографираат...
Кирков: Поморот во куќата на стравот продолжува – во Скопје ЗОО починаа уште две лами
„Нашата, скопската Зоолошка, е една хорор-приказна изминативе 3,5 години, ја нареков куќата на стравот со цел некоја ‘умна’ глава преземе...
(Видео) Два полициски хеликоптера го гаснат пожарот во околината на Блаце
Денеска, од 5 часот, полициски службеници од Хеликоптерската единица за полициски намени при МВР, со два хеликоптера на единицата за...
(Видео/фото) Масивен руски напад со дронови врз Киев, Харков и Одеса
Руските сили ја нападнаа Украина со беспилотни летала од типот „Шахед“, при што најтешко се погодени Харков, Одеса и Киев,...
(Видео) Ангелов: Пожарот кај Блаце делумно под контрола
Рано утрово по 5 часот e започнато со гасење на големиот пожар на отворен простор, којшто вчера во попладневните часови...
Татко загина спасувајќи го семејството во Тексас: катастрофалните поплави одзедоа најмалку 80 животи
Катастрофалната поплава што го погоди југоисточен Тексас одзеде најмалку 80 животи, вклучувајќи 21 дете, соопштија локалните власти. Обилните дождови што...
(Видео) Три хеликоптери го гаснат пожарот кај селата Чучер и Блаце
Утрово трите хеликоптери (два на МВР и еден на АРМ) во 05.00 часот почнаа со дејство над пожарот на територијата...
Трамп: Испраќаме писма за царините до сите земји
САД ќе почнат да испраќаат писма до своите трговски партнери за нови договори и тарифи почнувајќи од денес, изјави американскиот...
Трамп: Тажно е да се гледа како Илон целосно ја губи контролата
Американскиот претседател Доналд Трамп ги нарече плановите на Илон Маск за основање нова политичка партија „смешни“ и додаде дека Соединетите...
(Видео) 80 мртви во поплавите во САД, меѓу нив и 28 деца: потрагата по исчезнатите продолжува
Бројот на жртви од катастрофалните поплави што го погодија централниот дел од Тексас рано утрово се искачи на најмалку 80,...
(Видео) Ангелов: Mожна причина за пожарот кај Блаце е фрлено догорче од цигара од возило во движење или намерно потпалување
Два полициски хеликоптера, еден армиски хеликоптер, еден Хермелин со цистерна на ДЗС, еден Пинцгауер на ДЗС и едно теренско возило...
Пожарот зафати само надворешен дел од дворот на Психијатриската болница во Бардовци, нема причина за загриженост, велат од Министерството за здравство
По пожарот што вчера зафати дел од тревна површина во дворот на ЈЗУ Психијатриска болница „Скопје“, Министерството за здравство ја...
(Видео) Во седум налети хеликоптерот на МВР исфрли 10 тони вода
Вчера полициски службеници од Хеликоптерската единица за полициски намени при МВР, а по претходно добиено барање од ЦУК за преземање...
Нормализиран патниот сообраќај до граничниот премин Блаце
Ноќеска е нормализиран патниот сообраќај до граничниот премин Блаце. Укината е забраната и за товарните моторни возила и за автобусите....
Евакуација во Психијатриската болница Бардовци, пожарот го зафати дворот
Попладнево избувна пожар во населбата Геге кој се прошири кон населбата Бардовци и зафати дел од површината на дворот на...
