Спорт
Обвинителот побарал апсење на Иван Савидис
По скандалот што синоќа се случи на стадионот „Тумба“ во Солун, грчкото обвинителство дало налог за апсење на претседателот на ПАОК, Иван Савидис.
Сликите од стадионот на ПАОК молскавично ја обиколија Европа и светот, а во центарот на вниманието е скан…


По скандалот што синоќа се случи на стадионот „Тумба“ во Солун, грчкото обвинителство дало налог за апсење на претседателот на ПАОК, Иван Савидис.
Сликите од стадионот на ПАОК молскавично ја обиколија Европа и светот, а во центарот на вниманието е скандалозното однесување на претседателот на „црно-белите“ од Солун, Савидис.
Првиот човек на клубот вооружен со питол влегол на теренот, следен од своето лично обезбедување , и тргнал да се пресмета со главниот судија, откако тој во 89.минута поради офсајд го поништи голот на ПАОК.
Според грчките медиуми, Савидис му се заканил на судијата дека ќе го убие доколку не го признае голот. По долго убедување судијата го ја повлекол својата претходна одлука, го признал голот, но играчите на АЕК со образложение дека не се чувствуваат безбедно, не сакале да го доиграат натпреварот.
Обвинителот идал налог за апсење на Савидс и уште четири лица, за кои се претпоставува дека се дел од неговото обезбедување.
Инаку обвинителот бара апсење на грчко-рускиот бизнисмен бидејќи неовластено влегол на теренот, а не поради тоа што носел пиштол.
ПАОК сигурно го очекува жестока казна, не само од националниот сојуз туку и од УЕФА.
За потесетување пред три недели ПАОК не го одигра дербито против Олимпијакос бидејќи со ролни тоалетна хартија навивачите на солунскиот клуб го погодиле тренерот на гостите Оскар Гарсија.
Подоцна Олимпијакос го доби мечот со службен резултат, на ПАОК му беа одземени три бода, кои му беа вратени во неделата во раните утрински часови бидејќи Сојузот ја прифатил жалбата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Реал го декласира Баерн, избори пласман во плеј-офот

Кошаркарите на Реал Мадрид го совладаа Баерн со 93:71 во последниот натпревар одигран во рамките на плеј-ин во Евролигата.
Реал ја комплетира листата на учесници во плеј-офот, во четвртфиналето ќе игра против Олимпијакос.
Избраниците на Чус Матео го диктираа ритамот од стартот на мечот, во ниту еден момент не му дозволија на Баерн да се врати и забележаа рутинска победа. Реал во првите десет минути ги реши сите дилеми кога оствари предност 33:17. Тимот од Минхен беше ослабен, Карсен Едвардс остана надвор од тимот поради повреда.
Кај Реал Мадрид најрасположен беше Марио Хезоња со 19 поени со седум скока и една асистенција, а го следеше Џанан Муса со 16 поени и пет скока.
Двоцифрени беа и Алберто Абалде со 13 поени и три асистенции, Факундо Кампацо со 12 поени, четири скока и пет асистенции, како и Валтер Таварес со 10 поени и три скока.
Кај Баерн се истакна Шабаз Напиер со 19 поени, четири скока и три асистенции, а го следеше Андреас Обст со 12 поени и три скока.
Двоцифрен беше и Девин Букер со 10 поени и три скока.
Плејо-фот започнува следниот вторник на 22 април (Фенер – Париз од 19:45 часот и ПАО – Ефес од 20:30 часот) и ќе трае најдоцна до 7 мај доколку има потреба мајсторки.
Спорт
Алонсо не сака да го поврзуваат со Реал

Тренерот на Баер Леверкузен, Чаби Алонсо одби да ги коментира наводите на одредени медиуми дека тој на лето ќе стане тренер на Реал Мадрид и истакна дека не е време да се зборува за иднината.
Некои шпански и германски медиуми објавија дека Чаби Алонсо ќе го замени Карло Анчелоти на клупата на Реал на крајот од сезоната, пред почетокот на Светското клупско првенство.
„Ова не е добар момент да зборуваме за иднината. Се наоѓаме во исклучително важен период од сезоната. Не сакам да коментирам шпекулации. Најважно ми е што се случува сега и што го чека мојот клуб до крајот на сезоната”, изјави Шпанецот на денешната прес-конференција.
Чаби Алонсо (43) играше за Реал од 2009 до 2014 година, а медиумите долго време од лани пишуваат дека тој ќе го наследни Анчелоти.
Италијанецот има договор до јуни следната година, но повеќето медиуми веруваат дека тој ќе го напушти клубот во јуни.
Спорт
Ферстапен добил неверојатна понуда да го напушти Ред Бул

Актуелниот шампион во Формула 1, Макс Ферстапен, добил неверојатна понуда кариерата да ја продолжи во Астон Мартин. Доколку ја прифати ќе стане најплатениот возач во историјата на Формула 1.
Италијанската „Газета дело Спорт“ откри дека Астон Мартин на Холанѓанецот му понудил неверојатни 264 милиони евра за тригодишен договор.
Понудата ги опфаќа сезоните 2026, 2027 и 2028 година, а Астон Мартин очигледно нема намера да штеди пари кога е во прашање доведувањето на актуелниот шампион.
Според овој извор, зад оваа астрономска понуда стои државниот инвестициски фонд на Саудиска Арабија — Фонд за јавни инвестиции (PIF).
Овој фонд веќе поседува 20% од компанијата „Астон Мартин лагонда“, а преку нафтениот гигант „Арамко“ е и главен спонзор на тимот.
Договорот на Ферстапен со Ред Бул е до крајот на 2028 година, но одредени клаузули овозможуваат тој да биде и пред време раскинат.